Рәшидә Туйсина
Тәрҗемәи хәле
1942 елның 10 маенда БАССР Баймак районы Чыңгыз авылында туган. Мәктәпне тәмамлагач, пионер әйдаманы булып эшли. Уфага вожатыйлар укуына баргач, Фәйзи Гаскәров ансамбленә кастинг үтә.[1]
- 1960 елдан халык биюләре ансамбле солисты
- 1980-1987 елларда Уфа филармониясендә балет солисты
- Р. Гарипов исемендәге 1- санлы гимназия-интернатта (1991 елдан), Г. Әлмөхәммәтов исемендәге гимназия-интернатта (1994 елдан), 144- санлы гимназиядә (1997-2002 елларда) бию төркеме җитәкчесе.
Иҗаты
Файл:Р.Туйсина 1.jpg
Юбилей кичәсендә.2012
Молдавиядә (1972), Эстониядә (1977) «РСФСР әдәбияты һәм сәнгате көннәре»ндә, Якутиядә (1978), Чуашиядә (1981) «БАССР әдәбияты һәм сәнгате көннәре»ндә катнаша. ССРБ шәһәрләрендә һәм 20 чит илдә (Мали, Сенегал, Гвинея, Һиндстан, Монголия, Франция, Италия, Швеция, Алмания, Польша, Финляндия, Испания, Дания һ.б.) гастрольдә була. Яшьләр һәм студентларның бөтендөнья фестивалендә (София, 1968) лауреат исеменә, җыр һәм бию ансамбльләренең бөтенрусия ярышында (Мәскәү, 1978) дипломга лаек була.[2]
Репертуар
Р. Туйсина биюләре табигыйлеге, тирән эчтәлекле булуы белән җәлеп итә. Тумыштан килгән искиткеч грация һәм сокланырлык кул пластикасы белән биюләрендәге хатын-кыз образларын җепкыр эшкәртелү дәрәҗәсенә җиткерә.[3]
Бүләкләре, мактаулы исемнәре
- БАССР атказанган артисты (1972)
- БАССр халык артисты (1974)
- РСФСР атказанган артисты (1978)
- Г. Сәләм премиясе (1968)
- Салават Юлаев премиясе (1974)
- Салават Юлаев ордены (2012)
Сылтамалар
- Башкортстан (белешмәлек) [рус.]
- Рәшидә Туйсина юбилеен сәхнәдә билгеләде 2016 елның 5 март көнендә архивланган.
Искәрмәләр
- ↑ Республика Башкортостан, № 88, 15.05.2012, archived from the original on 2016-03-05, retrieved 2014-12-24
- ↑ Город-Уфа сайты, archived from the original on 2016-03-05, retrieved 2014-12-24
- ↑ Башкортстан (белешмәлек) [рус.]
- ↑ Уфа-гид сайты