Айрат Хәйруллин (1981)

1981 елның 11 декабрендә Татарстан АССР Баулы шәһәрендә туган^[2].

1996—2002 елларда — Баулы кирпеч заводында кирпеч салучы-сортларга аеручы^[3].

2002—2003 елларда — Татарстан Республикасы элемтә министрлыгында I категорияле белгеч.

2003—2007 елларда — Татарстан Республикасы Транспорт һәм юл хуҗалыгы министрлыгында әйдәп баручы белгеч, баш белгеч, бүлек башлыгы.

2007 елның мартыннан — «Татарстан Республикасы мәгълүмат технологияләре үзәге» ДУ генераль директоры урынбасары.

2008 елның 28 мартыннан — Татарстан Республикасы Министрлар Кабинеты Аппаратында Мәгълүмат коммуникацияләре, мәгълүматны саклау һәм матди-техник тәэмин итү бүлеге башлыгы, 2010 елның 23 апреленнән — Аппарат җитәкчесе урынбасары, 2011 елның 1 гыйнварыннан — Татарстан Республикасы Министрлар Кабинеты Аппараты җитәкчесе урынбасары — Эшләр белән идарә итүче.

2012 елның 31 маеннан — Татарстан Республикасы Президентының икътисадый мәсьәләләр буенча ярдәмчесе.

2015 елның 2 мартыннан — Әлмәт муниципаль районында: башкарма комитет җитәкчесе в. б.^[4], 2 апрельдән — Әлмәт муниципаль районы башкарма комитеты җитәкчесе, 23 сентябрьдән — Әлмәт муниципаль районы башлыгы, Әлмәт муниципаль районы Советы рәисе, Әлмәт шәһәре башлыгы, Әлмәт шәһәре Советы рәисе^[5].

2019 елның 5 июненнән — Татарстан Республикасы мәгълүматлаштыру һәм элемтә министры^[6]. Министрлыкны үзгәртеп кору сәбәпле, 2019 елның 25 сентябреннән — Татарстан Республикасы Дәүләт идарәсенең цифрлы үсеше, мәгълүмати технологияләр һәм элемтә министры. 2025 елның 25 сентябрендә министр вазифасыннан китә^[7][8].

2026 елда җәмәгать башлангычында Татарстан Республикасы премьер-министры ярдәмчесе итеп билгеләнә. Бу вазифада ул республикада ясалма фәһем технологияләрен үстерү һәм кертү белән шөгыльләнүче комиссия әгъзасы була^[9].

• «Казанның 1000 еллыгы истәлегенә» медале (2005);
• «Мәгълүмат яклауның дәүләт системасын ныгыткан өчен» I дәрәҗә Россия ФСТЭК медале (2010);
• Татарстан Республикасы Министрлар Кабинетының Рәхмәте (2012);
• Татарстан Республикасы Президентының Рәхмәте (2013);
• «Казан шәһәрендәге 2013 елгы XXVII Бөтендөнья җәйге универсиада» истәлекле медале (2014);
• «Сочи шәһәрендәге 2014 елгы XXII Кышкы Олимпия уеннары һәм XI кышкы Паралимпия уеннары» истәлекле медале (2014);
• Татарстан Республикасы Президентының Рәхмәте (2015);
• «Казанда 2015 елгы Спортның су төрләре буенча XVI дөнья чемпионаты» истәлекле медале (2016);
• Россия Федерациясе Оборона министрлыгының «Хәрби бердәмлекне ныгыткан өчен» медале (2017);
• «Татарстан Республикасында физик культураны һәм спортны үстерүдәге казанышлары өчен» мактау тамгасы (2018);
• «Россия дәүләт учреждениеләре хезмәткәрләре профсоюзына 100 ел» юбилей тамгасы (2018);
• Татарстан Республикасы Президентының Рәхмәте (2019);
• Россия Федерациясе Цифрлы үсеш, элемтә һәм массакүләм коммуникацияләр министрлыгының Мактау кәгазе (2020);
• Россия Федерациясе Президентының Рәхмәте (2020);
• «Фидакарь хезмәт өчен» медале (2021);
• II дәрәҗә «Ватан алдындагы казанышлары өчен» ордены медале (2025)^[2];
• Татарстан Республикасының атказанган мәгълүматлаштыру һәм элемтә хезмәткәре (2025)^[1].

Өйләнгән. Өч ул тәрбияли.

Фотога төшерү, йөзү, хоккей белән шөгылләнә.

2021 елдан фән, техологияләр, ясалма фәһем үсеше турында подкаст алып бара^[10]. Аның студиясенә дизайнер Артемий Лебедев, маркетолог Игорь Манн, биолог Станислав Дробышевский, астроном Владимир Сурдин һ.б. билгеле шәһесләр килә.