Азат Җиһаншин (1971)

Азат Надир улы Җиһаншин 1971 елның 11 маенда БАССРның Баймак шәһәрендә туган^[4]. Җирле 2 нче урта мәктәптә укый, шул еллардан җырлый, гитарада уйный.

1990—1994 елларда хәзерге Заһир Исмәгыйлев исемендәге Уфа дәүләт сәнгать институтында укый^[4].

Югары һөнәри белем алганнан соң Стәрлетамак концерт-театр берләшмәсендә актёр булып эшли башлый^[4].

Шул ук 1994 елда «Акйондыз» төркемен оештыра һәм анда вокалчы булып чыгыш ясый башлый^[5].

1995 елдан — Башкортстан Республикасының Мостай Кәрим исемендәге Милли яшьләр театры актёры^[6]. Мостай Кәримнең «Салават» пьесасы буенча куелган спектакльдәге Илеш роле һәм югары актёрлык осталыгы өчен 1996 елда Башкортстан Республикасының Шәехзадә Бабич исемендәге яшьләр дәүләт премиясенә лаек була^[5].

1998 елдан — Мәҗит Гафури исемендәге Башкорт дәүләт академия драма театрында хезмәт итә^[4][5].

2002 елда «Башкортстан Республикасының атказанган артисты» дигән мактаулы исемгә лаек була^[4].

2008 елдан — Стәрлетамак башкорт дәүләт драма театрында эшли: 2009 елдан — куючы режиссёр, 2012 елдан — театрның сәнгать җитәкчесе^[7]. Шул ук вакытта Мәдәният министрлыгы юлламасы буенча Евгений Вахтангов исемендәге Дәүләт театры карамагындагы Б. Щукин исемендәге театр институтының режиссёрлык бүлегендә укый^[6], аны 2011 елда тәмамлый^[4].

2014 елда кыска вакыт (15 июльдән 1 декабрьгә кадәр) Салават башкорт дәүләт драма театрында директор була^[8].

2014 елның декабреннән — Мостай Кәрим исемендәге милли яшьләр театры директоры^[5].

2020 елда «Башкортстан Республикасының халык артисты» исеме бирелә^[9].

2020 елның 1 сентябрендә Азат Җиһаншин Уфа «Нур» татар дәүләт театрының баш режиссёры итеп билгеләнә^[10].

• Айгөл иле (Мостай Кәрим);
• Роже — Минем хатынымның исеме Морис (Раффи Шарт);
• Көнләш, Америка, көнләш!^[11];
• Печән өстендәге эт (Лопе де Вега, режиссёры Азат Нәзерголов, 1998);
• Толай — Чыңгызханның соңгы төбәге (реж. Н. Абдыкадиров, 2012);
• Тимерхан — Нәркәс (Илшат Йомаголов);
• Теләкләр бишеге (Н. Абдыкадиров);
• Аттила (Газим Шафиков);
• Гаепсез гаеплеләр (Александр Островский);
• Ал яулыклы тирәгем (Чыңгыз Айтматов);
• Салават (Мостай Кәрим);
• Их, өч егет, өч егет… (Өчәүнең маҗаралары).

• «Ике ерак-якын кыш» (1996);
• «Ай кызы» — төп герой (реж. Ә. Нурмөхәммәтов, 2002);
• «Әрлән көне» (2003);
• «Аркаим сере» — Ник роле (2006);
• «Рәхмәт» — Мәскәй әби роле (реж. Ә. Райбаев, 2007);
• «Әсә» — бабай роле (реж. Айнур Аскаров, 2015);
• «Уфадан сөю белән» — Герман Альфредович (реж. А. Аскаров, 2017).

• «Тылсымлы күл могҗизасы» (Сәрвәр Сурина, Стәрлетамак театры, әкият);
• «Сөясеңме-сөймисеңме…» (Стәрлетамак театры, Флорид Бүләков, трагикомедия, 2008);
• «Мәскәү — Васютки» (Стәрлетамак театры, Ф. Бүләков, 2009);
• «Мин сайлаган язмыш» (Стәрлетамак театры, Мәрьям Буракаева, 2011);
• «Кодача» (Баязит Бикбай, Стәрлетамак театры, 2012);
• «Асылъяр» (Мирхәйдәр Фәйзи, Стәрлетамак театры, 2013);
• «Калигула» (Альбер Камю, Стәрлетамак театры (2014), Милли яшьләр театры (Уфа, 2016));
• «Мәхәббәт күле» (Мөдәррис Багаев, 2012, Салават театры);
• «Әлдермештән Әлмәндәр» (Туфан Миңнуллин, 2014, Салават театры);
• «Бозлык чоры» (Алекс Тарн, 2013, Милли яшьләр театры);
• «Ул кайтты» (Әнгам Атнабаев, 2017, «Нур» татар театры);
• «Җанкисәккәем» (Ф. Бүләков, Башкорт драма театры, 2007);
• «Акча булса, бер букча» (Мөдәррис Багаев, 2015, «Нур» татар театры).

• Азат Җиһаншин.

• Аем;
• Тик сиңа табынам;
• Ай кызы;
• Ак каен;
• Багышлыйм сиңа;
• Заятүләк һәм Сусылу;
• Елыйм — җырлыйм;
• Кыңгыраулы чәчкә;
• Нәркәсем;
• Син генә;
• Тирәкәем;
• Хушыгыз, хыялларым;
• Яратам сине;
• Мәхәббәтем (Алсу Бәхтиева белән берлектә)^[5].

• Татарстан Республикасының атказанган сәнгать эшлеклесе (2026) — театр сәнгатен үстерүгә керткән зур өлеше һәм нәтиҗәле иҗади эшчәнлеге өчен^[12];
• Башкортстан Республикасының халык артисты (2020);
• «Урал моңы» фестивалендә Гран-при (1993);
• Башкортстан Республикасының атказанган артисты (2002);
• Башкортстан Республикасының Шәехзадә Бабич исемендәге яшьләр дәүләт премиясе (1996) — Милли яшьләр театрының «Салават» спектаклендә (Мостай Кәрим әсәре) башкарган роле өчен;
• «Театр язы — 2009» фестиваленең «Өмет» дипломы (Ф. Бүләков, «Сөясеңме-сөймисеңме» спектакле);
• «Колынчак» республика балалар спектакльләре фестиваленең өч тапкыр дипломанты (Илшат Йомаголовның «Тылсымлы моң» пьесасы буенча режиссёр-консультанты);
• III Халыкара театраль фестивале дипломанты (Ф. Бүләков, «Мәскәү—Васютки» спектакле, 2010)
• Республика башкорт драматургиясе фестиваленең дүрт номинациядә җиңүчесе, «Иң яхшы режиссёр эше» (Ф. Бүләков, «Мәскәү—Васютки» спектакле);
• Төрки телле халыкларның «Мең сулыш — бер тавыш» Халыкара театраль фестиваленең дипломанты (Конья шәһәре, Төркия);
• «Һөнәр» («Ремесло») Бөтенроссия яшь татар режиссурасы фестивале (Казан, 2012, «Мәскәү—Васютки» спектакле өчен Гран-при);
• «Туганлык» халыкара төрки театрлары фестивалендә Гран-при (Уфа, 2012, «Мәскәү—Васютки» спектакле өчен).