Илдар Маннанов

РУВИКИ проектының татар бүлегендә Маннанов фамилияле башка кешеләр турында да мәкаләләр бар

Илдар Мәннан улы Мәннанов (25 март 1921, Бүләк авылы Мөслим районы, Татарстан — 18 май 2010, Яр Чаллы, Татарстан) — Икенче Бөтендөнья сугышында 8 танкны яндырган каһарман, милли хәрәкәт әгъзасы.

Җидееллык мәктәпне һәм комбайнерлар курсларын бетергәч, ТАССРның Актаныш районында МТСта эшли.
1940 елда Кызыл Армиягә китә.
1941 елның ноябрендә Ленинград өлкәсенең Тихвин шәһәре янында булган бәрелештә 6 танкны яндыра. Расчеттан берүзе исән кала. Батырлык өчен Советлар Союзы Герое исеменә лаек була.
2010 елның 18 маенда вафат була.
Тихвин, Яр Чаллы шәһәрләре, Мөслим районының мактаулы гражданины.

Яр Чаллының «Җиңү» паркында Каһарманнар аллеясы ачылу тантанасы. 2018

Яр Чаллының Үзәк районында 37нче комплекста урамга исеме бирелгән (координатлары 55.728742°, 52.368522°).
2018 елның 30 августында Яр Чаллының «Җиңү» паркында ачылган Каһарманнар аллеясында скульптур сыны урнаштырылган (скульптор — Вадим Иксанов)^[1]^[2].
2023 елның 7 маенда туган ягы ― Мөслим районы Бүләк авылында бюсты ачылган.^[3]
Габдрахман Әпсәләмовның «Батыр яуда беленер» повесте фронтовик дусты Маннановка багышланган^[4].
Яр Чаллының Яңа шәһәрендә хәрби комиссариат урнашкан йортны Герой сурәте белән мурал бизи.
Яр Чаллы шәһәренең 82 нче кадет мәктәбе Советлар Союзы Герое Илдар Мәннанов исемен йөртә.

Тәрҗемәи хәле