Гөлназ Шәйхи
Гөлназ Фирдинат кызы Шәйхи (Шәйхиева) (рус. Гульназ Фирдинатовна Шайхиева; 4 ноябрь 1970, Каенсар, Татарстан АССР) — Россия татар журналисты, Бөтендөнья татар конгрессының матбугат хезмәте һәм массакүләм мәгълүмат чаралары белән эшләү идарәсе җитәкчесе.
Тәрҗемәи хәле
1970 елның 4 ноябрендә Арча районы Каенсар авылында туган.
1988—1993 елда Казан дәүләт педагогика институтының тарих-инглиз теле бүлеге студенты. 1993—1997 елларда Казанның 15-нче татар гимназиясендә тарих һәм инглиз телләре укытучысы.
1997—2002 елларда «Татарстан» дәүләт телерадиокомпаниясендә «Дөнья» студиясе әзерләгән «Татарстан авазы» тапшыруының авторы һәм алып баручысы.
2002 елдан Бөтендөнья татар конгрессында БКның матбугат үзәге җитәкчесе.
2011 елдан Бөтендөнья татар конгрессының матбугат хезмәте һәм массакүләм мәгълүмат чаралары белән эшләү Идарәсе җитәкчесе.
Иҗтимагый эшчәнлеге
- Татарстан журналистлар Берлеге әгъзасы.
Иҗаты
«Күңел — дәрья», «Сыналганнар — сынатмый», «Хәмдүнә Тимергалиева» китаплары авторы.
Бүләкләре, мактаулы исемнәре
- Татарстанның атказанган мәдәният хезмәткәре;
- «Бәллүр каләм ― 2022» бәйгесенең «Һөнәрендә иң яхшысы» номинациясе җиңүчесе (Татар-информ журналисты Гөлнар Гарифуллина, «Яңа гасыр» телерадиокомпаниясеннән Михаил Любимов белән берлектә)[2];
- «Татарстан Республикасы алдындагы казанышлар өчен» ордены медале (2025) — татар милли мәдәниятен саклауга һәм үстерүгә аерым өлеше, актив иҗтимагый эшчәнлеге өчен[3].
Искәрмәләр
- ↑ 1 2 3 https://tatar-congress.org/turynda/struktura/sheyhi/
- ↑ Гөлүзә Ибраһимова. «Татар-информ» журналисты Гөлнар Гарифуллина «Бәллүр каләм» иясе булды. Татар-информ, 5.08.2022
- ↑ О награждении медалью ордена «За заслуги перед Республикой Татарстан» (рус.). rais.tatarstan.ru (1 ноябрь 2025). Мөрәҗәгать итү датасы: 5 август 2026.
Сылтамалар
Тема буенча өстәмә
Санкт-Петербург татар медиафорумы катнашучылары | ||
|---|---|---|
| Оештыручылары | Татарстан Республикасының Санкт-Петербург шәһәрендә һәм Ленинград өлкәсендә даими вәкиллеге • Питер.Татар | |
| Партнёрлары | ||
| Чыгарылышлары | Чыгыш ясаучылар һәм аерым танылган катнашучылары (беренче тапкыр буенча) | |
| 2019 | ||
| 2020 | ||
| 2021 | Фәрит Аймалетдинов • Рената Байтимерова • Рамил Беләев • Римзил Вәли • Таһир Вәлиуллин • Диләрә Вәлиф • Васил Гарифуллин • Диләрә Гыймранова • Әлфия Димитрова • Диана Единякова • Сафия Кичемасова • Ленария Мөслимова • Айдар Сәлимгәрәев • Аделия Тухбатова • Зария Хәсәнова • Фәрһад Фәткуллин • Данис Шакиров • Ильяс Шакуров • Лилия Шәйхиева • Надирсолта Элсункаев | |
