Лео Варадкар
Ле́о Ва́радкар (ирл. Leo Varadkar) (1979 елның 18 гыйнвары, Фингал графлыгы, Ирландия) — Ирландиянең һинд чыгышлы сәясәтчесе, Фине Гэл фиркасе җитәкчесе (2017 елдан). 2017 елның 14 июненнән 
Ирландия премьер-министры.
Тәрҗемәи хәле
1979 елның 18 гыйнварында Фингал графлыгында туган. Әтисе Һиндстанның Бомбей (Мумбай) шәһәреннән, әнисе Ирландиядән. Әти-әнисе Бөекбританиядә эшләгәндә танышканнар. Гаилә 1973 елда Ирландиягә күченгән. Әти-әниләре кебек, гаиләдәге өч бала да (София, Соня, Лео) табиблык һөнәрен сайлаган[3]. Дублинда Тринити-колледж (ru) тәмамлаган[4].
Варадкар сәясәт белән табиблыкка укыганда Фине Гэл (ru) фиркасенең яшьләр оешмасында шөгыльләнә башлый. 1999 елда Малуддартта җирле сайлауларда уңышсызлыкка очрый. 2004 елда Фингал графлыгы шурасына сайлауларда җиңә[5].
2007 елда Ирландия парламентының түбән пулаты — Дойл Эренга сайлана.
2011 елда Фине Гэл фиркасе парламент сайлауларында җиңгәч, транспорт, туризм һәм спорт министры була.
2015 елда Ирландия RTE телеширкәтенә биргән интервьюсында үзенең гомосексуал булуын ача[6].
2016 елда Көнбатыш Дублин округыннан Ирландия парламентының түбән пулатына сайлана[7].
2016 елның 6 маенда Энда Кенни хөкүмәтендә социаль яклау министры итеп билгеләнә[8].
2017 елның 2 июнендә хаким итүче фирка җитәкчесен сайлауларда торак хуҗалыгы министры Саймон Ковнины, 60% тавыш җыеп, җиңә. Шул җиңү нәтиҗәсендә илнең премьер-министры вазифасына керешә[9].
Искәрмәләр
- ↑ 1 2 https://www.nytimes.com/2017/06/02/world/europe/leo-varadkar-ireland-prime-minister.html
- ↑ 1 2 https://www.latimes.com/world/europe/la-fg-ireland-new-leader-20170602-story.html
- ↑ Paul Waldie. Meet the man on track to become the youngest PM in Irish history (ингл.). The Globe and Mail (1 июнь 2017). Мөрәҗәгать итү датасы: 4 июнь 2017.
- ↑ Kevin Doyle and Catherine Devine. 'Prejudice has no hold in this Republic' - Leo Varadkar wins Fine Gael leadership battle, and is set to be next Taoiseach (ингл.). Independent.ie (2 июнь 2017). Мөрәҗәгать итү датасы: 4 июнь 2017.
- ↑ Sarah Bardon. Leo Varadkar: The man who evolved into a taoiseach (ингл.). The Irish Times (2 июнь 2017). Мөрәҗәгать итү датасы: 5 июнь 2017.
- ↑ Chris Page. Leo Varadkar set to become Ireland's youngest prime minister (ингл.). BBC News (2 июнь 2017). Мөрәҗәгать итү датасы: 3 июнь 2017.
- ↑ Sarah Bardon. Dublin West results: Leo Varadkar, Ruth Coppinger, Joan Burton and Jack Chambers elected (ингл.). The Irish Times (27 февраль 2016). Мөрәҗәгать итү датасы: 3 июнь 2017.
- ↑ Harry McGee. Surprises aplenty in Enda Kenny’s new Cabinet (ингл.). The Irish Times (6 май 2016). Мөрәҗәгать итү датасы: 3 июнь 2017.
- ↑ Leo Varadkar: Ireland set to have first gay PM (ингл.). BBC News (2 июнь 2017). Мөрәҗәгать итү датасы: 3 июнь 2017.