Евгений Куйвашев

Урта мәктәпне тәмамлагач, күпмедер вакыт «Сургутремстрой» трестында слесарь булып эшли^[4].

1991 елда армиядә хезмәт иткәннән соң, кыска вакыт Сургутта Технология транспорты идарәсендә физкультура буенча методист булып эшли^[5].

Белем алганнан соң, Ханты-Манси автономияле округының Пойковский бистәсендә башта теш технигы, аннары Әфганстан ветераннары берлегенең коммерция мәсьәләләре буенча бүлек җитәкчесе урынбасары, бетономешалка машинисты, биекче-монтажчы, соңрак «РЭУ» ПМУПта юрисконсульт .

1997 елда Куйвашев Пойковский бистәсе администрациясенә эшкә күчә, анда башта район башлыгы Эдуард Худайнатов ярдәмчесе, аннан соң аның урынбасары булып эшли, ә Худайнатов Президент Администрациясенә эшкә күчкәч, 2000 елда аның урынын ала^[6].

Хакимияттә эшләү белән беррәттән, Куйвашев дәүләт һәм хокук теориясен, муниципаль хокукны Төмән дәүләт университетының Пойковский филиалында укыта^[7].

2004-2005 — Мәскәү шәһәре суд приставлары идарәсе башлыгы урынбасары.

2005 елның 30 ноябрендә Тубыл шәһәре Думасы депутатлары тарафыннан бертавыштан Тубыл шәһәре администрациясе башлыгы итеп раслана^[8].

2007 елның 5 июлендә Төмән шәһәр Думасы депутатлары тарафыннан Төмән шәһәре администрациясе башлыгы итеп сайлана^[9].

2011 елның 29 гыйнварыннан 6 сентябренә кадәр — Россия Федерациясе Президентының Урал федераль округындагы Тулы вәкаләтле вәкиле урынбасары. 2011 елның 6 сентябреннән 14 маена кадәр — Россия Федерациясе Президентының Урал федераль округында Тулы вәкаләтле вәкиле^[10][11].

2011 елның 14 сентябреннән 2012 елның 14 маена кадәр — Россия Федерациясе Иминлек советы әгъзасе.

2012 елның 14 маеннан — Свердловск өлкәсе Губернаторы вазифаларын башкаручы^[12][13].

2012 елның 24 маенда Россия Президенты Владимир Путин Свердловск өлкәсе Закон чыгару җыенына Евгений Куйвашев кандидатурасын кертә^[14]. Кандидатура Свердловск өлкәсе Канун чыгару җыены депутатларының күпчелек тавышы белән хуплана һәм 2012 елның 29 маенда Евгений Куйвашев рәсми рәвештә өлкә губернаторы вазифасына керешә.

2012 елның 28 июленнән 22 февраленә кадәр — 2015 елның 10 ноябреннән 2016 елның 6 апреленә кадәр — Россия Федерациясе Дәүләт Советы президиумы әгъзасе^{[15][16][17][18]}.

2012 елның июлендә Куйвашев инициативасы буенча вице-губернатор посты кертелә, әмма киләсе елның декабрендә бу вазифа бетерелә^[19]. 2016 елда төбәк премьер-министры вазифасын бетерәләр, аның вазифалары губернаторга йөкләнә^[20]. Шулай итеп, 2017 ел башына Куйвашев бер үк вакытта губернатор һәм өлкә хөкүмәте башлыгы була.

2016 елның 18 сентябрендә Куйвашев «Бердәм Россия» фиркасеннән Свердловск өлкәсенең Канун чыгару җыенына сайлауларда катнаша. Сайлаулардан соң депутат вазифаларын башкармыйча, депутат мандатына тапшыра.

2017 елның 17 апрелендә үз теләге белән отставкага китә. Шул ук көнне Россия Президенты указы белән Свердловск өлкәсе Губернаторы вазифаларын вакытлыча башкаручы итеп билгеләнә^[21]. 10 сентябрьдә узган сайлауларда 62,16% нәтиҗәсе белән җиңү яулый.

2018 елның 8 декабрендә, «Бердәм Россия» сәяси фиркасенең XVIII съезды делегатлары кабул иткән карар нигезендә, Евгений Куйвашев фирканең Югары советы составына кертелә^[22].

«Милли рейтинг» проекты мәгълүматлары буенча, 2020 ел нәтиҗәләре буенча Евгений Куйвашев губернаторлар арасында, Рөстәм Миңнеханов һәм Сергей Собяниннан гына калышып, өченче урынны ала^[23].

Россия федерациясенең 1 нче класслы хакыйкый дәүләт киңәшчесе (2011 елның 30 ноябре).

Россия Федерациясенең 2 нче класслы хакыйкый дәүләт киңәшчесе (2011 елның 5 мае).