Тимер Йосыпов

Тимер Йосыпов
Тимер Йосыпов
	Файл:Т.Йосыпов.jpg
Тулы исеме	Тимербай Йосыф улы Мөхәммәдиев
Туган көне	31 май 1938 (86 яшь)
Туган	Түбән Әпсәләм, Дуван районы , БАССР
Вафат көне	16 март 2016 (77 яшь)
Вафат булган җире	Уфа, Россия;
Ил	СССР; Россия;
Эшчәнлеге	язучы, журналист
Бүләк һәм премияләр	Салават Юлаев премиясе (1998); Рәми Гарипов премиясе (1993); Фатих Кәрим премиясе (2003)
Сайт	storona.ucoz.ru

Бу терминның башка аңлатмалары да бар, аларны карау өчен Йосыпов битенә күчегез.

Тимер Йосыпов (псевдоним, чын исеме Тимербай Йосыф улы Мөхәммәдиев^[1], баш. Тимер Йосопов, Тимербай Йосоп улы Йосопов) – шагыйрь. Салават Юлаев премиясе лауреаты (1998). Башкортстанның халык шагыйре (2003).

Тәрҗемәи хәле

1938 елның 31 маенда БАССР Дуван районы Түбән Әпсәләм авылында туган. Өлкенде урта мәктәбен, Уфада дәүләт университетын (1967), Мәскәүдә әдәбият институты каршындагы Югары әдәби курсларны (1979) тәмамлый.

Мәктәпне тәмамлагач, Кыйгы районы газетасында әдәби хезмәткәр, Чаткы (Саткы ?)шәһәрендә йөк ташучы булып эшли. Югары белем алгач, Бөрҗән районы Аскар авылында укыта.

1968 елда Уфага килгәч, «Башкортстан пионеры» газетасында, язучылар берлегендә әдәбиятны пропагандалау бюросы хезмәткәре (1973-1977), идарә рәисе урынбасары (1983-1988) булып эшли.^[2]

Иҗаты

1960 еллар башында мабугатта чыккан уңышлы әсәрләренең берсе – «Тормыш» исемле шигырьләр шәлкеме. Беренче китабы – «Икмәк исе» (1968). Автор шигырьләрендә, поэмаларында авыр сугыш еллары, тормыштагы фаҗигале хәлләр темасына еш мөрәҗәгать итә. Лирикасындагы нечкә тойгылар ватандарлык пафосы белән тыгыз үрелеп бара. Туган тел, табигать, шәхес турында уйланулар шигъриятенең төп темасын тәшкил итә. Кобаерлар яза. 15 шигырь һәм поэмалар китабы нәшер ителгән.^[3]