Мөхәммәт Гали-паша мәчете

Мәчет Каһирә кальгасы төзелгән биек калкулыкларның берсендә урнашкан. Төзелеш 1830 елда Мөхәммәт Гали-паша идарә иткәндә башлана, 1848 елда Габбәс Һилми-паша идарәсе вакытында тәмамлана.

1831 елда Мөхәммәд Али төрек хакимлегеннән баш тарта һәм Мисыр белән мөстәкыйль идарә итә башлый.

Архитекторы — Боснияле Йосыф.

Мәчет төзелешендә, Каһирәдә Мөхәммәт Гали-паша төзеткән башка биналар кебек үк, XVIII гасырда Истанбулда гамәлдә булган барокко һәм рококо стиле кулланылган.

Намаз бүлмәсенең мәйданы — 1600 квадрат метр. Гөмбәзенең диаметры — 21 метр, биеклеге — 52 метр, ике манарасының биеклеге — 82 метр. Калкулыкта урнашканга, мәчет манаралары Каһирәнең теләсә кайсы почмагыннан яхшы күренә.

• Мисырда ислам