Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Шаһавиев Дамир Әдһәм улы

Дамир Әдһәм улы Шаһавиев (Сәет хәзрәт Шаһавиев, рус. Дамир Адгамович Шагавиев; 21 апрель 1973, Казан) — Россия ислам белгече, тарих фәннәре кандидаты, доцент. Болгар ислам академиясенең Ислам мирасы үзәге фәнни хезмәткәре, Россия ислам институтының систематик теология кафедрасы доценты. «Minbar. Islamic Studies» фәнни журналының баш мөхәррире урынбасары[1][2].

Тормыш юлы

Дамир Әдһәм улы Шаһавиев 1973 елның 21 апрелендә Казанда туа[3].

Белеме

1994 елда Казанның «Мөхәммәдия» мәдрәсәсен «имам-хатыйб» бетерә[4]. 1999 елда Шаһавиев Малайзия халыкара ислам университетын тәмамлый, гарәп теле, әдәбияты һәм ислам белеме буенча гуманитар фәннәр бакалавры  [рус.] (тат. дәрәҗәсен ала. 2002 елда шул ук университетта гарәп әдәбият белеме буенча гуманитар фәннәр магистры дәрәҗәсенә ия була[1].

2010 елда «XIX гасыр татар дини-фәлсәфи фикере үсешендә Шиһабетдин Мәрҗанинең роле» («Роль Шигабутдина Марджани в развитии татарской богословской мысли XIX века») темасына тарих фәннәре кандидаты гыйльми дәрәҗәсенә диссертация яклый (фәнни җитәкчесе — Рәфыйк Мөхәммәтшин)[4]. Диссертация 07.00.02 — «Ватан тарихы» белгечлеге буенча эшләнгән[5].

Фәнни һәм укыту эшчәнлеге

Дамир Шаһавиевның фәнни-укыту эшчәнлегенең төп этаплары[1]:

  • 2002—2004 елларда «Мөхәммәдия» Казан югары мөселман мәдрәсәсендә укыта;
  • 2004—2006 елларда Татарстан Республикасы Фәннәр академиясенең Ш. Мәрҗани исемендәге Тарих институтында кече фәнни хезмәткәр булып эшли;
  • 2006—2007 елларда Татарстан Республикасы Фәннәр академиясенең Ш. Мәрҗани исемендәге Тарих институты фәнни хезмәткәре була;
  • 2007—2011 елларда Россия ислам университетының теология факультеты деканы вазифасын үти;
  • 2011—2017 елларда Татарстан Республикасы Фәннәр академиясенең Ш. Мәрҗани исемендәге Тарих институтының иҗтимагый фикер тарихы һәм ислам белеме бүлеген җитәкли;
  • 2017—2018 елларда Болгар ислам академиясенең фәнни эшләр буенча проректоры вазифасын били;
  • 2017—2019 елларда Казан федераль университетының Халыкара мөнәсәбәтләр институтында көнчыгыш белеме, африканистика һәм ислам белеме кафедрасы доценты булып эшли;
  • 2018 елдан Болгар ислам академиясенең Ислам мирасы үзәге фәнни хезмәткәре булып тора;
  • 2018 елдан Россия ислам институтының систематик теология кафедрасы доценты булып тора;
  • 2022 елга Казан ислам университетының дини дисциплиналар кафедрасы мөдире була[2].

Инглиз, гарәп һәм төрек телләрен белә[6].

Фәнни кызыксынулары

Шаһавиевның фәнни кызыксынулары өлкәсенә түбәндәгеләр керә[1]:

  • мөселман дини-фәлсәфи фикере тарихы;
  • Россиядә ислам;
  • татар халкы тарихында һәм мәдәниятендә ислам;
  • исламда дини агымнар һәм төркемнәр;
  • ислам чыганак белеме;
  • гарәп теле һәм татар дин галимнәренең гарәп телендәге мирасы;
  • Шиһабетдин Мәрҗанинең дини-фәлсәфи мирасы.

Сайланма хезмәтләре

Монографияләре

  • Шагавиев Д. А. Татарская богословская мысль XIX — начала XX вв. и Шихабуддин Марджани. — Казань: Хузур, 2018. — 240 с.
  • Шагавиев Д. А. Шихаб ад-дин аль-Марджани и его богословское наследие. — Казань: Хузур, 2019. — 104 с.

Уку-укыту басмалары

  • Шагавиев Д. А. Арабская поэзия Мавераннахра эпохи Саманидов: учебное пособие. — Казань: Казанский государственный университет, 2003. — 175 с.
  • Шагавиев Д. А. Татарская богословско-философская мысль XIX — начала XX вв.: курс лекций. — Казань: Институт истории Академии наук Республики Татарстан, 2008. — 168 с.
  • Шагавиев Д. А. Аль-Фирак: религиозные течения и группы в исламе: учебное пособие. — Казань: Российский исламский институт, 2014. — 294 с.
  • Шагавиев Д. А. Исламские течения и группы: учебное пособие. — Казань: Хузур-Спокойствие, 2015. — 336 с.
  • Шагавиев Д. А. Основы исламского источниковедения: учебное пособие. — Казань: Российский исламский институт, 2017. — 128 с.
  • Шагавиев Д. А. Введение в суннитскую догматику: учебное пособие. — Казань: Российский исламский институт, 2021. — 166 с.

Мәкаләләре

  • Шагавиев Д. А. Сравнительное исследование термина «бид‘а» («новшество в религии») у Марджани и Шатыби // Minbar. Islamic Studies. — 2022.

Бүләкләре һәм мактаулы исемнәре

  • Казан дәүләт университетының Рәхмәт хаты (2005);
  • Россия ислам университетының Рәхмәт хаты (2008);
  • Татарстан Республикасы Президентының Дини берләшмәләр белән эшләү идарәсенең һәм Татарстан Республикасы мөселманнары диния нәзарәтенең Рәхмәте (2012);
  • Татарстан Республикасы Фәннәр академиясенең Рәхмәт хаты (2018);
  • Россия Федерациясе Юстиция министрлыгының Татарстан Республикасы буенча идарәсенең Рәхмәт хаты (2020);
  • Кемерово өлкәсе — Кузбасс буенча Россия Җәза башкару федераль хезмәте Баш идарәсенең Рәхмәт хаты (2021)[1].

Искәрмәләр

  1. ↑ 1 2 3 4 5 Шагавиев Дамир Адгамович (рус.). Minbar. Islamic Studies. Мөрәҗәгать итү датасы: 14 август 2026.
  2. ↑ 1 2 Сравнительное исследование термина «бид‘а» («новшество в религии») у Марджани и Шатыби (рус.). Minbar. Islamic Studies (7 апрель 2022). Мөрәҗәгать итү датасы: 14 август 2026.
  3. ↑ Институт истории им. Ш.Марджани | Академия наук Республики Татарстан (рус.). татаровед.рф. Мөрәҗәгать итү датасы: 14 август 2026.
  4. ↑ 1 2 Камиль Исхаков нашел главного по науке для Болгарской академии (рус.). Реальное время (29 июль 2017). Мөрәҗәгать итү датасы: 20 август 2026.
  5. ↑ Роль Шигабутдина Марджани в развитии татарской богословской мысли XIX века: тема диссертации и автореферата по ВАК РФ 07.00.02, кандидат исторических наук Шагавиев, Дамир Адгамович (рус.). DisserCat (2010). Мөрәҗәгать итү датасы: 14 август 2026.
  6. ↑ Как не попасть в сети радикалов-вербовщиков? (рус.). Тюменский государственный университет (7 сентябрь 2016). Мөрәҗәгать итү датасы: 14 август 2026.

Сылтамалар

Төркемнәр

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».