Павел Шеремет

Павел Шеремет
Павел Шеремет
	белар. Павел Рыгоравіч Шарамет
Исеме	белар. Павел Рыгоравіч Шарамет
Тулы исеме	Павел Рыгор улы Шеремет; белар. Павел Рыгоравіч Шарамет
Туган көне	28 ноябрь 1971 (53 яшь)
Туган	Минск
Вафат көне	20 июль 2016 (44 яшь)
Вафат булган җире	Киев, Украина;
Ил	СССР; Россия; Белоруссия;
Эшчәнлеге	икътисадчы, журналист
Әнисе	Людмила Станиславовна Шеремет[d]
Бүләк һәм премияләр	АИХО премиясе (2002)

Павел Шеремет, Павел Григорий (Рыгор) улы Шеремет, белар. Павел Рыгоравіч Шарамет (1971 елның 28 ноябре, Минск — 2016 елның 20 июле, Киев) — тележурналист, сәясәтчеләр турында документаль фильмнар авторы, Белоруссия телевидениесендә, Россиядә Беренче каналда, Иҗтимагый Россия телевидениесендә (рус. ОТР), соңгы вакытта Украинада эшли. 2016 елның 20 июлендә, Киевта, утырган машинасы астына куелган бомба шартлап, үтерелде.

Тәрҗемәи хәле

1971 елның 28 ноябрендә Минскида туган. Белоруссия дәүләт университеты тарих факультетының 3 курсын, соңрак Белоруссия дәүләт икътисад университетының халыкара икътисадый мөнәсәбәтләр факультетын тәмамлаган. Журналистлык карьерасын Белоруссия телевидениесендә башлый.

Хезмәт юлы

1992 елга кадәр банкта валюта бүлегендә эшли.
1992 елдан Белоруссия телевидениесенең икътисад турында программалары консультанты.
1994-1995 Белоруссия телевидениесенең «Праспект» тапшыруын алып бара.
1995-1996 «Белорусская деловая газета» баш мөхәррире.
1996-1998 ОРТ телекомпаниясенең (Мәскәү) Минскидагы хәбәрчесе.
1998 елдан ОРТ телекомпаниясенең «Яңалыклар», «Время» программалары махсус хәбәрчесе.
1999-2000 хәбәрчеләр челтәре шеф-редакторы, «Время» программасының дикторы.
2008 елга кадәр Беренче канал өчен (Мәскәү) документаль фильмнар, махсус проектлар эшли.
2008 елда телевидениедән китә.
2009-2011 «Огонёк» журналының сәясәт бүлеге мөхәррире.
2011 елда РЕН ТВ каналында «Приговор» тапшыруын алып бара.
2012-2016 «Українська правда» интернет-газетасында журналист блогы алып бара.
2013-2014 ОТР каналында «Прав?да!» программасын алып бара.
2014 елда Мәскәү телевидениесеннән китә.
2014 елдан «Украинская правда» басмасының башкаручы директоры.
2014 елдан «24 канал»да (Киев) «Диалоглар» проектын башлый.
2015-2016 «Радио Вести» (Киев) алып баручысы.
«Историческая правда» (Тарихи дөреслек) проекты авторы^[4].

Карашлары

Белоруссия президенты Александр Лукашенко режимын тәнкыйтьли. Чикне бозуда гаепләнеп, 3 ай төрмәдә утырып чыга. 2010 елда Белоруссия ватандашлыгыннан чыгарыла.
2014 елда, Кырым һәм Донбасс вакыйгаларына бәйле, Мәскәү телевидениесеннән китә^[5]
Сәясәтчеләр (Александр Лукашенко, Михаил Горбачев, Сәддам Хөсәен, Петербург мэры Владимир Яковлев, генерал Александр Лебедь, Михаил Саакашвили һ.б.) турында күпсанлы (тәнкыйди) документаль фильмнар төшерә.

Үлеме

Төп мәкалә: Павел Шереметны үтерү

2016 елның 20 июлендә иртән Киев үзәгендә ул идарә иткән автомобильне шартлату нәтиҗәсендә һәлак булган. Көчле иҗтимагый һәм халыкара резонанска карамастан, 2020 елның июнь аена Шереметны үтерү җинаяте ачылмаган килеш кала бирә^[6].

Бүләкләре

1995 Белоруссия Пен-үзәге премиясе
2001 ТЭФИ финалисты
2002 АИХО премиясе

Сылтамалар

Павел Шеремет үтерелде(рус.)

Павел Шеремет турында Lenta.ru сәхифәсендә(рус.)

Искәрмәләр

↑ В Киеве в результате взрыва автомобиля погиб известный журналист Павел Шеремет (рус.) // (unknown type) — 2016.
↑ ¹ ² Le journaliste biélorusse Pavel Cheremet assassiné à Kiev (фр.) // Le Monde / J. Fenoglio — Paris: Societe Editrice Du Monde, 2016. — ISSN 0395-2037; 1284-1250; 2262-4694
↑ Павла Шеремета лишили белорусского гражданства (рус.) // Lenta.ru — 2010.
↑ «Историческая правда» проекты сайты, archived from the original on 2015-07-10, retrieved 2016-07-20
↑ Журналист Павел Шеремет уходит с Общественного телевидения России
↑ «Вбивство Павла». Документальний фільм про журналіста Шеремета

[_65f670f4a64ce917-1] В Киеве в результате взрыва автомобиля погиб известный журналист Павел Шеремет (рус.) // (unknown type) — 2016.

[_73a23533dc39b39a-2] ¹ ² Le journaliste biélorusse Pavel Cheremet assassiné à Kiev (фр.) // Le Monde / J. Fenoglio — Paris: Societe Editrice Du Monde, 2016. — ISSN 0395-2037; 1284-1250; 2262-4694

[_240ef526b243c16e-3] Павла Шеремета лишили белорусского гражданства (рус.) // Lenta.ru — 2010.

[4] «Историческая правда» проекты сайты, archived from the original on 2015-07-10, retrieved 2016-07-20

[5] Журналист Павел Шеремет уходит с Общественного телевидения России

[6] «Вбивство Павла». Документальний фільм про журналіста Шеремета

[1]

[2]

[3]

[4]

[5]

[6]