Алан (Теләче районы)

Язмаларда беренче тапкыр 1654 елда Аланка буларак телгә алына.

XVIII йөз – XIX йөзнең беренче яртысында халкы дәүләт крестьяннары катлавына керә. Тарих буена халкының төп шөгыльләре – игенчелек һәм терлекчелек, тегүчелек кәсепчелеге таралган була. Авыл җәмәгатенең имана җире 1284,5 дисәтинә тәшкил иткән.

1859 ел мәгълүматлары буенча авылда мәчет булган. XX йөз башында авылда 2 мәчет эшли. Аларның берсе 1875—1935 елларда эшли; икенчесе 1895 елда төзелә, 1930 елда манарасы кисеп төшерелә, совет чорында әлеге бина клуб һәм мәктәпнең өстәмә бинасы функциясен үти^[3]. 2000 елда мәчет кабат ачыла.

1921 елга кадәр мәдрәсә эшли. Авылда шулай ук су тегермәне, ярма яргыч, 8 хуҗалык кирәк-яраклары кибете була.

Авыл хуҗалыгы

1929–1931 елларда Аланда «Марс-2» колхозы оештырыла. 1959–1960 елларда «Марс-2», «Байкал» (Балыклы авылы), «Красный ключ» (Ключище авылы), «Күкчә» (Күкчә авылы) хуҗалыклары «Родина» колхозына (үзәге – Балыклы авылы) берләшәләр. 1995 елдан авыл җирлегендә «Алан» крестьян хуҗалыклары берләшмәсе, 2004 елдан «Алан» җаваплылыгы чикләнгән җәмгыяте эшли^[4].

• Сөләйман Йосыпов (1925–2003) — җырчы, ТАССРның атказанган артисты;
• Наил Алан (Хисамиев; 1963-2018) — журналист^[5].
• Нургали Булатов (1939 елда туган) — журналист, Россиянең һәм Татарстанның атказанган мәдәният хезмәткәре;
• Равилә Шәйдуллина - язучы, шагыйрә, эшмәкәр.
• Н.Г. Гаффаров (1906–1979) – Казан ремонтлау заводы директоры (1956–1965 елларда), Хезмәт Кызыл байрагы ордены кавалеры;
• Д.Ш. Моратов (1947–2021) – хакимият-хуҗалык эшлеклесе, Татарстан Республикасы, РФнең атказанган химигы, «Почет билгесе» ордены кавалеры;

Төп милләт (2020 елгы исәп буенча) — татарлар.

Климат уртача континенталь. Кёппен-Гейгер климат классификациясе  [рус.] (тат. буенча климатның коды: Dfb^[6]. Уртача еллык һава температурасы 4.0 °C.^[7].