Роман Шәйхетдинов

1974 елның 28 август көнендә Казанда туа.

Шәйхетдинов Татарстан Республикасы Хөкүмәтенә килгәч, Николай Никифоров башлап җибәргән комплекслы мәгълүматлаштыру эше актив үсеш ала.

Шулай Шәйхутдинов министр вазифасы вакыттында дәүләт һәм муниципаль хезмәтләрне электрон рәвешкә күчерү өлкәсендә планлы эш дәвам итә. Әгәр 2012 елда Татарстан Республикасы дәүләт һәм муниципаль хезмәтләр порталында 86 хезмәт электрон рәвештә булса^[6], 2018 елга аларның саны 250 гә якын^[7], татарстанлыларның 80 % тан артыгына «читтән торып» режимында хезмәт күрсәтелә^[8]. 2017 елда Дәүләт һәм муниципаль хезмәтләрне электрон рәвештә күрсәтү проекты белән Татарстан БМО каршындагы Халыкара электр элемтәсе берлеге (ru) конкурсында беренче урынны яулый^[9].

Шәйхетдинов гражданнар һәм дәүләт хезмәттәшлеген арттыру өчен краудсорсинг (ru) платформаларын үстерүгә аерым игътибар бирә. Шулай итеп, Шәйхутдинов министр вазыйфасы вакыттында «Халык инспекторы» сервисы эшли башлый, аның ярдәмендә татарстанлылар республика юлларында хокук тәртибен тәэмин итүдә катнаша ала^[10]. Әлеге сервисны Россиянең башка төбәкләрендә дә куллану планлаштырылган^[11]. Шәйхетдинов министрлыгы вакытында, мөһим мәсьәләләр буенча гражданнарның мөрәҗәгатьләрен кабул итү максаты белән «Халык контроле» системасы эшли башлый^[12]. Инде өч елдан соң әлеге система «Дәүләт һәм җәмгыять элемтәсен тәэмин итүдә мәгълүмати технологияләр» номинациясендә «ПРОФ-IT.2014» Бөтенроссия IT-проектлар конкурсында беренче урынны яулады^[12].

2010—2011 елларда мәктәпләрне яңа компьютерлар белән җиһазландыру Татарстанның электрон белем бирү системасын үстерүгә зур йогынты ясады^[13]. Әлеге системаны үстерү кысаларында, республика мәктәпләрендә 11 меңнән артык Wi-Fi нокталары урнаштырылган, шулай ук 2018 ел ахырына кадәр урта һөнәри белем бирү оешмаларында 1,5 мең нокта барлыкка киләчәк^[14].

Роман Шәйхетдинов катнашында 2014 елда Татарстанда сәламәтлек саклау өлкәсендә эшкә яраксызлык хакында электрон таныклыклар бирү буенча проект гамәлгә ашырылды^[15]. 2018 елдан башлап ул республиканың барлык медицина оешмаларында кулланылышка керде. Бүгенге көндә авыру таныклыгын электрон рәвештә бирү буенча Татарстан 2 нче урында тора^[16].

2012 елның 1 мартында DVB-T2 форматындагы цифрлы ТВ Россиядә беренче булып Татарстанда эшли башлый^[17]. Ә 2013 елның 25 июнендә Казан — Россия Федерациясендә цифрлы телевидениенең икенче мультиплексын башлап җибәргән беренче шәһәр була^[18].

Шәйхетдинов җитәкчелегендә Министрлык кәрәзле элемтәнең территориясен арттыруда актив эш алып бара. Шулай 2017 елда сыйфатлы кәрәзле элемтә белән тәэмин итү буенча «Төбәкара инфраструктура төркеме» компаниясе барлыкка килә^[19].

Шәйхетдинов Республикада 2011 елдан бирле алып барыла торган асылма элемтә линияләрен бетерү эше буенча куратор булып тора. Бу проектны тормышка ашыруда төбәкнең тугыз шәһәре катнаша. 2018 ел башына Татарстанда барлык асылмалы линияләрнең 50 % ы инде җир астына күчерелә^[20].

Роман Шәйхетдинов катнашында ИТ-белгечләр өчен яңа шәһәр — Республиканың Югары Ослан муниципаль районындагы Иннополис шәһәре төзелеше актив алып барыла. «Проект чит илгә китәргә теләгән белгечләр өчен яхшы альтернатива булачак, аның бурычы — кызыклы эш урыннары, бизнес алып бару һәм эшләнмәләрне капитализацияләү өчен шартлар булдыру», — дип белдерә Шәйхетдинов^[21]. Шәһәрнең рәсми ачылышы 2015 елның 9 июненә туры килә^[22]. Биредә барлык инфраструктура да эшли, шәһәрдә 3 меңгә якын кеше яши, 160 компания теркәлгән, аларның 77 се «Иннополис» резидентлары һәм партнерлары, шулар арасында — Тинькофф банк^[23], Сбербанк^[24], Schneider Electric^[25] һәм башкалар бар.

Биредә Россиянең ИТ-индустриясе өчен, Карнеги Меллон Университеты белән хезмәттәшлектә, Иннополис Университеты ачыла. Шәйхетдинов фикеренчә, әлеге университет Россиядә IT-белгечләр әзерләүнең сыфатын арттыруга юнәлдерелгән^[26].

Татарстан Республикасының мәгълүматлаштыру һәм элемтә министрлыгында эшләү дәверендә, Шәйхетдинов Россиянең эре компанияләре белән актив диалог урнаштыра. Аның инициативасы буенча региональ хөкүмәт «Ростелеком» һәм «Яндекс» компанияләре белән хезмәттәшлек турында килешү төзи. Әлеге килешүләрнең нәтиҗәсе буларак, 2018 елның маенда Иннополиста 5G челтәре эшли^[27] һәм беренче пилотсыз таксилар йөри башлый^[28]. Шулай ук Роман Шәйхетдинов Россия Федерациясе Хөкүмәте адресына Иннополистны пилотсыз транспортларны сынау буенча мәйданчык буларак куллануны тәкъдиме белән чыга^[29].

Республика һәм татар халкы файдасына Вики-технологияләрне куллануны җиңеләйтүгә юнәлгән башка гамәлләр арасында, Россия Федерациясендә һәм дөньяда беренче булып Татарстан Республикасының «Рәсми Татарстан» порталында урнашкан бар республика һәм муниципаль башкарма хәкимият органнарының веб-сайтларны «Creative Commons» ирекле эчтәлек лицензияләренә күчерә^[30][31].

2018 елда Шәйхетдинов Татарстанда «Цифрлы икътисад» милли проектының кураторы итеп билгеләнә^[32]. Аның фикеренчә, цифрлаштыру — гражданнарның дәүләт һәм муниципаль органнары белән элемтәсе, һәм элеге элемтәне ныгыту өчен барлык процессларны мөмкин кадәр электрон рәвешкә күчерергә кирәк^[33].

Өйләнгән, өч баласы: кызлары — Елена белән София, улы — Борис^[34].

• Халыклар дуслыгы ордены (2025);
• «Татарстан Республикасы алдындагы казанышлар өчен» орден медале (2024);
• «Россия Федерациясенең Мактаулы фән һәм югары технологияләр хезмәткәре» мактаулы исеме (2024);
• Татарстан Республикасының атказанган мәгълүматлаштыру һәм элемтә өлкәсе хезмәткәре (2018)^[35];
• «2018 елның 18 март көнне үзган Россия Федерациясе Президентын сайлауларны уңышлы үткәрүдә кулланылган ГАС „Выборы“ системасының, тавыш бирү процедураларны видео каналлары аркылы тапшыру һәм видеотрансляций процедур голосования и реализации возможностей мобиль сайлаучы мөмкинлекләрнең туктаусыз эшләвен тәэмин итүгә кертем өчен» Россия Федерациясе элемтә һәм массакүләм коммуникацияләр министрының рәхмәт хаты (2018);
• «Россия почтасы» Федераль дәүләт унитар предприятиесенең «Казанда почта логистикасы үзәген төзүдә булышлык өчен» рәхмәт хаты (2018);
• Россия Федерациясе буенча Татарстан Республикасының позитив имиджын үстерүдәге проектларында актив катнашу өчен Татарстан Республикасы Президенты Аппаратының рәхмәт хаты (2016);
• «2015 елда Казанда узган XVI нчы су спорт төрләре буенча дөнья чемпионаты» истәлекле медале;
• 2015 елда Казанда узган XVI нчы су спорт төрләре буенча дөнья чемпионаты һәм XVI нчы су спорт төрләре буенча «Мастерс» дөнья чемпионатын әзерләүгә һәм уздыруга кертән зур өлеш өчен Татарстан Республикасы Президентының рәхмәте;
• «Профсоюз эшчәнлегендә актив катнашу һәм партнерлык кысаларында Профсоюз белән нәтиҗәле хезмәттәшлек» өчен «Элемтә өлкәсендә социаль партнерлыкның 20 еллыгы» истәлекле медале;
• «2014 елда Сочида узган XXII Кышкы Олимпия уеннары һәм XI Кышкы Паралимпия уеннары» истәлекле медале
• «Дәүләтнең мәгълүмат саклау системасын ныгыту өчен» медале (2014);
• II дәрәҗә «Ватан алдындагы казанышлары өчен» орденының медале (14 гыйнвар, 2014);
• «Элемтә остасы» мактаулы исеме (2010);
• «Казанның 1000 еллыгы истәлегенә» медале (2005);
• «Монтажланган үткәргеч сыешлыгының үсеш темплары буенча» номинациясендә Татарстан Республикасы Элемтә министрлыгы «Тармакның иң яхшы җитәкчесе — 2004» конкурсында җиңүче;
• Россиякүләм «Ел Менеджеры — 2004» бәйгесе лауреаты;
• Татарстан Республикасы элемтә министрлыгының мактау грамотасы (2003).