Аргамак (журнал)

Бу терминның башка аңлатмалары да бар, аларны карау өчен Аргамак (мәгънәләр) битенә күчегез.

«Аргамак» — Яр Чаллыда 1991 елның август аеннан 2000 елның ноябренә кадәр татар һәм рус телләрендә нәшер ителгән әдәби-нәфис, иҗтимагый-сәяси айлык басма. Журналда, нигездә, җирле авторларның әсәрләре басыла.

1991 елның августында шәһәр хакимияте һәм Чаллы язучылар оешмасы органы буларак нәшер ителә башлый^[1].
1991 елда шәһәр хакимияте һәм җәмәгатьчелек чакыруы буенча Айдар Хәлим Чаллыга күчеп килә һәм 1995 елның декабрена кадәр «Аргамак» журналының баш мөхәррире була^[2].

Журналның эчтәлеген публицистика, проза, поэзия, Татарстан һәм татар халкы мәдәнияте һәм тарихы буенча мәкаләләр тәшкил итә.
«Аргамак» редакциясе «Аргамак» журналы китапханәсе» сериясеннән китаплар һәм балалар китаплары бастырып чыгара.

Басма турында «Милләттәшләр» сайтында
Басма турында «Әдипләр» сайтында 2014 елның 8 декабрь көнендә архивланган.

↑ Чаллы әдәби-туган якны өйрәнү музее сайтында
↑ ТР архив хезмәте сайты, archived from the original on 2016-03-05, retrieved 2022-01-27
↑ Яр Чаллы рәсми сайтында(үле сылтама)