Шәүкәт Шәйдуллин
Шәүкәт Шәйдуллин, Шәүкәт Нургали улы Шәйдуллин, рус. Шайдуллин Шевкет Нургалиевич (22.06.1961, Донецк өлкәсе) — тимер юлчы, «Россия тимер юллары» (РТЮ) ААҖ вице-президенты, РТЮ хәрәкәт куркынычсызлыгы департаменты башлыгы. РФ шәрәфле тимер юлчысы. «Бердәм Россия» сәяси фиркасе әгъзасы. Ш.Н. Шәйдуллинның абыйсы.
Тәрҗемәи хәле
1961 елның 22 июнендә Украина ССР Донецк өлкәсе Родинское шәһәрендә туган. «Локомотивлар» белгечлеге буенча М.Т. Елизаров исемендәге Куйбышев (хәзер Самар) тимер юл транспорты инженерләре институтын (рус. СамГУПС), Саранск дәүләт университетын тәмамлаган. Совет Армиясендә хезмәт иткән.
Хезмәт юлы
17 яшеннән тимер юлда. Куйбышев тимер юлының Сембер локомотив депосында хәрәкәт итүче составны ремонтлаучы слесарь вазифасыннан башлый, машинист була.
- 1996 «Россия тимер юллары» ААҖ филиалы - «Куйбышев тимер юлы» Сембер бүлекчәсе баш инженеры.
- 1996-1997 Самар өлкәсе Кинель локомотив депосы башлыгы.
- 1997-2001 Куйбышев тимер юлы идарәсендә локомотив хуҗалыгы хезмәте башлыгы, юл башлыгы урынбасары.
- 2001 Горький тимер юлы (Түбән Новгород) идарәсе башлыгының беренче урынбасары.
- 2002 Горький тимер юлы башлыгы.
- 2004-2007 Свердловск тимер юлы башлыгы.
- 2007-2008 «Россия тимер юллары» ААҖ президенты киңәшчесе.
- 2008-2012 «Көньяк Кавказ тимер юлы» ЯАҖ[1] генераль директоры.
- 2012 елдан «Россия тимер юллары» ААҖ вие-президенты, РТЮ хәрәкәт куркынычсызлыгы департаменты башлыгы.
Бүләкләре, мактаулы исемнәре
- РФ шәрәфле тимер юлчысы
- «Транссебер магистраленың 100 еллыгы» медале.