Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Фәнил Әгълиуллин

РУВИКИ проектының татар бүлегендә Әгълиуллин фамилияле башка кешеләр турында да мәкаләләр бар

Фәнил Әнвәр улы Әгълиуллин (рус. Фаниль Анварович Аглиуллин; 3 октябрь 1975, Иске Рәҗәп) — Россия дәүләт эшлеклесе. Татарстан Республикасы Рәисе ярдәмчесе — хәвефсезлек хезмәте җитәкчесе (2016-2019), полиция полковнигы. Татарстан Республикасы җир һәм мөлкәт мөнәсәбәтләре министры (2019—2024). Татарстан Республикасы премьер-министры урынбасары (Лисичанск һәм Рубежное шәһәрләрен торгызу буенча куратор, 2024 елның июле — 2025 елның сентябре)[1]. Татарстан Республикасы җир һәм мөлкәт мөнәсәбәтләре министры (2025).

Тәрҗемәи хәле

1975 елның 3 октябрендә Татарстан Автономияле Совет Социалистик Республикасының Куйбышев районы (1991 елдан Спас районы) Иске Рәҗәп авылында туа. Әтисе — Әнвәр, әнисе — Фәния (?—2004).

1993—1995 елларда Фәнил Әгълиуллин Россия Федерациясе Кораллы Көчләрендә хезмәт итә. РФ Эчке эшләр министрлыгының Казан юридик институтын  [рус.] (тат. тәмамлый (2004)[2].

Хезмәт юлы

1995—2014 елларда Россия Федерациясе эчке эшләр органнарында хезмәт итә. Паралеллель рәвештә Татарстан Республикасы Президенты ярдәмчесе вазифасын башкара, вазифага 2011 елның 20 декабрендә билгеләнә[3].

2014-2016 елларда ТР буенча Эчке эшләр министрлыгы ведомстводан тыш саклау идарәсенең махсус әзерлек бүлеге башлыгы урынбасары, РФ милли гвардиясе гаскәрләренең ТР буенча ведомстводан тыш саклау идарәсенең югары вазифаи затларның иминлеген тәэмин итү үзәге башлыгы.

2016-2019 елларда ТР Президенты ярдәмчесе — хәвефсезлек хезмәте җитәкчесе.

2019 елның 19 сентябреннән ТР җир һәм мөлкәт мөнәсәбәтләре министры[4] (2019 елның 8 сентябрендә ТР Дәүләт Советы депутаты һәм экология, табигатьтән файдалану, агросәнәгать һәм азык-төлек сәясәте комитеты рәисе итеп сайланган Азат Хәмәев урынына[5]).

Казан мәчетләрендә «экстремизмга каршы көрәшү» юнәлешендә инспекцияләр үткәргән, мәчетләргә йөрүче мөселманнарның контингенты белән кызыксынган шәхес буларак билгеле[6].

2024 елның 19 июнендә Татарстан Республикасы премьер-министры урынбасары вазифасын башкаручы итеп билгеләнә[7]. 2024 елның 11 июлендә Татарстан Дәүләт Советы депутатлары Фәнил Әгълиуллин кандидатурасын раслыйлар[8].

2024 елның июленнән 2025 елга кадәр Татарстан Республикасы премьер-министры урынбасары, шефлыкка алынган Лисичанск һәм Рубежное шәһәрләре кураторы вазифасын башкара[9][10].


2025 елның 23 сентябрендә, Татарстан Республикасы Рәисенең "Ф. Ә. Әгълиуллинны Татарстан Республикасы җир һәм мөлкәт мөнәсәбәтләре министры итеп билгеләү турында"гы 738 санлы указы нигезендә, кабат республиканың җир һәм мөлкәт мөнәсәбәтләре министры вазифасына билгеләнә[11][12].

Гаиләсе

Тормыш иптәше — Лилия. Кызлары — Камилә, Әминә.

Бүләкләре

Искәрмәләр

  1. ↑ Рөстәм Нигъмәтуллин ТР Җир һәм мөлкәт мөнәсәбәтләре министрлыгы коллективына яңа җитәкче тәкъдим итте. Правительство Республики Татарстан. prav.tatarstan.ru (19 июнь 2024). Мөрәҗәгать итү датасы: 3 май 2025.
  2. ↑ Аглиуллин Фаниль Анварович. ГлобалКазань.ру. Мөрәҗәгать итү датасы: 9 гыйнвар 2024.
  3. ↑ Распоряжение Президента Республики Татарстан. docs.cntd.ru. Мөрәҗәгать итү датасы: 9 гыйнвар 2024.
  4. ↑ Коллективу минземимущества РТ представили нового главу. БИЗНЕС Online, 19.09.2019 [рус.]
  5. ↑ ТР Дәүләт шурасының экология, табигатьтән файдалану, агросәнәгать һәм азык-төлек сәясәте комитеты. 2020 елның 15 август көнендә архивланган. ТР Дәүләт шурасы сайты
  6. ↑ Аглиуллин Фаниль Анварович. БИЗНЕС Online [рус.]
  7. ↑ Фаниля Аглиуллина назначили заместителем премьер-министра РТ (2024-06-19). 11 июль 2024 тикшерелде.
  8. ↑ Госсовет Татарстана соглавал Аглиуллина на должность вице-премьера (2024-07-11). 11 июль 2024 тикшерелде.
  9. ↑ О назначении Аглиуллина Ф.А. министром земельных и имущественных отношений Республики Татарстан (рус.). rais.tatarstan.ru (22 сентябрь 2025). Мөрәҗәгать итү датасы: 27 ноябрь 2025.
  10. ↑ Куратором Лисичанска от РТ вместо Варакина будет Фаниль Аглиуллин (рус.). БИЗНЕС Online (19 июнь 2024). Мөрәҗәгать итү датасы: 27 ноябрь 2025.
  11. ↑ Ф.Ә. Әгълиуллинны Татарстан Республикасы җир һәм мөлкәт мөнәсәбәтләре министры итеп билгеләп кую турында. pravo.tatarstan.ru. Мөрәҗәгать итү датасы: 30 сентябрь 2025.
  12. ↑ Аглиуллина вернули на пост главы минземимущества РТ [неопр.]. БИЗНЕС Online (22 сентябрь 2025). Мөрәҗәгать итү датасы: 27 ноябрь 2025.
  13. ↑ Аглиуллин Фаниль Анварович. Бизнес Online. Мөрәҗәгать итү датасы: 9 гыйнвар 2024.
  14. ↑ Аглиуллин Фаниль Анварович. Реальное время. Мөрәҗәгать итү датасы: 9 гыйнвар 2024.
  15. ↑ Аглиуллин Фаниль Анварович. TATCENTER. Мөрәҗәгать итү датасы: 9 гыйнвар 2024.
  16. ↑ О награждении медалью ордена «За заслуги перед Республикой Татарстан» (рус.). rais.tatarstan.ru (2 октябрь 2025). Мөрәҗәгать итү датасы: 11 август 2026.

Сылтамалар

Тема буенча өстәмә

Төркемнәр