Шәйхразыев Илгиз Рәхимҗан улы

Илгиз Шәйхразыев 1988 елның 10 июлендә Яр Чаллыда туа. Әтисе Рәхимҗан (1963 елгы, янгын хезмәтендә эшләгән) чыгышы белән Актаныш районының Ахун, әнисе Тәнзилә тумышы белән Зәй районының Чыбыклы авылыннан^[2].

Җырчы Яр Чаллының 29 нчы татар гимназиясен тәмамлый^[3]. 9 сыйныфка кадәр барлык фәннәрне татарча укый. Илгиз Шәйхразыев 14 яшендә «Гармония» студиясенә языла. Вокал, бию һәм сәхнәдә үз-үзеңне тотарга өйрәтә торган дәресләргә йөри.

Дирижёр  [рус.] (тат.-хор белгечлеге буенча Казан дәүләт мәдәният һәм сәнгать университетын тәмамлый (2010, Татарстанның атказанган артисты Руслан Дәминовның академик тавыш сыйныфында укый, соңыннан Татарстанның халык артисты Лидия Әхмәтованың вокал сыйныфын тәмамлый)^[4].

2020 елның гыйнварында Нью-Йоркка барып, Карнеги-холлда «Үзгәреш җиле»ндә татарча чыгыш ясый, «Бормалы су» (Нәкый Исәнбәт, Заһид Хәбибуллин), «Ашхабад» (Максуд Юлдашев белән дуэтта)^[5][6] җырларын башкара. "Үзгәреш җиле"ннән соң, үзенә карата «Халык җырларын бозып җырлыйсыз», дигән тәнкыйть сүзләре ишетә.

2020 елдан Татар Дәүләт филармониясендә эстрада булегендә һәм Абдулла Алиш исемендәге Балалар иҗат йортында эшли. 2014 елда «Сорнай» ансамблендә эшләгәндә, җитәкчесе Ринат Гыйләҗев ярдәме белән «Сорнай» балалар ансамбленең вокал сыйныфы укытучысы булып урнаша. Бүген дә әлеге эшчәнлеген дәвам итә.

Районнарда бер төркем артистлар белән җыелма концертлар куялар.

Венгрия, Төркия, Казакъстан, Молдавиядә Татарстан көннәре программаларында, Сабан туйларында чыгыш ясый^[7].

Күп җырлар авторы. Үзен бер стиль кысалары белән генә чикләми: иҗади диапазоны татар шаян бию такмакларыннан алып романсларга кадәр сузыла, бәетләрдән һәм мөнәҗәтләрдән алып R&B, funk һ. б. стильләргә кадәр. Башкаручы башкалардан сыйфатлы музыкасы белән генә түгел, ә үзен төрле юнәлешләрдә уңышлы сынап каравы белән дә аерылып тора. Илгиз R`N`B, рэп стилендә чыгыш ясый, эстрадада да үзен иркен хис итә, халык җырлары, озын көйләр, мөнәҗәтләр, нәшидлар, эстрада җырлары, фанк, рэп, рокны да яратып башкара^[8].

• Берничә бәйге һәм фестивальдә катнашучы һәм призёр, шул исәптән «Созвездие-Йолдызлык», «Ягымлы яз», «Татар моңы», «Туым җондызы», «Крутушка», «Корылтай» (Венгрия), «Турквизион» (Төркия), «ТҮРКСОЙ-Астана» (Казакъстан) һ.б.^[9].
• «Болгар» радиосы премиясе иясе.
• 2017 ― «От ыры» («Ут җыры») III Бөтенроссия этник эстрада фестиваль-бәйгесе (Абакан, Хакасия) ― II дәрәҗә лауреаты («Париж көе» җыры белән катнашкан)^[10].

2012 елда өйләнгән. Аерылган^[11]. Ике улы бар: Хәким, Гаяз^[12].