Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Илдар Халиков

Бу терминның башка аңлатмалары да бар, аларны карау өчен Халиков битенә күчегез.

Илдар Шәфкать улы Халиков (рус. Ильдар Шафкатович Халиков; 21 ноябрь 1967, Әгерҗе, Татарстан АССР) — Татарстанның дәүләт эшлеклесе, эшмәкәр.

Татарстан Республикасы Хөкүмәте рәисе (2010 елның 22 апреле[1] — 2017 елның 3 апреле), «Татэнерго» АҖ Директорлар советы рәисе (2017—2022), «Максимилианс-Казань» ҖЧҖ финанс директоры (2023 елдан), «Россия юристлары ассоциациясе» Гомумроссия иҗтимагый оешмасының Татарстан төбәк бүлеге рәисе (2017 елдан).

Тормыш юлы

1967 елның 21 гыйнварында Татарстан АССРның Әгерҗе шәһәрендә туа[2]. Мәктәпне тәмамлагач, 1985 елдан армиядә хезмәт итә, 1987 елда Ульянов-Ленин исемендәге Казан университетының юридик факультетына укырга керә.

1993—1995 елларда Илдар Халиков, алдынгы белгеч буларак, «Челны-банк»ында кредитлар, депозитлар һәм кыйммәтле кәгазьләр бүлеге җитәкчесе вазифаларын вакытлыча башкара.

1995—1996 елларда «КАМАЗ» ААҖендә Хокук идарәсе җитәкчесе урынбасары булып эшли.

1996–2003 елларда — «КАМАЗ» ГАҖнең финанс директоры, генераль директорның икътисад һәм финанслар буенча урынбасары – икътисад һәм финанслар директоры, генераль директорның корпоратив стратегия буенча урынбасары була.

2003—2005 елларда Чаллы шәһәренең администрациясен җитәкли.

2006 елның 1 гыйнварында Чаллы шәһәре муниципаль берәмлеге җитәкчесе, шәһәр мэры булып эшли башлый.

2010 елның 22 апреленнән 2017 елның 3 апреленә кадәр Татарстан Республикасы Хөкүмәте Рәисе була[3][4][5].

2017 елның 4 апреленнән 2022 елның 31 декабренә кадәр «Татэнерго» АҖнең Директорлар Советы рәисе булып эшли.

2017 елдан — «Россия юристлары ассоциациясе» гомумроссия иҗтимагый оешмасының Татарстан төбәк бүлеге рәисе, 2025 елның 10 октябрендә әлеге вазифага яңадан сайлана[6].

2023 елның 1 гыйнварыннан — «Максимилианс-Казань» ҖЧҖ финанс директоры.

Бүләкләре, мактаулы исемнәре

Дәүләт бүләкләре

  • II дәрәҗә «Хәрби хезмәттәге батырлык өчен» медале (1987);
  • «СССР Кораллы Көчләренә 70 ел» медале (1997);
  • Россия Федерациясе Дәүләт премиясе (2001);
  • «Казанның 1000 еллыгы истәлегенә» медале (2005);
  • Дуслык ордены (2008);
  • «Фидакарь хезмәт өчен» медале (2012);
  • Почёт ордены (2014);
  • «Дуслык» ордены (2015);
  • «Татарстан Республикасы алдындагы казанышлар өчен» ордены медале (2017)[7].

Җәмәгать бүләкләре һәм исемнәре

  • Россия Эчке эшләр министрлыгының «Россия Эчке эшләр министрлыгына 200 ел» медале (2002);
  • Татарстан Республикасы Хәрби комиссариатының «Җирле хәрби идарә органнарында фидакарь хезмәт өчен» мактау билгесе (2004);
  • Россия Федерациясе Оборона министрлыгының «Автомобиль техникасын булдырган өчен» күкрәк билгесе (2004);
  • «Россия Эчке эшләр министрлыгына ярдәм иткән өчен» билгесе (2005);
  • Россия Федерациясе Наркотиклар һәм психотроп матдәләр әйләнешен контрольдә тоту буенча дәүләт комитетының «Наркомат» хәрби хәрәкәтләр журналының мактау билгесе — II дәрәҗә «Наркомат ордены» (2005);
  • «Татарстан Республикасы Эчке эшләр министрлыгының мактаулы хезмәткәре» күкрәк билгесе (2005);
  • РОСТО (ДОСААФ) оешмасының «1941—1945 еллардагы Бөек Ватан сугышында Җиңүгә 60 ел» юбилей медале (2005);
  • Россия Федерациясе Федераль дәүләт статистикасы хезмәтенең «2006 елгы Бөтенроссия авыл хуҗалыгы исәбен алуда актив катнашкан өчен» медале (2006);
  • III дәрәҗә Изге кенәз Даниил Московский ордены (2006);
  • «Кузбасска хезмәт иткән өчен» медале (2006);
  • Татарстан Республикасы Хәрби комиссариатының «Җирле хәрби идарә органнарында фидакарь хезмәт өчен» мактау билгесе (2006);
  • «Дәүләт думасы. 100 ел» юбилей күкрәк билгесе (2006);
  • «Муниципаль берәмлекнең иң яхшы җитәкчесе» номинациясендә «2006 елның иң яхшы муниципаль хезмәткәре» Республика конкурсы лауреаты (2006);
  • Татарстан Республикасы Президентының рәхмәт хаты (2006—2008);
  • Россия Федерациясе Оборона министрының мактау грамотасы (2007);
  • Россия Эчке эшләр министрлыгы эчке гаскәрләренең «Ярдәм иткән өчен» истәлек медале (2007);
  • «Россия Патриоты» истәлек медале (2007).

Гаиләсе

Өйләнгән. Хатыны — Гүзәл Илмир кызы, эшмәкәр, «Максимилианс-Казань» ҖЧҖкә нигез салучы (2022 елның 14 июленнән)[8], балалары: Тимур (1998 елгы), Камилә (2002 елгы) һәм Әминә (2010 елгы).

Рус, татар һәм инглиз телләрен белә[9], чаңгы ярышлары, тау чаңгысы һәм балык тоту белән кызыксына[10].

Искәрмәләр

  1. ↑ Татарстан депутатлары ТР Премьер-министры вазыйфасына Илдар Халиков кандидатурасын раслады, archived from the original on 2016-03-04, retrieved 2010-04-24 
  2. ↑ Чем запомнился премьер-министр РТ Ильдар Халиков? Досье. 9 февраль 2026 тикшерелде.
  3. ↑ Ильдар Халиков утвержден Премьер-министром Татарстана — Правительство РТ
  4. ↑ Online, БИЗНЕС. Ильдар Халиков объяснил «БИЗНЕС Online», почему покинул пост премьер-министра  [рус.], БИЗНЕС Online. 3 апрель 2017 тикшерелде.
  5. ↑ Ильдар Халиков оставил пост премьер-министра Татарстана и возглавит УК «Татэнерго» — Коммерсантъ Казань. Мөрәҗәгать итү датасы: 3 апрель 2017. Архивировано 4 апрель 2017 года.
  6. ↑ Ильдара Халикова переизбрали главой татарстанского реготделения ассоциации юристов России (рус.). Бизнес Онлайн (10 октябрь 2025). Мөрәҗәгать итү датасы: 10 октябрь 2025.
  7. ↑ Правительство Республики Татарстан. prav.tatarstan.ru. Мөрәҗәгать итү датасы: 11 гыйнвар 2016. Архивировано 15 гыйнвар 2016 года.
  8. ↑ Предприниматель Халикова Гузель Илмировна (ИНН 165009347046) (рус.). vbankcenter.ru. Мөрәҗәгать итү датасы: 10 октябрь 2025.
  9. ↑ Встреча Премьер-министра Республики Татарстан И. Ш. Халикова с представителями компании American Axle (США). Мөрәҗәгать итү датасы: 20 август 2011. Архивировано из оригинала 4 март 2016 года.
  10. ↑ Справочник персоналий. tatarstan.ru. Мөрәҗәгать итү датасы: 9 февраль 2026.

Тема буенча өстәмә

Төркемнәр