Айгөл Әхмәтшина

1996 елның 1 маенда Башкортстан Республикасының Миякә районы Кыргыз-Миякә авылында туган.

Алты яшеннән һөнәри рәвештә академик вокал белән шөгыльләнә башлый, музыкаль гаиләдә тәрбияләнә. Кыргыз-Миякәдә баян буенча музыка мәктәбен тәмамлый. 12 яшеннән концертлар белән Италиягә чыга, башкорт милли җырларын һәм классик арияләр башкара. Чайковскийның ««Я ли в поле да не травушка была….» һәм Делибның «Испан җырын» башкара. Аида Гарифуллина белән атаклы Зальцбург фестивалендә катнаша.

2015 елда Уфа сәнгать училищесын тәмамлаганнан соң, үзенең педагогы Башкортстан Республикасының атказанган мәдәният эшлелесе Наилә Йосыпова белән шөгыльләнүен дәвам итә. Джузеппе Верди исемендәге Милан театры профессоры маэстро Делфо Меникуччи аңа педагогын алмаштырмаска киңәш бирә. Наилә Йосыповага һәрвакыт җырларга тиешлеген искә төшереп тора^[1].

Яшь җырчы берничә халыкара бәйгеләрдә җиңә. 2016 елда Уфада үткән Шаляпин исемендәге I халыкара бәйгедә «Тамашачы мәхәббәте»нә лаек була.

Берничә айдан Мәскәүдә узган New Opera World вокалистларның IV ачык халыкара конкурсында беренче урынны яулый. Шунда җырчыны «Ковент-Гарден» Король театры кастинг-директоры Дэвид Гоуланд бәяли һәм тыңлауларның икенче турына чакыра.

2017 елның җәендә 36 ел дәвамында уздырылган һәм беренче тапкыр Россиядә үткән Һанс Габер исемендәге Belveder халыкара опера конкурсында җиңгәннән соң, Айгөл Әхмәтшинаны Россиянең иң яхшы театрларының берсе — Мәскәү «Геликон-опера» театры эшкә чакыра^[5]. Җиңүчегә бүләк сыйфатында Мәскәү театрында ангажемент тәкъдим ителә, әмма ул Лондонны сайлый^[6].

Айгөл Әхмәтшинаның Европа сәхнәсендә танылуы 2019 елда француз провинциясе Анжуда үткән Халыкара «Opera de Bauge» фестивалендә Джоаккино Россининың «Золушка» комик операсында төп партияне башкарудан башлана. 25 яшьлек җырчыны еш кына «башкорт Золушкасы» дип атыйлар^[7]. Ул — «Ковент-Гарден» Король операсы солисты.

Аның чыгышлар графигы берничә елга алдан төзелгән: 2019 – 2020 елларда ул Неаполь шәһәренең Сан-Карло опера театрына, Мадрид Король театрында, Голландия милли опера һәм балет театрында, «Deutsch Oper Berlin» Берлин милли театрының немец операсында, Рим шәһәрендә «Akademia di Santa Cecilia» театрында, Тель-Авивта Израиль операсында җырлый^[8].

Җырчы ике Европа фестивалендә — Австриянең «Carinthischer Sommer» һәм Ирландиядә, Уэксфорд «Wexford opera festival» опера фестивалендә катнаша.

2019 елда туган Башкорт опера һәм балет театры сәхнәсендә Жорж Бизеның «Кармен» операсындагы Кармен партиясен башкара һәм беренче соло концертын куя^[9][10].

Уфа сәнгать училищесына видеокамера һәм ике фортепиано бүләк итә.

Мөгаллиме Римма Рушан кызы Айгөл Әхмәтшинаның чыгарылышын «алтынга тәмамлаучылар» дип атый. 2015 елда — 10 кызыл диплом тапшырылган. Курсташлар барысы да һөнәре буенча төрле театрларда, концерт учреждениеләрендә һәм музыка мәктәпләрендә эшли.

Җырчы Мәскәүдә Станиславский һәм Немирович-Данченко исемендәге Музыкаль театр сәхнәсендә Бизеның «Кармен» операсында төп партияне башкара, соңрак Пермьдә шул ук операда уйный.

Мәскәү консерваториясенең Зур залында «Виртуозы Москвы» дәүләт камера оркестры озатуында Айгөл Әхмәтшинаның соло концерты үтә. Концерт дирижеры Россиядә һәм дөньяда танылган музыкантларның берсе Фабио Мастранджело була^[11].

2022 елда башкорт меццо-сопраносы Сан-Франциско Опера театрында П. И. Чайковскийның «Евгений Онегин» операсында Ога партиясен һәм Нью-Йоркның Метрополитен-опера театрында Джузеппе Вердиның «Риголетто» операсында Маддалена партиясе белән дебют ясый. Шулай ук җырчы инглиз-итальян теноры Фредди де Томмазоның «Il tenore» сольный дискын яздыруда катнаша^[12].

Уфа бизнесмены һәм меценаты Василий Пеганов һәм аның хатыны Татьяна — Дмитрий Хворостовский гаилә дуслары, Айгөлне Хворостовскийның хатыны (элек опера җырчысы булган) Флоранс белән таныштыра. Красноярсктагы хәйрия концертында Флоранс Айгөл белән бергә Жак Оффенбахның «Сказки Гофмана» операсыннан «Баркарола»ны башкара^[13].

Лондон сәхнәсендә башкарган рольләре: легендар режиссер Питер Брук проектында «Кармен» операсында төп партия, шул ук операда Барри Кочки куйган Мерседес партиясе, Тонни Паппано һәм Ричард Джонс куйган «Леди Макбет Мценского уезда» операсында Сонетка партиясе^[14].

• 2016 — Уфада Ф. И. Шаляпин исемендәге I халыкара яшь опера башкаручылар бәйгесендә «Өмет» махсус призы һәм «Тамашачы мәхәббәте» бүләге иясе;
• Россиянең Дельфий яшьләр уеннары лауреаты;
• Самарада Дмитрий Кабалевский һәм Сонорда Франсиско Арайса исемендәге халыкара конкурсларның бронза призеры;
• Санкт-Петербургта Борис Штоколов исемендәге халыкара бәйгеләрдә һәм Мәскәүдә New Opera World җиңүчесе;
• 2017 — Ханс Габер исемендәге Belveder халыкара вокал конкурсының Гран-при иясе (2017);
• 2021 елның 26 марты — Башкортстан Республикасының атказанган артисты^[15];
• 2022 елның 29 марты — «Casta diva» РФ милли опера премиясе — «Күтәрелеш» номинациясендә ― Полина («Пики дамасы», Фестшпильхаус, Баден-Баден), Розина («Севильский цирюльник» Россини, Опера де Пари), Ольга («Евгений Онегин», Чайковский, Сан-Франциско), Маддалена («Риголетто» Верди, Метрополитен-Опера) партияләре өчен^[16][17];
• 2023 елның 10 ноябре — «Ел җырчысы» номинациясендә International Opera Awards 2023 Халыкара опера премиясе^[4];
• 2025 — Халыкара Oper! Awards 2025 бүләге — «Айгуль» дебют сольный альбомы өчен^[18].