Үлчәү йолдызлыгы

Мизан
сурәтне зурайтырга өчен чиртегез
Латинча исем	Libra (иял. к.: Librae)
Кыскартма	Lib
Нигез	үлчәү
Туры калкулык	14сәг 15мин тан 15сәг 55мин кача
Авышлык	−29° 30′ тан 0° кача
Мәйдан	538 кв. градус (29 урын)
Иң якты йолдызлар (зурлык < 3m)	Зөбәнел-Шимали (β) — 2,61m Зөбәнел-Җәнүби (α) — 2,75m
Метеор агымнары	Май Либрилары
Янәшә йолдызлыклар	Елан (баш) Еланлы Гакрәп Бүре Су Аждаһасы Сөмбелә Кентавр (почмак)
Йолдызлык +61° тан −90° кача киңлекләрендә күренә. Русия территориясендә иң яхшы күренүчәнлек вакыты — апрель, май.

Мизан йолдызлыгы (гарәп. الميزان‎ әл-мизан — «үлчәү»; шулай ук Үлчәү йолдызлыгы; лат. Libra) — Гакрәп һәм Сөмбелә йолдызлыклары арасындагы зодиак йолдызлыгы. Гади күз белән күреп булган 83 йолдызны эченә ала. Йолдызлыкның 4 нче дәрәжә зурлыктан яктырак 5 йолдызы гына булуына карамастан, бу иң күренекле зодиак йолдызлыкларыннан берсе. Кояш бу йолдызлыкта 31 октябрьдән 22 ноябрьгә кадәр була. Иң яхшы күренүчәнлек шартлары апрель–май айларында. Тулысынча Россиянең үзәк һәм көньяк өлкәләрендә күренә.

Әүвәл йолдызлыкның йолдызлары Гакрәп йолдызлыгына кергәннәр. Аерым йолдызлык буларак антик гадәткә шактый соң, безнең чорга кадәр II гасырда керә.

Йолдызлар

Йолдызлыкның иң якты йолдызлары турыпочмаклыкны тәшкил итәләр.

Мизан α — Зөбәнел-Җәнүби (икеләтә йолдыз, аның әгъзалары +5,15 һәм +2,75 йолдызча зурлык белән ялтырыйлар.

Мизан β — Зөбәнел-Шимали (гарәп. الزبن الشمالية‎ — «төньяк кыскыч»).

Мизан γ — Зөбәнел-Гакрәп (гарәп. الزبن العقرب‎ — «чаян кыскычы»).

Мизан δ — үзгәрмә йолдыз, аның ялтыравы 4,8 дән 6,0 га кадәр 2,3 тәүлек периодлы үзгәрә.

Мизан σ — үзгәрмә йолдыз.

Мизан α һәм β үлчәүнең «көянтә»се, ә γ һәм σ — «табаклар»ы булып торалар.