Ләйсән Гыйззәтуллина

Казан хореография училищесын (Н. Мәһдиева сыйныфы) 2002 елда тәмамлый.

• 2002–2009 елларда — Татар дәүләт опера һәм балет театры солисты.
• 2009–2010 елларда — Чуаш дәүләт опера һәм балет театрында эшли.
• 2010 елдан — Пермь опера һәм балет театры артисты^[1].

Иҗади эшчәнлеге дәверендә Австрия, Германия, Испания, Нидерланд, Норвегия, Франция, Швейцария кебек илләрдә гастрольләрдә була.

• Па-де-де — «Жизель» (А. Адан);
• Гөлнара — «Корсар» (А. Адан);
• Скарабея — «Йосыф турында риваять» (Л. Любовский);
• Ут җене — «Шүрәле» (Ф. Яруллин);
• Кече аккош, Неаполитан биюе — «Аккош күле» (П. Чайковский);
• Маша, Кытай биюе — «Щелкунчик» (П. Чайковский);
• Принцесса Флорина — «Йокыга талган гүзәл» (П. Чайковский);
• Күләгә триосы — «Баядерка» (Л. Минкус);
• Амур, Китри — «Дон Кихот» (Л. Минкус);
• Шәхрезадә — «Мең дә бер кичә» (Ф. Әмиров);
• Тәмәке сатучы — «Кармен-сюита» (Ж. Бизе — Р. Щедрин);
• Хлоя — «Дафнис һәм Хлоя» (М. Равель);
• Соло — «Ballet Imperial» (Дж. Баланчин);
• Шамакай (Шутиха) — «Рококо темасына вариацияләр» (П. Чайковский музыкасына).

2013 елда Пермь опера һәм балет театрында куелган «Дягилев тарафына» (рус. «В сторону Дягилева») проекты кысаларында «Рококо темасына вариацияләр» балетындагы Шамакай партиясе өчен Россиянең милли театраль «Алтын битлек» премиясенә тәкъдим ителә. Номинациясе: «Балет — заманча бию / Иң яхшы хатын-кыз роле»^[2].

Ләйсән Гыйззәтуллинаның ире — Денис Толмазов, Пермь опера һәм балет театры солисты. Алар Казан хореография училищесы укучылары. Иҗади пар еш кына сәхнәдә бергә чыгыш ясый, классик һәм заманча спектакльләоде төп партияләрне башкара. Пар Пермьдә яши, балалар үстерәләр^[3].