Әнәс Галиуллин

1940 елның 14 декабрендә Татарстан АССР Әлки районы Чуаш Кичүе авылында туган. 1962 елда Алабуга мәдәният укуханәсен тәмамлый.

1962—1971 елларда — Республика күчмә театры (хәзерге К. Тинчурин исемендәге Дәүләт драма һәм комедия театры актеры).

1971—1977 елларда — Республика нәфис үзешчән сәнгать йортының халык театрлары буенча өлкән методисты^[1].

1976 елда Казан дәүләт мәдәният һәм сәнгать институтын тәмамлый.

1977—1979 елларда — Дәүләт драма һәм комедия театры актеры. 1979—1989 елларда — К. Тинчурин исемендәге Дәүләт драма һәм комедия театрының куелыш бүлеге мөдире.

1993 елдан 2018 елга кадәр — К. Тинчурин исемендәге Дәүләт драма һәм комедия театры актеры.

2018 елның 9 мартында Казанда вафат була^[2]. 2018 елның 12 мартында Казанның Самосырово бистәсендәге Әл-Мәрҗәни мәчете карамагындагы мөселман зиратында җирләнгән.

• Йолдыз — «Әнкәемнең ак чәчләре», Ә. Мирзаһитов;
• Хәлил — «Нигез ташлары», Т. Миңнуллин ;
• Антонио — «Терезаның туган көне», Г. Мдивани;
• Миша — «Палата», С. Алешин;
• Симеон — «Богауланган мәхәббәт», Ю. О’Нил;
• Аяз — «Кайнана», М. Шамхалов;
• Фәрит — «Тол хатыннар көймәсе», И. Грекова;
• Ахун — «Хуҗа Насретдин», Н. Исәнбәт;
• Маклер — «Хаҗи әфәнде өйләнә», Ш. Камал;
• Шәех — «Американ», К. Тинчурин;
• Саттар — «Сүнгән йолдызлар», К. Тинчурин;
• Саттар — «Гайфи бабай, өйлән давай!», Г. Зәйнашева;
• Кыйтфир «Йосыф-Зөләйха», Н. Хисамов;
• Сафуан «Бер тамчы ярату», Н. Гыйматдинова һ. б.

• ТАССР атказанган артисты (1988);
• Татарстан Республикасының халык артисты (2008).

• Йолдызлар шаһит / С. Хәким кереш сүзе белән. — Казан: Тат. кит. нәшр., 1968. — 195 с. — 15 000 экз..