Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Ингуш дәүләт университеты

undefined

Ингуш дәүләт университеты (рус. Ингушский государственный университет (ИнгГУ), ингуш. Гlалгlай паччахьалкхен университет) — Ингушетия Республикасының башкаласы Магаста урнашкан югары уку йорты. 1994 елда нигезләнгән. Россия Федерациясендә иң яшь университетларның берсе.

Тарих

1994 елның 23 апрелендә РФ Хөкүмәтенең 389нче санлы карары нигезендә Ингуш дәүләт университеты төзелә. Гамәлгә куючысы — Россия Федерациясенең югары белем буенча дәүләт комитеты (хәзер РФ фән һәм югары белем министрлыгы карамагында)[1][2].

1994 елның сентябрендә университет эшен башлап җибәрә һәм Орджоникидзевская станицасында урнашкан элекке Ставрополь очучылар әзерләү училищесы бинасында урнаша.

2012 елның 29 декабрендә университет спорт комплексы территориясендә йөзү бассейны ачыла[3].

Университетта 508 укытучы эшли, шулар эчендә 53 профессор — фән докторы һәм 275 доцент — фән кандидаты, 26 укытучының «Россия Федерациясенең югары һөнәри белем бирү почетлы хезмәткәре» мактаулы исеме бар. Югары уку йортында 22 юнәлеш буенча белгечлек алырга, 17 юнәлеш буенча бакалавриатта, 9 юнәлеш буенча магистрлыкка, 10 белгечлек буенча аспирантурада, 12 белгечлек буенча интернатурада һәм 8 юнәлеш буенча ординатурада белем алу мөмкинлеге бар. Студентларның гомуми саны 10 меңнән артып китә.

Факультетлар һәм кафедралар

undefined

Структура

Ингуш дәүләт университеты комплексына керә:

  • 8 уку корпусы:
    • 106 аудитория;
    • 31 лаборатория;
    • 27 лекция залы;
    • 17 компьютер классы;
    • махсус мәгълүмат-белем бирү ресурсларына тоташтырылган лингафон-дидактика классы.
  • 4 уку залы булган китапханә;
  • Россия һәм дөньяның әйдәүче каталогларына чыга алучы электрон китапханә;
  • спорт залы;
  • берсе ясалма үлән белән капланган 3 стадион;
  • йөзү бассейны;
  • фатир тибындагы тулай торак.

Сылтамалар

Искәрмәләр

  1. ↑ Республика Ингушетия. Хроника становления 1991—2002 гг. Мөрәҗәгать итү датасы: 10 июнь 2013. Архивировано из оригинала 13 гыйнвар 2017 года.
  2. ↑ Постановление Правительства РФ от 23 апреля 1994 г. N 380 «Об Ингушском государственном университете». Мөрәҗәгать итү датасы: 11 июнь 2013. Архивировано из оригинала 27 декабрь 2016 года.
  3. ↑ Ингушетии построен первый плавательный бассейн, Archived from the original on 2014-03-18, retrieved 2020-12-03 

Тема буенча өстәмә

Төркемнәр