Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Артем Здунов

Артем Здунов, Артем Алексей улы Здунов (эрз. Артем Алексеевич Здунов, 1978 елның 18 мае, Казан) — икътисадчы, Россия Федерациясе дәүләт эшлеклесе, 2020 елның 18 ноябреннән Мордовия байрагы Мордовия Башлыгы вазифаларын вакытлыча башкаручы[1], 2014-2018 елларда Татарстан икътисад министры, 2018-2020 елларда Дагъстан премьер-министры. Икътисад фәннәре кандидаты (2005). «Бердәм Россия» фиркасе әгъзасе[2].

Тәрҗемәи хәле

1978 елның 18 маенда Казанда туа. Мордва[3]. Казанның 5нче лицеен[4], «Финанслар һәм кредит» белгечлеге буенча Казан дәүләт финанс-икътисад институтын (2000), КФЭИ аспирантурасын (2004), Россия Федерациясе Президенты каршындагы Россия халык хуҗалыгы һәм дәүләт хезмәте академиясе магистратурасын (2011) тәмамлый.

Казан дәүләт финанс-икътисад институтында «Хәзерге заманда Россиянең икътисади иминлеге системасында капиталның читкә китүе» (рус. Отток капитала в системе экономической безопасности современной России) темасына икътисад фәннәре кандидатлыгына диссертация яклый (2005).

Хезмәт юлы

1996-1998 елда КФЭИ студентларының һөнәри берлеге комитеты рәисе урынбасары.

2000-2001 елларда «Сәнәгати иминиятләштерү компаниясе» ААИҖ иминиятләштерү буенча белгече, эчке аудиторы.

2004-2006 елларда Казан финанс-икътисад институтының (2011 елдан КФУ составында) макроикътисад һәм икътисади теория кафедрасы укытучысы.

2006-2010 елларда «Татарстан Фәннәр академиясенең перспективалы икътисади тикшеренүләр үзәге» дәүләт учреждениесенең фән буенча директор урынбасары.

2010-2014 елларда Татарстан Республикасы икътисад министры урынбасары.

2014 елның октябреннән 2018 елның февраленә кадәр Татарстан икътисад министры.

2018 елның 7 февраленнән 2020 елның 18 ноябренә кадәр Дагъстан премьер-министры. Дагъстан Башлыгы вазифаларын вакытлыча башкаручы Владимир Васильев 2018 елның 6 февралендә Артем Здунов кандидатурасын республика хөкүмәте җитәкчесе сыйфатында республика парламенты (Халык Җыены) каравына кертә. 7 февральдә Дагъстан парламенты кандидатураны раслый (75 депутатның 68 — уңай, 5 — каршы тавыш бирә, 2 — нейтраль)[5].

2021 елның 29 сентябреннән Мордовия Республикасы Башлыгы[6].

Бүләкләре, мактаулы исемнәре

Гаиләсе

Өйләнгән, улы һәм кызы бар.

Керем һәм милек

2015 елда биргән декларациясе буенча: кереме — 6 млн 200 мең сум, 2016 елда — 8 млн 539 мең сум (хатыныныныкы 538 мең сум).
Шәхси милкендә ике җир кишәрлеге — 1197 кв. метр һәм 2668 кв. метр.
Күчемсез милке: йорт 162,9 кв.м., 65,4 кв. метрлы фатирның 1/3 өлеше, 148,1 кв. м. фатирның чирек өлеше (калган өлешләренә хатыны һәм балигъ булмаган ике баласы ия), ике машина кую урыны[7].

Сылтамалар

Искәрмәләр

  1. ↑ Путин назвал Татарстан кузницей кадров. 2021 елның 27 март көнендә архивланган. news.mail.ru, 27.03.2021 [рус.]
  2. ↑ Бердәм Россия фиркасенең төбәк бүлекчәсе сайты(үле сылтама)
  3. ↑ Настоящий мордвин Артем Здунов еще не знает своего счастья. Бизнес Online, 16.11.2016
  4. ↑ Артем Здунов. «Классташлар»дагы сәхифәсе
  5. ↑ Дагестанский парламент проголосовал за нового главу правительства. «Новые известия», 07.02.2018
  6. ↑ Путин назначил Здунова врио главы Мордовии. Известия, 18.11.2020
  7. ↑ В кабмине Татарстана в 2016 году больше всех заработал Артем Здунов. inkazan.ru, 07.02.2018

Калып:Россия субъектлары җитәкчеләре

Тема буенча өстәмә

Төркемнәр