Vedmak (romannar seriäse)

«Vedmak turında saga» (пол. Saga o wiedźminie) — Läxstan yazuçısı Ancey Sapkovskiynıñ fäntezi janrındağı kitaplar siklı.

Siklnıñ berençe xikäyäse 1986 yılda, ä soñğı kitabı 2013 yılda dönya kürä. Kitaplar soñraq urta ğasırlar axırındağı Awrupanı xäterlätkän uylap çığarılğan «Vedmak» dönyasında bara, anda keşelär yanında törle tılsımlı zatlar häm monstrlar yaşi.

Riviädän Geral't — soñğı vedmaklarnıñ berse. Vedmaklar — monstrlarnı küçmä awlawçılar. Siklnıñ berençe kitapları Geral't macaraları turında xikäyälär cıyıntığı bulıp tora, yış qına klassik ädäbi äkiätlärne häm folklor satirik räveştä uynıy, ä annan soñğı kitaplarnıñ sujetı Geral't häm anıñ tabiğättän östen sälätlärgä iä tärbiälänüçese Tsiri tiräsendä tözelgän citdiräk tarix bulıp tora.

Äsärlär motivları buyınça ike serial töşerelgän Läx (2002) häm Amerika (2019), häm fanatlar «Şiğriät yartı ğasırı soñraq» filmı; sanaq uyınnarı çığarılğan: «The Witcher», «The Witcher 2: Assassins of Kings»,«The Witcher 3: Wild Hunt» häm «Gwent: The Witcher Card Game»; rok-opera yazılğan häm quyılğan; Läxstandä Geral't häm «Vedmak turında saga»nıñ başqa geroylarınıñ macaraları turında komikslar bastırılğannar.