Татарск

Шәһәр Бараба түбәнлегендә, Новосибирскидан 457 километрга көнбатышрак урнаша. Көнбатыш Себер тимер юлының Татарская станциясе — тимер юллар төене. Шәһәр аша М51 (Чиләбе — Курган — Петропавел — Омск — Новосибирск) автоюл бара.

Татарск үз исемен якында урнашкан Старая Татарка авылыннан алган, ә авыл үз исемен авылның беренче яшәүчеләре милләтеннән алган.

Татарск 1894 елда Татарская станциясе янындагы бистә буларак нигезләнә. 1911 елда өяз үзәге булмаган шәһәренә үзгәртеп корыла.

1917 елдан — Тум губернасының Татарск өязе үзәге, 1919 елдан — Омск губернасы составында.

1925 елдан — Себер крае Татарск районы үзәге. 1930 елдан — Көнбатыш Себер крае, 1937 елдан — Новосибирск өлкәсе составында.

Милли состав (2002): руслар — 92,9%, татарлар — 1,8%, алманнар — 1,8%.^[9]

Тимер юл транспорты ширкәтләре; тегү фабрикасы, итек басу фабрикасы.

Азык-төлек сәнәгатенең ширкәтләре.