Рафаэль Салихов
Рафаэль Салихов, Рафаэль Гыйрфан улы Салихов, (баш. Рафаэль Ғирфан улы Сәлихов, рус. Салихов Рафаэль Гирфанович 11 апрель 1932—25 март 2017) — драма актеры. Авыргазы колхоз-совхоз татар театрында (1953-1956), Салават дәүләт башкорт драма театрында уйнаган (1956-2006), БАССР атказанган (1972), БР халык (1993) артисты. ССРБ театр әһелләре берлеге әгъзасы (1954).
Тәрҗемәи хәле
1932 елның 11 апрелендә БАССР Кырмыскалы районы Иске Муса авылында туган. Башкорт театр-сәнгать укуханәсен тәмамлаган (1949).
- 1953 Авыргазы колхоз-совхоз татар театрында (1956 елдан Салаватка күчерелә) уйный башлый.
- 1956-2006 Салават дәүләт башкорт драма театры сәхнәсендә уйный. 1988 елдан театр музее мөдире, 1991 елдан әдәби бүлек мөдире[1].
Иҗаты
Музыкаль мелодрамаларда баш рольләрдә уйный. Җырлый, уен коралларында уйный торган лирик каһарманнарны гәүдәләндерә.
Уйнаган рольләре
- Марат — «Рәйхан» Нәкый Исәнбәт, дебют (1953)
- Хәлил — «Галиябану» Мирхәйдәр Фәйзи
- Булат — «Зәңгәр шәл» Кәрим Тинчурин
- Галимҗан — «Башмагым» Хәбибулла Ибраһимов
- Әскәр — «Аршин мал алан» Гозәер Хаҗибәков
- Айбулат — «Ыргыз» Һәдия Дәүләтшина (Лек Вәлиев пьесасы, В. Сәйфуллин сәхнәләштергән)
- Михаил — «Туй көне» (День свадьбы) Виктор Розов (В. Сәйфуллин сәхнәләштергән)
- Җабагаев — «Айгөл иле» Мостай Кәрим
- Әмирхан — «Якты су өстендә» (Над светлой водой) В. Белов
- Исламгали — «Әниләр көтәләр улларын» Әсгать Мирзаһитов
- Мәхмүди — «Утлы өермә» Әсгать Мирзаһитов
- Нуретдин — «Шикаять кабул ителми» Т. Абдумомунов
- Закир, Гыймади — «Кара йөзләр» Мәҗит Гафури (А. Нурмөхәммәтов редакциясендә)
- Абдуллов — «Әбиләр кияүгә чыга» Флорид Бүләков (В. Сәйфуллин сәхнәләштергән)
- Г. Инан — «Көзән башкорты» Нәҗип Асанбаев (Наилә Байкова сәхнәләштергән)
Бүләкләре, мактаулы исемнәре
- 1972 БАССР атказанган артисты
- 1993 БР халык артисты
- 1967 Бөтенсоюз театр сәнгате смотры лауреаты
- 1986 «Хөрмәт билгесе» ордены
Сылтамалар
- Салават драмтеатры сайты 2011 елның 16 апрель көнендә архивланган.
- Рафаэль Салихов 2016 елның 14 апрель көнендә архивланган.
Искәрмәләр
- ↑ «Башкортстан» белешмәлегендә [рус.]