Рус телендәге версияПартнёрлык проектларыМахсус проектлар
Күренешне көйләүТелне алыштыруМәгълүмат
РУВИКИ ТУРЫНДА

Гобәй Фәтхуллин

РУВИКИ проектының татар бүлегендә Фәтхуллин фамилияле башка кешеләр турында да мәкаләләр бар
РУВИКИ проектының татар бүлегендә Фәткуллин фамилияле башка кешеләр турында да мәкаләләр бар

Гобәй Сәлим улы Фәткуллин (баш. Ғөбәй Сәлим улы Фәтҡуллин; 5 (18) август 1914, Кунакбай, Югары Урал өязе, Оренбург губернасы, Россия империясе — 5 сентябрь 2012, Учалы, Башкортстан, Россия) — СССР һәм Россия хуҗалык эшлеклесе, авыл хуҗалыгы җитештерүе алдынгысы, Башкортстан АССРның Учалы районы «Совет» күмәк хуҗалыгы рәисе. Социалистик Хезмәт Герое (1957). Бөек Ватан һәм Совет-япон сугышларында катнашучы[1][2].

Тәрҗемәи хәле

1914 елның 5 (18) августында Ырынбур губернасының Югары Урал өязе Кунакбай авылында (хәзерге Башкортстан Республикасының Учалы районы) туа[2].

1938 елда Казан педагогия институтын тәмамлый[1]. 1937—1939 елларда Татарстан АССРның Питрәч авылында «За большевистский колхоз» район газеты мөхәррире урынбасары булып эшли[1].

1942 елда 1 нче Мәскәү Кызыл Байраклы хәрби авиация техник училищесын тәмамлый. Бөек Ватан һәм Совет-япон сугышларында катнаша[1].

1946 елдан башлап Учалы районында хезмәт итә: «Зауралец» район газетының (хәзерге «Учалинская газета») җаваплы мөхәррире була, 1948 елдан КПССның Учалы район комитетында эштә була[1].

1950—1972 елларда — Кунакбай, Габделкәсим, Илчемгол һәм Ургун авыллары хуҗалыкларын берләштергән Учалы районының «Совет» күмәк хуҗалыгы рәисе вазифасын башкара[3].

1972—1975 елларда авыл хуҗалыгы хезмәткәрләре һөнәри берлегенең Учалы район комитеты рәисе булып эшли[3].

1975 елдан алып алты елга якын дәвердә «Ургун күле» ял йортын җитәкли[3].

1981 елда хатыны белән Уфага күченә, анда Уфа шәһәре парклары һәм бакчалары берләшмәсе директоры булып эшли. 1979—1983 елларда Бөтенсоюз ирекле янгын сүндерү җәмгыяте Башкортстан советының уку-укыту эше буенча өлкән инструкторы вазифасын үти[1][3].

2012 елның 5 сентябрендә үзенең 99 нчы яшендә Учалы шәһәрендә вафат була[4]. Кунакбай авылында җирләнгән[1].

Бүләкләре

Гаиләсе

  • Хатыны белән бергә дүрт бала тәрбияләп үстерә, алар Уфа шәһәрендә яши һәм эшли[3].

Искәрмәләр

  1. ↑ 1 2 3 4 5 6 7 8 Фаткуллин Губай Салимович (рус.). ГАУН РБ «Башкирская энциклопедия» (10 октябрь 2019). Мөрәҗәгать итү датасы: 25 август 2026.
  2. ↑ 1 2 3 Сергей Каргапольцев. Фаткуллин Губай Салимович (рус.). Международный патриотический интернет-проект «Герои страны». Мөрәҗәгать итү датасы: 25 август 2026.
  3. ↑ 1 2 3 4 5 Р. С. Лукманов. Председатель Губай (рус.). Краеведческий портал «У4алы.рф». Мөрәҗәгать итү датасы: 25 август 2026.
  4. ↑ Ушёл из жизни Герой Соцтруда Губай Фаткуллин (рус.). ИА «Башинформ» (5 сентябрь 2012). Мөрәҗәгать итү датасы: 25 август 2026.

Әдәбият

  • Лукманов Р. С. Председатель Губай // Выжили. Выстояли. Победили. — Учалы, 2005. — С. 6—10. — 120 с.
  • Баталин В. Живущий силой земли // Герои труда Башкирии: очерки о Героях Соц. Труда / сост. Р. А. Валишин и др.. — Уфа: Башкнигоиздат, 1970. — 376 с.
  • Герои труда: Справочник о Героях Социалистического Труда и полных кавалерах ордена Трудовой Славы трёх степеней из Башкортостана / сост. Р. А. Валишин. — Уфа: Китап, 2011. — 432 с. — ISBN 978-5-295-05247-7.
  • Башкирская энциклопедия. В 7 т. Т. 7: Ф — Я / гл. ред. М. А. Ильгамов. — Уфа: Башкирская энциклопедия, 2011. — Т. 7. — 624 с. — ISBN 978-5-88185-075-3.

Сылтамалар

Төркемнәр