ОМОН

ОМОН яки аерым әһәмиятле мобиль отряд (элек — аерым әһәмиятле милиция отряды, рус. ОМОН, Отряд мобильный особого назначения, искечә — Отряд милиции особого назначения) — Россия территориясендәге «кайнар нокталар», масскүләм акцияләр һәм чараларда хокук тәртибен һәм иминлекне тәэмин итү мәсьәләләре чишелешенә тартыла торган махсус полиция бүлекчәләре.

Гади полиция белән чагыштырганда, ОМОН бүлекчәләре алардан яхшырак коралланганнар; шуның өстенә ОМОН хезмәткәрләре махсус хәзерлек узалар.

ОМОНның беренче 19 отряды1988 елның 3 октябрендә оештырылган. Иң башта ул өч ССРБ республикаларының 12 шәһәрендә булган (шул исәптә Мәскәү, Ленинград, Минск, Рига); ССРБ таркалуыннан соң, ОМОН бүлекчәләре Мәскәүдә һәм Петербургта гына кала. Соңрак ОМОН РФ башка эре шәһәрләрдә дә оештырыла (Түбән Новгород, Новосибирск, Екатеринбург һ. б.). 1990-елларның башына ОМОН отрядлары һәр халык саны буенча 500 000 кешедән артык шәһәрләрдә диярлек булдырыла.