Абдуләхәт Аббасов
Абдуләхәт Аббасов, Габделхат Гомәр улы Габбасов, рус. Аббасов Абдулихат Умарович (30 сентябрь 1929 — 11 август 1996) — совет хәрби-диңгез эшлеклесе, контр-адмирал (22.02.1983), Советлар Союзы Герое.
Тәрҗемәи хәле
Түбән Новгород өлкәсе, Пилнә районы, Яңа Мочали авылында туа. Урта мәктәпне тәмамлый.
1930 елдан Мәскәүдә яши. 1942—1945 елларда һөнәрчелек училищесының җитештерү остаханәләрендә столяр булып эшли.
Югары хәрби-диңгез училищесен (1954, Ленинград), Хәрби-диңгез академиясен (1968, Ленинград) тәмамлый.
1950 елдан Совет Социалистик Республикалар Берлегенең Хәрби диңгез флотында. Мина-торпеда сугышчан часте командиры, дизель су асты көймәсе командиры ярдәмчесе һәм өлкән ярдәмчесе, атом су асты көймәсе командиры өлкән ярдәмчесе булып хезмәт итә. 1962—1983 елларда Төньяк флотта: атом су асты көймәсе, 1980 елдан хәрби часть командиры. 1983—1988 елларда Совет Социалистик Республикалар Берлеге Хәрби диңгез флотының хәрби әзерлек үзәгендә бүлек җитәкчесе.
1981 елның 16 декабрендә, сугышчан бурычны уңышлы үтәгәне өчен, беренче ранг капитанына Советлар Союзы Герое исеме бирелә.
Ленин ордены, медальләр белән бүләкләнә.
Әдәбият
- Батырлар китабы — Книга Героев. — Казан, 2000;
- Булатов Н. Х. Йолдызлы йолдызлар. — Казан, 2000;
- Герои Советского Союза: Краткий биографический словарь. — М., 1987. Т. 1.
Сылтамалар
- Герой турында
- Татар энциклопедиясе 2016 елның 4 март көнендә архивланган.