Владимир Демченко

Владимир Демченко, Владимир Андрей улы Демченко (рус. Владимир Андреевич Демченко, 1949 елның 8 апреле, Чечен-Ингуш АССР, Гудермес) — сынчы рәссам. Татарстанда, аерым алганда Казанда, Алабугада, Яр Чаллыда куелган күпсанлы һәйкәлләрнең авторы. Мәскәү рәссамнары берлеге әгъзасы.

1949 елның 8 апрелендә Чечен-Ингуш АССРның Гудермес шәһәрендә туган. Мәскәү өлкәсенең Хотково шәһәрендәге Абрамцево сәнгать-сәнагать училищесында, Серов исемендәге Ленинград сәнгать училищесында, Суриков исемендәге Мәскәү дәүләт сәнгать институтында, Грозныйда дәүләт университетында укый.

30 дан артык сын — һәйкәл ясаган, алар 3 илдә — Франциядә, Казакъстанда, Русиядә урнашкан.

Саки шәһәре янында һәлак булган сугышчы әфганчыларга куелган һәйкәл.
Мәскәүнең Манеж мәйданындагы археология музее өчен фриз.
Бөек Ватан сугышында Наур шәһәре янында һәлак булган Гөрҗистан дивизиясе истәлегенә куелган мемориаль комплекс.
Татарстан нефтьчеләренә куелган һәйкәл-фонтан^[1].

Казан Кремлендәге «Сынчылар» (рус. Зодчие) композициясе^[2].
Тукай мәйданында Лев Гумилев бюсты (2005)( Александр Головачёв белән берлектә)^[3].
Казанның Меңьеллык паркында «Казан» фонтаны.
Татарстанның мәдәнияте һәм сәнгатенең күренекле шәхесләренә багышланган унлап хезмәт.
"Вдоль да по речке, вдоль да по Казанке серый селезень плывет" җыры буенча үрдәк сыны һ. б.