Гәрәев Әлфис Фәрит улы
Әлфис Гәрәев (рус. Гарáев Э́льфис Фари́тович, 15 май 1992, Бәрәңге, Мари Автономияле Совет Социалистик Республикасы) — Россия артисты, музыкант, композитор һәм «Элвин Грей» музыкаль лейблы барабанчысы. Җырларын мари, рус һәм татар телләрендә башкара, музыкаль аранжировкалар ясый.
Тормыш юлы
Әлфис Гәрәев Мари Иле Республикасының Бәрәңге бистәсендә туган. Балачактан ук иҗат һәм музыка белән кызыксына, бу юнәлештә — әнисе җырчы Зинера Гәрәеваның йогынтысы зур була. Мәктәп елларыннан иҗади һәм спорт чараларында актив катнаша.
9 нчы сыйныфтан соң һөнәри техник училищега укырга керә[1], анда механизатор белгечлеген үзләштерә һәм «B» категорияле машина йөртү таныклыгы ала.
2010 елда Йошкар-Оладагы И.С. Палантай исемендәге мәдәният һәм сәнгать музыка көллиятенә балалайка классы буенча укырга керә, әмма өч айдан армиягә алына. Хезмәтен Мурманск өлкәсенең Североморск шәһәрендә Хәрби-Һава Көчләре гаскәрләрендә үтә, анда радиотелеграфист һөнәрен үзләштерә.
Армиядән соң кире уку йортына кайта һәм параллель рәвештә «Марий Эл» дәүләт бию ансамблендә барабанчы булып эшли башлый[1]. 2014 елда Ольденбург шәһәрендә, солист Марина Садова һәм Марий Эл Республикасыннан музыкантлар командасы белән чыгыш ясап, «Кече халыклар Евровидениесе» халыкара фестивалендә катнаша.
2015 елда көллиятне тәмамлый һәм Казанга күченә, анда Казан дәүләт мәдәният институтына эстрада-джаз музыкасы (бәрмә уен кораллары) бүлегенә укырга керә. 2016 елда Григорий Лепсның Россиянең иң яхшы музыкантларын сайлап алган «Югары проба» проектында «Oscar band» төркеме барабанчысы сыйфатында катнаша. Шуннан соң иҗат карьерасында яңа сәхифә ачыла: Әлфис музыкасын яза башлый, автор композицияләре белән чыгыш ясый һәм «Эльфис» ансамблен оештыра, аның белән 2017 елда Ваһапов фестивалендә катнаша.
2018 елдан Элвин Грей лейблының даими барабанчысы: актив рәвештә гастрольләрдә йөри, өч телдә (мари, рус һәм татар телләрендә) музыка һәм җырлар иҗат итә.
Шәхси тормышы
2021 елдан Регина Гәрәева белән никахта. 2023 елда уллары Даниэль туган.
Дәүләт бүләкләре
- Мари Иле Республикасы Мәдәният, матбугат һәм милләтләр эшләре министрлыгының «музыка сәнгате өлкәсендәге иҗади казанышлары өчен» Рәхмәте (25 март 2024);
- Мишкә муниципаль районы хакимиятеннән «югары башкару осталыгы һәм профессиональлеге, милләтара тынычлыкны һәм татулыкны ныгытуга, мари халкының милли мәдәниятен, рухи традицияләрен саклап калуга һәм үстерүгә зур өлеш керткәне өчен» Рәхмәт хаты (8 сентябрь 2024);
- «Марий Иле Республикасында милләтара багланышларны ныгытуга, мәдәниятне һәм сәнгатьне үстерүгә керткән зур шәхси өлеше өчен», Марий Иле Республикасы Дәүләт Җыены Рәхмәте (10 декабрь 2024).
Дискография
| 1. 2021 — чирм. Айда, йолташ, пырля кушташ / Давай, друг, вместе плясать[2] | |||||||||
|---|---|---|---|---|---|---|---|---|---|
| № | Исем | Озынлык | |||||||
| 1. | «чирм. Ший салам / Радушный привет» | 2:45 | |||||||
| 2. | «Марий Эл — мой край родной / чирм. Марий Эл — шочмо кундемем» | 4:05 | |||||||
| 3. | «чирм. Пӧртылам мӧҥгышкем / Возвращаюсь домой» | 3:28 | |||||||
| 4. | «чирм. Ош висвис / Белая ромашка» | 3:03 | |||||||
| 5. | «чирм. Кече лектеш, ончалеш / Солнце взойдёт, посмотрит» | 2:45 | |||||||
| 6. | «чирм. Ме — кок планете / Мы — две планеты» | 3:16 | |||||||
| 7. | «чирм. Лек мылам марлан / Выходи за меня замуж» | 3:42 | |||||||
| 8. | «чирм. Айда, йолташ, пырля кушташ / Давай, друг, вместе плясать» | 2:28 | |||||||
| 2. 2023 — чирм. Шӱмышкем лӱет / Стреляешь мне в сердце[3] | |||||||||
|---|---|---|---|---|---|---|---|---|---|
| № | Исем | Озынлык | |||||||
| 1. | «Интро» | 0:48 | |||||||
| 2. | «чирм. Илыш / Жизнь» | 2:46 | |||||||
| 3. | «чирм. Шочмо кече / День рождения» | 3:09 | |||||||
| 4. | «чирм. Авай / Мама» | 4:00 | |||||||
| 5. | «чирм. Кӧ тыгай / Кто такая?» | 2:43 | |||||||
| 6. | «чирм. Мыйын ир йӧратымаш / Моя дикая любовь» | 3:54 | |||||||
| 7. | «чирм. Веселан / Весело» | 2:37 | |||||||
| 8. | «Пау, пау, пау...» | 3:16 | |||||||
Искәрмәләр
- ↑ 1 2 В мире марийской музыки зажглась новая звезда Эльфис Гараев [неопр.]. ВК Видео. Мөрәҗәгать итү датасы: 11 июль 2025.
- ↑ ВКонтакте | ВКонтакте (рус.). vk.com. Мөрәҗәгать итү датасы: 14 июль 2025.
- ↑ ВКонтакте | ВКонтакте (рус.). vk.com. Мөрәҗәгать итү датасы: 14 июль 2025.
Тема буенча өстәмә
Социаль челтәрләрдә |
|---|
