Фәсхетдин Шәрәфетдинов

Фәсхетдин Шәрәфетдинов 1922 елның 3 апрелендә Татарстан АССРның Бөгелмә кантоны Шөгер авылында крестьян гаиләсендә туа^[2].

1941 елдан Кызыл Армиядә. Бөек Ватан сугышында катнашучы. 201 нче аерым җиңел артиллерия бригадасының 1619 нчы җиңел артиллерия полкының дивизия начальнигы булып хезмәт итә. Калинин, Степной , 3 нче Украин һәм 2 нче Беларус фронтларында сугыша. Берничә тапкыр яраланган.

Сугыштан соң нефть разведкасында эшли башлый. Бораулау эшчесеннән вахта бораулаучы дәрәҗәсенә кадәр күтәрелә.

ССРБ Югары Шурасы Президиумының 1966 елның 23 маендагы Указы белән нефть чыгару буенча җидееллык план биремнәрен үтәүдә һәм эшендә югары техник-икътисадый күрсәткечләргә ирешүдә күренекле хезмәтләре өчен Шәрәфетдинов Фәсхетдин Мөхетдин улына Ленин ордены һәм «Урак һәм Чүкеч» медале тапшырылып, Советлар Союзы Герое исеме бирелә.

1972 елдан пенсиягә чыкканчы «Татнефтегазразведка» трестының Минзәлә разведка бораулау идарәсендә бораулау мастеры, профсоюзның бораулау комитеты рәисе һәм өлкән инженер-технолог вазыйфаларында эшли.

Пенсиягә чыкканнан соң җәмәгать эшчәнлеге белән шөгыльләнә — профсоюзның бораулау комитеты рәисе, СБКФ райкомы әгъзасы һәм җирле Совет депутаты була.

2005 елның 11 гыйнварында вафат була, Минзәләдә җирләнә^[3].

• 1944 — Кызыл Йолдыз ордены;

• 1966 — Советлар Союзы Герое исеме;
• 1966 — «Урак һәм Чүкеч» медале;
• 1966 — Ленин ордены;

• 1985 — I дәрәҗә Ватан сугышы ордены;