Хәсән Назар

РУВИКИ проектының татар бүлегендә Назаров фамилияле башка кешеләр турында да мәкаләләр бар

Хәсән Назар (псевдоним, тулы исеме Хәсән Мөдәрис улы Назаров, баш. Хәсән Мөҙәрис улы Назаров) – язучы, тәрҗемәче. Башкортстанның халык шагыйре (2017), С. Юлаев (2000), Р. Гарипов (2007), З. Биишева (2008) премияләре лауреаты. БР язучылар берлеге әгъзасы (1993).

1942 елның 15 гыйнварында БАССР Зиянчура районы Таулыкай авылында туган. Куҗанак җидееллык мәктәбен, Бөре кооператив училищесын, Мәскәүдә әдәбият институтын (1975) тәмамлый. Яңыбайда сельпода эшли башлый. Өч ел хәрби хезмәттә була. Бөрҗән районында «Таң» газетасында (1966) эшли. 1967 елдан Уфада: «Ленинчы» , «Йәшлек» (1990-1995; 1994, баш мөхәррир урынбасары), «Совет Башкортстаны» (1971-2007) газеталарында, «Агыйдел» журналында (1968-2001; 1995, бүлек мөдире), радиокомитетта (1974-1977) хезмәт куя.^[1]

Иҗат юлы Бөрҗән районында район газетасында эшләгәндә (1966) башланып китә. Беренче китабы - «Бөркетләр төяге» (1971). «Шоңкар чөям» (1992), «Заман заңы» (Заман чакыруы) (1995), «Асманга ашу» (Галәмгә ашу) (2000) китаплары басылган. А.С. Пушкин, А. Блок, Р. Гамзатов, А. Магазов әсәрләрен тәрҗемә итә. Уфада драма театрында (1965) «Әкәмәт сөю» (Лопе де Вега әсәреннән тәрҗемә) пьесасы куела.