Гөлнара Габдрахманова

1971 елның 18 сентябрендә ТАССР Арча шәһәр тибындагы бистәсендә (2008 елдан шәһәр) туа. «Рус теле һәм әдәбияты» белгечлеге буенча Казан дәүләт педагогия институтын тәмамлаган (1992).

1992—1993 елларда — Арча педагогия училищесында рус теле һәм әдәбияты укытучысы.

1993—1998 елларда — Балтачның 2 нче балалар бакчасында методист.

1998—2003 елларда — Балтач гимназиясендә рус теле һәм әдәбияты укытучысы.

2003—2005 елларда — ТР мәгариф һәм фән министрлыгының гомуми һәм урта белем бүлегендә әйдәп баручы киңәшче.

2005—2011 елларда — Балтач районы Карадуган урта гомумбелем бирү мәктәбе директоры.

2011—2014 елларда — Балтач район башкарма комитетының мәгариф бүлеге башлыгы.

2014—2018 елларда — Татарстан мәгариф һәм фән министры урынбасары — мәгариф өлкәсендә күзәтчелек һәм контроль департаменты җитәкчесе.

2018 елның 4 маеннан (ТР мәдәният министры итеп билгеләнгән Ирада Әюпова урынына) — Татарстан Республикасының Архив эше буенча дәүләт комитеты рәисе^[1].

2025 елның сентябрендә Татарстан Республикасы Рәисе указы белән Архив эше буенча дәүләт комитеты рәисе итеп яңадан билгеләнә^[2].

• Татарстан Республикасы Мәгариф һәм фән министрлыгының Мактау кәгазе (2008);
• «Мәгарифтәге казанышлары өчен» күкрәк тамгасы (2012);
• «Казанда узган 2013 елгы XXVII Бөтендөнья җәйге универсиадасы» истәлекле медале (2014);
• Татарстанның атказанган укытучысы (2016);
• Татарстан Республикасының «Фидакарь хезмәт өчен» медале белән бүләкләнгән (2020);
• «Татарстан Республикасы алдындагы казанышлар өчен» орден медале — республикада архив эшен үстерүгә керткән өлеше һәм күпьеллык нәтиҗәле хезмәте өчен (2026)^[3].