Нигъмәтуллин Руслан Кәрим улы

Руслан Нигъмәтуллин 1974 елның 7 октябрендә Казанда туа. Казанның «Ракета» балалар-яшүсмерләр спорт мәктәбендә тәрбияләнә («Электрон» командасы). Беренче тренеры — Илдар Ярулла улы Гыйбадуллин.

Яр Чаллының «КАМАЗ» командасы өчен чыгыш ясый (1992—1994). 1993 елның июлендә Баффалода Җәйге Универсиадада Россия студентлар җыелма командасы составында катнаша (2 матч, 1 се — кырда)^[2]. 1995 елда "КАМАЗ"дан, 2000 елга кадәр контракт төзеп, Мәскәү «Спартагы»на күчә, әмма төп составта тиз генә урын ала алмый, моны психологик проблемалар белән аңлата^[3].

Төп капкачы булмаганга, 1997 елгы сезон тәмамлангач, «Локомотив»ка (Мәскәү) күчә, монда 1998—2001, 2003—2004 елларда уйный. 1999—2000 елларда чемпионата 939 минут дәвамында туп керттерми, шул рәвешле яңа рекорд куя, рекордлы «коры» серия 17 ел саклана^[4].

2002 ел башында җәнҗал белән Италиянең «Верона» клубына күчә — клублар күчү компенсациясе турында килешә алмыйлар^[5]. Ләкин күчкәннән соң, капкачы клуб өчен уйнамый^[6]:

Хәтерлим, мәҗбүри рәвештә 70 минутка капкага бастым, үземне күрсәттем – һәм яңадан запаска эләктем. «Верона»да уздырган ел минем өчен шәхси фаҗига булды.

Кире Россиягә кайта, 2002 елның сезон ахырына кадәр «ЦСКА»да төп капкачы була.

2003 ел башында Италиягә «Салернитана» клубына кайта, ләкин ярты елдан соң яңадан Россиядә — «Локомотив»та (Мәскәү) уйный, Анда Сергей Овчинниковта запас капкачы була. 2005 елда «Терек»ка күчә, биредә уенчы карьерасын тәмамлый.

2,5 ел дәвамында бизнес һәм спорт журналистикасы белән шөгыльләнә. 2008 елның 27 маенда кире футболга әйләнеп кайту турында игълан итә. Берничә клубта карау узганнан соң Беренче дивизионда уйнаган Ростовның «СКА» командасы белән контракт төзи^[7].

2008 ел сезоны тәмамлангач, «Анжи» белән контрактка кул куя^[8], тик Дагыстан өчен бер матч та уйнамыйча, 2009 елның 20 мартында «Локомотив» ФК фарм-клубы булган һәм Икенче дивизионда чыгыш ясаучы «Локомотив-2» командасы белән контракт төзи^[9]. «Локомотив-2»дә Нигъмәтуллин Александр Криворучко белән чиратлашып уйныйлар, төп командага кайтырга өметләнүен белдерә^[10].

2009 елның 9 июлендә «Локомотив-2» һәм Нигъмәтуллин ике яклы килешү буенча контрактны өзәләр^[11]. Соңрак, бер елга контракт төзеп, Израилнең «Маккаби Ахи» клубы  [рус.] (тат. өчен уйный^[12]. 2009 елның 11 ноябрендә Руслан Нигъмәтуллин карьерасын тәмамлау турында карар кабул итә.

2023 елның декабрь аенда Руслан Нигматуллин белән хатыны Елена 1998 елда корган гаиләләренең таркалуы турында игүлан итәләр^[24][25][26]. Әлеге никахтан аларның ике уллары бар: Руслан һәм Марсель^[27].

2025 елның 3 мартында Руслан Нигъмәтуллин үзенең кабаттан өйләнүе турында игълан итә, яңа тормыш иптәше — модель һәм алып баручы Эвелина Сынча, ул Русланнан 30 елга яшьрәк^[28].

«Спартак» (Мәскәү)

• Россия чемпионы (1996, 1997);
• Россия чемпионатының бакыр призеры (1995).

«Локомотив» (Мәскәү)

• Россия чемпионы (2004);
• Россия Кубогы Иясе (1999/00, 2000/01);
• Россия чемпионатының көмеш призеры (1999, 2000, 2001);
• Россия чемпионатының бакыр призеры (1998).

ЦСКА (Мәскәү)

• Россия чемпионатының көмеш призеры (2002).

Шәхси

• Россия чемпионатының иң яхшы 33 футболчысы исемлегендә (5): № 1 — 2000, 2001; № 2 — 1998, 1999, 2002;
• «Спорт-Экспресс» бәяләүләре буенча Россия чемпионатының иң яхшы капкачысы (2): 1999 (уртача балл — 5,99), 2001(уртача балл — 6,17);
• Россиянең иң яхшы спортчысы («Спорт-Экспресс» газетасы уздырган сораштыру нәтиҗәсендә; 2001);
• Россиянең иң яхшы спортчысы («Футбол» газетасы уздырган сораштыру нәтиҗәсендә; 2001);
• «Ел капкачысы» (2000, 2001).
• Россия җыелма командасы өчен 24 матч уйный. Россия олимпиа җыелмасы өчен 5 матч уйный.