Корбан-роман
«Корбан-роман» — Татарстанда төшерелгән нәфис фильм (рус телендә).
А. С. Пушкин премиясе лауреаты Илдар Әбүзәровның «Корбан-роман» повесте (2009) буенча кыйсса (рус. притча) жанрында төшерелгән.
Эчтәлеге
Вакыйга Польшада бара. Марс белән Йосыф — абыйлы-энеле скрипкачылар. Марс — билгеле музыкант, концертлар белән илләр гизә. Йосыф оркестр чокырында 6- пультта гына утырса да, абыйсына: «Синең бармакларыңда музыка бар, йөрәгеңдә — юк», — дип бәя куя.
Йосыф Марысяны ярата, ә Марыся үзенең дус кызы Камиллага өйләнгән Марсны ярата. Марыся өчен бәхәстә абыйлы-энеле кан дошманга әйләнә. Марысяның авыру икәнен белгән Йосыф, нәзер итеп, корбан чалдырырга була (кинофильмның исеме дә шуннан алынган).
Повестьтан аермалы буларак (анда ике героиня да үлә), кинофильмда Камилла гына юл кырылышында һәлак була.
Рольләрдә
Файл:Корбан-роман 1.jpg
Д. Шиһапов Йосыф ролендә
| Актёр | Роле |
|---|---|
| Даниил Шиһапов | Йосыф |
| Эрнест Тимерханов | Марс |
| Александра Елагина | Марыся |
| Ләйсән Дусаева | Камилла |
| Роза Хәйруллина | Хәбирә-апа |
| Нурлан Канетов | бию |
Төшерү төркеме
- Режиссёр: Салават Юзиев, Татарстанның атказанган сәнгать эшлеклесе
- Икенче режиссёр: Анна Попова
- Сценаристлар: Илдар Әбүзәров, Салават Юзиев
- Куючы-рәссам: Александр Простов-Покровский
- Оператор-куючы: Дмитрий Передня
- Оператор: Дмитрий Передня
- Продюсерлар: Марина Галицкая, А. Ризванова
- Арт-директор: Самат Юзиев
- Бию куючы: Н. Ибраһимова
- Җитештерү — «Инновация» студиясе.
Дөнья күрүе
- 2013 — IX Казан халыкара мөселман киносы фестивалендә трейлеры күрсәтелә.
- 2014 — X Казан халыкара мөселман киносы фестивале алдыннан «Мир» кинотеатрында (Казан) фильмны беренче ябык күрсәтү (рус. закрытый показ) була.
- 2014, октябрь — I халыкара «Ефәк юлы» кинофестивалендә (Сиань, Шэнси провинциясе, Кытай) күрсәтелә.
Чыганаклар
- М. Подольская. «Корбан-роман» — гомуми темага бик Казанча фильм. «Казань», 2014, № 9.
- А. Мирханова. Күк — якын. «Корбан-роман»ны карагач. «Казань», 2014, № 9.