Лилия Низамиева (1973)

РУВИКИ проектының татар бүлегендә Низамиев фамилияле башка кешеләр турында да мәкаләләр бар

Лилия Низамиева, Лилия Рашат кызы Низамиева (1973 елның 15 декабре, ССРБ, РСФСР, ТАССР, Казан) — драма артисты, Яр Чаллы (1997—2001 елларда) һәм Габдулла Кариев исемендәге Казан яшь тамашачы (2002—2004 елларда, 2007 елдан) театрлары актрисасы. Татарстанның театр әһелләре берлеге әгъзасы. Татарстанның атказанган артисты (2019).

1973 елның 15 декабрендә Казан шәһәрендә туган. «Драма театры актеры» белгечлеге буенча Казан дәүләт мәдәният һәм сәнгать академиясен (2015 елдан Казан дәүләт мәдәният институты) тәмамлаган (1997).

1997—2001 елларда — Яр Чаллы татар дәүләт драма театрында эшли.

2002—2004 елларда, 2007 елдан — Габдулла Кариев исемендәге Казан Татар дәүләт яшь тамашачы театрында хезмәт итә.

2012 елда Казан дәүләт мәдәният һәм сәнгать университетында педагогик эшчәнлеге башланып китә. Хәзерге вакытта Казан театр училищесындә «актер осталыгы» курсы алып бара^[1].

Алсу — «Узма яшьлек заяга» (Фәнәвил Галиев)
Земфира — «32 нче март» (Раил Садриев, М. Сафин)
Чәчәк-Ана — «Сак-Сок» (Рабит Батулла)
Җомабикә — «Тапкыр егет» (Дәрҗия Аппакова)
Чеби — «Иске курчакларда Яңа ел» (Рәдиф Сәгъди)
Ана бүре, Ана, Ана бия — «Алмачуар» (Галимҗан Ибраһимов, Фәнәвил Галиев)
Кар иле патшабикәсе — «Кар иле патшабикәсе» (Е. Шварц)
Чуар тавык — «Килмешәк» (Хәбир Ибраһим)
Зөләйха — «Йосыф-Зөләйха» (Кол Гали, Н. Гайнетдин сәхнәләштергән)
Ида Борисовна, Журналист — «Умырзая» (Ренат Харис)
Камилла — «Ир, егет, чибәркәй һәм тәрәзә» (Рей Куни, Хәбир Ибраһим тәрҗемәсе)
3 нче бәти — «Бүре һәм Кәҗә» (Рафис Корбан)
Алмабикә, Габдия — «Ничек миллионер булырга?» (Мансур Гыйләҗев)
Зөлфия — «Улыбыз өйләнә, без аерылышабыз» (Илдар Юзеев)

Җиһан — «Башмагым» (Таҗи Гыйззәт)
Катарина — «Тискәрегә авызлык» (Уильям Шекспир, Зөлфәт тәрҗемәсе)
Мишәр кызы — «Зәйтүнәкәй» (Рабит Батулла)
Солбикә, Убырлы — «Җиде кыз» (Нәкый Исәнбәт)
Фәрдия — «Нигез ташлары» (Туфан Миңнуллин)
Ирада Тибальдовна — «Әйдә барыйк, кызлар карыйк» (Разил Вәлиев)
Приют директоры — «Казан ятиме» (Ркаил Зәйдулла)
Карабикә — «Айрыз батыр» (Ренат Әюпов, Ркаил Зәйдулла)
Убырлы карчык — «Убыр-шоу» (Зәринә Хөснуллина )
Нина Васильевна — «Супер кияү» (Туфан Миңнуллин)
Рәйсә Идрисовна — «Мәхәббәт күгәрченнәре» (Владимир Гуркин)
Масса — «Сәлам, Актәпи!» (Александра Сальникова)
Арыслан — «Питер Пэн» (Дж. М. Барри)

Сания — «Тутык кыңгырау» (Фәнәвил Галиев, режиссер Илфат Камалиев)
2016 — Маһирә ханым (табибә) — «Ак чәчәкләр» (Габдрахман Әпсәләмов, режиссер Ренат Әюпов).

2019 — Татарстанның атказанган артисты^[2]^[3].

Ире Илнар Җиһангир улы, Кариев театры артисты, ТР атказанган артисты (2012). Уллары Искәндәр, музыкант....

Лилия Низамиева. Кариев театры сайты
Илнар һәм Лилия Низамиевлар. ВКонтакте сәхифәсе

↑ Низамиева Лилия Рашатовна, преподаватель. 2022 елның 18 гыйнвар көнендә архивланган. Казан театр училищесы сайты [рус.]
↑ Лилия Низамиевага «Татарстанның атказанган артисты» дигән мактаулы исемне Татарстан Республикасы Президенты Рөстәм Миңнеханов тапшырды. Кариев театрының ВКонтакте сәхифәсе
↑ Рузилә Мөхәммәтова. Татарстанның атказанган артисты исеме ...Лилия Низамиевага бирелде. Татар-информ МА, 30.01.2020