Кузлаука районы

Кузлаука районы Чуашстанның төньяк-көнчыгышында, Идел ярында урнашкан. Район территориясе 516,8 км². Төньякта Мари Илнең Волжск, көнчыгышта Татарстанның Яшел Үзән, көньякта Ормар, көнбатышта Чуел районнары белән чиктәш.

Район 1927 елның 5 сентябрьендә оеша.

Халык саны 23,331 мең кеше (2010 елга).

Милли составы: чуашлар — 70%, урыслар — 22%, татарлар — 7%.

Татарлар Әлмән һәм Янгелде авылларында яшиләр.

Районда 2004 елдан 1 кала җирлеге һәм 9 авыл жирлегендә 67 авыл урнашкан.

Сәнәгатьтә төп тармаклар: машина төзү, металл эшкәртү, агач, азык җитештерү.

Авыл хуҗалыгында төп тармаклар: сөт, ит, йон, бәрәңге, колмак җитештерү.