Рус телендәге версияПартнёрлык проектларыМахсус проектлар
Күренешне көйләүТелне алыштыруМәгълүмат
РУВИКИ ТУРЫНДА

Инсаф Абдуллин

Инсаф Абдуллин (Инсаф Абдулла; 15 декабрь 1963, Фёдоровка районы, Башкорт Автономияле Совет Социалистик Республикасы) — татар дикторы[2], телевидение алып баручысы һәм педагог. «Татарстан — Яңа Гасыр» телерадиокомпаниясенең «Татарлар» тапшыруын алып баручы[3]. Казан театр училищесында һәм И. Әүхәдиев исемендәге Казан музыка көллиятендә сәхнә теле укыта. Татарстанның атказанган артисты, «Бәллүр каләм» премиясе лауреаты (2022)[4][5].

Тәрҗемәи хәле

Инсаф Абдуллин 1963 елда Башкорт АССРның Федоровка районы Әтәч авылында туа. Туган авылындагы сигезьеллык мәктәпне тәмамлагач, Салават индустрия техникумында белем ала. Аннары хәрби хезмәт уза, армиядә театр түгәрәгендә катнаша[4].

Мәсгут Имашев киңәше белән Казан театр училищесына укырга керә. Шамил Бариев һәм Рабит Батулла курсында белем ала, Асия Хәйруллинада сәхнә теле өйрәнә. Училищены 1989 елда тәмамлый[4][6].

1997 елда Казан дәүләт университетының татар теле һәм әдәбияты бүлеген тәмамлый[7]. Читтән торып укый, диплом эшен телевидениедәге мәгълүмат тапшыруларының теленә һәм стиленә багышлый[6].

Иҗади эшчәнлеге

Радио һәм телевидение

Училищеда укыган вакытта бәйге аша татар радиосына диктор булып эшкә урнаша. Радиода биш ел эшләгәннән соң, Татарстан телевидениесенә күчә. Телевидениедә мәгълүмат һәм бәйрәм тапшыруларын алып бара, телеспектакльләрдә катнаша. Шулай ук концертлар һәм әдәби-мәдәни очрашуларда алып баручы булып эшли[6].

«Адашкан мәхәббәт» исемле 269 серияле телесериалны татарчага тәрҗемә итә һәм ир-ат персонажларының тавышларын яздыра. 2013 елда «Татарстан — Яңа Гасыр» каналындагы иртәнге җомга тапшыруларын алып бара[6].

ТНВда «Татарлар» программасының алып баручыларының берсе була. 2012 елның 30 августында эфирга чыга башлаган программа төрле төбәкләрдәге татарларның тормышына, мәдәниятенә һәм әдәбиятына багышлана[8].

Театр

Татарстан Мәгариф министрлыгы каршында Фәрит Хәбибуллин оештырган театр-студиядә төп рольләрне башкара. Бу коллектив соңрак Габдулла Кариев исемендәге Казан татар дәүләт яшь тамашачы театры булып үсә[6]. Аннары Рөстәм Фәтхуллин оештырган «Адымнар» театрында эшли. 1991 елда телевидениегә күчә[4].

Педагогик эшчәнлеге

1997 елдан Казан театр училищесында укыта[4]. Татар сәхнә теле дәресләрен алып бара, курсларның сәнгать җитәкчесе була, сөйләм жанрында эшләүче эстрада артистлары әзерли. Укытуда тавыш һәм авазлар белән эшләүгә, монологны төрле аудиториягә җиткерүгә игътибар бирә[6].

undefined

Казандагы Марсель Сәлимҗанов исемендәге Актёрлар йортында «Нур» балалар студиясендә дәресләр үткәрә. И. Әүхәдиев исемендәге Казан музыка көллиятендә җырчыларга сәхнә теле нигезләрен өйрәтә[6].

2011 елның 27 апрелендә Татарстан мөселманнары Диния нәзарәтенең яшьләр бүлеге оештырган очрашуда ораторлык осталыгы буенча дәрес үткәрә[9].

2017 елда Габдулла Тукай исемендәге VII Халыкара нәфис сүз осталары бәйгесенең жюри әгъзасы була. Балалар өчен әдәби әсәр сайлаганда, текстның аларның яшенә һәм тормыш тәҗрибәсенә туры килүенә әһәмият бирә[10].

2023 елның 15 декабрендә Балтач районы мәдәният хезмәткәрләре өчен үткәрелгән семинарда сәхнә сөйләме, сулыш, артикуляция һәм дикция күнегүләре белән таныштыра[11].

«Татар кызы» халыкара бәйгесендә катнашучылар белән сәхнә сөйләме буенча эшли. 2026 елның сентябрендә бәйгегә багышланган матбугат очрашуында катнаша[12].

Бүләкләре һәм мактаулы исемнәре

Гаиләсе

Хатыны Нурфия белән Казандагы М. Горький исемендәге мәдәният йорты хорында таныша. Алар 1989 елның 1 июлендә өйләнешә. Уллары — Айрат, кызлары — Асия[6].

Искәрмәләр

  1. ↑ https://ok.ru/profile/559748104298
  2. ↑ «Хатын-кыз гаиләдә әнисен кабатлый» (2020-01-15). 7 октябрь 2026 тикшерелде.
  3. ↑ Лица ТНВ (рус.). ТНВ. Мөрәҗәгать итү датасы: 7 октябрь 2026.
  4. ↑ 1 2 3 4 5 Инсаф Абдулла: «В сетевом бизнесе я зарабатываю больше, чем на телевидении и в педагогике» (рус.). Миллиард.Татар (13 март 2024). Мөрәҗәгать итү датасы: 7 октябрь 2026.
  5. ↑ 1 2 Казанда «Бәллүр каләм — Хрустальное перо — 2022» журналистлар конкурсы җиңүчеләрен игълан иттеләр. Бөтендөнья татар конгрессы (5 август 2022). Мөрәҗәгать итү датасы: 7 октябрь 2026.
  6. ↑ 1 2 3 4 5 6 7 8 Миляуша Каримова. Пятая стена Абдуллы (рус.). Казань (18 декабрь 2013). Мөрәҗәгать итү датасы: 7 октябрь 2026.
  7. ↑ (in tt) Казан университетының татар теле һәм әдәбияты бүлеге оешуга 80 ел. Казан. 2024. pp. 209. https://ifmk.kpfu.ru/content/uploads/2024/11/bulekne-temamlauchylar-isemlege.pdf. 
  8. ↑ Татарлар (рус.). ТНВ. Мөрәҗәгать итү датасы: 7 октябрь 2026.
  9. ↑ 1 2 Инсаф Абдулла белән очрашу. Татар-ислам (29 апрель 2011). Мөрәҗәгать итү датасы: 7 октябрь 2026.
  10. ↑ Айсылу Хафизова. Инсаф Абдулла: «Нужно очень внимательно подбирать репертуар для ребенка» (рус.). Татар-информ (21 апрель 2017). Мөрәҗәгать итү датасы: 7 октябрь 2026.
  11. ↑ Семинар работников культуры (рус.). Балтаси Культура (18 декабрь 2023). Мөрәҗәгать итү датасы: 7 октябрь 2026.
  12. ↑ Милена Новикова. «Татар кызы – 2026»: җиңүчегә автомобильне Төрекмәнстан Президенты тапшырачак. Интертат (29 сентябрь 2026). Мөрәҗәгать итү датасы: 7 октябрь 2026.
  13. ↑ Наградили победителей юбилейной XXV журналистской премии Татарстана «Хрустальное перо/Бәллүр каләм» (рус.). Республиканское агентство по печати и массовым коммуникациям «Татмедиа» (5 август 2022). Мөрәҗәгать итү датасы: 7 октябрь 2026.

Сылтамалар

Төркемнәр