Кыш бабай поезды
| Поезд № югары әһәмияттәге поезд «Кыш бабай поезды» | |
|---|---|
 | |
| Төп мәгълүматлар | |
| Категория | Фирма пассажир поезды |
| Россия тимер юллары | |
| Маршрут | Себер, Ерак Көнчыгыш, Урал, Россиянең төньяк һәм Аурупа өлеше |
| Тукталышлар саны | 64 |
| Эре шәһәрләр | Амурдагы Комсомольск, Хабаровск, Владивосток, Улан-Удэ, Иркутск, Красноярск, Омск, ЧЧиләбе, Магнитогорск, Уфа, Түбән Новгород, Екатеринбург, Мәскәү, Санкт-Петербург, Петрозаводск, Мурманск |
| Юлдагы вакыт | 85 тәүлек |
| Юлның озынлыгы | 30000 артык км |
| Дәвамлылык | һәр елны |
| Техник мәгълүматлар | |
| Составтагы вагоннар саны | 19 |
 Тышкы видеофайллар
| |
|---|---|
|
|
Казанда Кыш Бабай поездын каршы алу |
Кыш бабай поезды (рус. Поезд Де́да Моро́за) — Кыш бабайның күчмә резиденциясе булган, 19 вагоннан торган махсуслаштырылган тимер юл составы, Россия буйлап сәяхәт итә. Проект Вологда өлкәсенең Бөек Устюгта Кыш бабайның туган җирендә барлыкка килә. Яңа ел символларының берсе.
Составта, күчмә резиденциядән тыш, интерактив зоналы вагоннар, «Әкият авылы», уеннар һәм Яңа ел квестлары үткәрү өчен вагоннар, сувенирлар белән вагон-кибет, төньяк ризыклары тәкъдим ителгән вагон-рестораны, фото-купе, хезмәткәрләр өчен техник вагоннар бар[1][2][3][4][5].
Кыш Бабай поезды — «Россия тимер юллары» ачык акционерлык җәмгыяте һәм Вологда өлкәсе Хөкүмәтенең уникаль уртак проекты[6].
Тарих
2021 елда беренче тапкыр Кыш бабай поезды Россиянең ерак төбәкләрендә һәм шәһәрләрендә яңа елны бәйрәм итү өчен Бөек Устюгтан кузгала. Поездның иҗади персоналы булып Бөек Устюгтан Кыш бабай, Костромадан Кар Кызы һәм әкият геройларын уйнаучы артистлар һәм аниматорлар төркемнәре — Аушка апа, Трескун бабай, гном, куян, юлбарыс, Кар бабай. Алар барлык шәһәрләрдә һәм тукталышларда бәйрәм программасы — уеннар, биюләр оештыралар һәм халыкны бәйрәм белән котлыйлар.
Кыш бабай поездына, аның әкияти персонажларын тукталышларда, вокзалларда, вокзал яны мәйданнарында күрергә һәм алар белән уеннар уйнарга теләгән һәркем бушлай катнаша ала. Поездда сәяхәт итү һәм бүләкләр алу буенча хезмәт күрсәтүләрнең бер өлешенә билетлар сатып алырга кирәк. Яңа елны күчмә бәйрәм итү тәмамланганнан соң, һәр сезонның гыйнварында Кыш бабай поезды Карелиягә килә. Биредә Сортаваланның салкын тукталышы платформасында киләсе кышкы сезонның октябренә кадәр экспозиция объекты була[1][7].
2021—2022 еллардагы сезон
2021—2022 елгы сезонда Кыш бабай поезды 15 мең чакрымнан артык юл уза һәм 36 шәһәрдә була. Тукталышларда һәм вокзалларда бәйрәм чараларында 200 меңгә якын кеше катнаша, шуларның 10 меңгә якыны поезда сәфәргә чыга.
Казанда әкият поезды 15 декабрьдә килеп җитә. Кышкы тылсымчы Кар Кызы һәм Кар бабайлары белән бергә сәяхәт итә. Кунакларны Казанның үзәк тимер юл вокзалында республикада яшәүчеләр һәм кунаклар балалары белән бергә каршы ала.
2022—2023 еллардагы сезон
2022—2023 елгы сезонда Кыш бабай поезды 23 октябрьдә Россия буенча Бөек Устюгтан Владивостокка һәм Россия тимер юлларының иң кырый ноктасы — Находкадагы Тын океан тукталышына кадәр өч айлык сәяхәткә чыга. Ике якка юлның гомуми озынлыгы — 33 мең км. Поезд маршруты Байкал-Амур магистрале һәм Транссиб шәһәрләре, Россиянең Аурупа өлеше, Сочи, Санкт-Петербург һәм Мәскәү аша уза (барлыгы — 200 тукталыш)[7][8].
Казанга Кыш бабай поезды 5 декабрьдә килеп туктый.
2023—2024 еллардагы сезон
2023—2024 елгы сезонда Кыш бабай поезды 11 ноябрьдә Бөек Устюгтан кузгала, 27 декабрьдә Мәскәүгә килеп җитә. 64 көн эчендә поезд Россиянең төрле төбәкләрендәге 80 шәһәрдә була, 32 мең км юл үтә һәм Бөек Устюгта 2024 елның 13 гыйнварында марштрут тәмамлагана.
2024—2025 еллардагы сезон
2024—2025 елгы сезонда Кыш бабай поезды Бөек Устюгтан 19 ноябрьдә Россия буенча сәяхәткә чыга, сәфәрнең беренче ноктасы Тайшет тукталышы[9][10]. 27 ноябрьдә поезд Амурдагы Комсомольскка җитә[11]. Массакүләм мәгълүмат чаралары мәгълүматлары буенча, 54 көн эчендә состав 60 тан артык торак пунктта туктала һәм 30 мең км га якын араны уза. Поезд Байкал-Амур магистрале буйлап бара, Ерак Көнчыгыш, Себер, Урал һәм Россиянең Аурупа өлешендәге шәһәрләр тукталышларында туктыЙ[12].
Бөтенроссия Кыш бабае үзенең маршруты турында[9]:
|
Дүртенче тапкыр үземнең әкияти поездда ил буйлап сәяхәткә чыгам. Сәяхәт вакытында 60 тан артык шәһәрдә булдым һәм хәтта Сахалин утравынада кереп чыгармын, ә гыйнвар башында Бөек Устюгка кайтачакмын. | 
|
«Россия тимер юллары» ачык акционерлык җәмгыяте генераль директоры урынбасары Иван Колесников сүзләренчә, поезд Ерак Көнчыгыш, Транссиб буенча уза һәм Себер, Урал, Россиянең үзәк өлеше аша кире Бөек Устюгка юнәлә.
|
|
Безнең максатыбыз Сахалин утравына бару. Сахалинда яшәүче балалар беренче тапкыр Кыш бабайны һәм аның тылсымлы, әкияти поездын күрәчәк. Иван Колесников[13]
|
|
Бәйрәм программасы
Кыш бабай поезды күчмә резиденциядән гыйбарәт, аның составында Кыш бабайның салон-кабул итү бүлмәсе, уеннар һәм квестлар өчен әкияти авыл, сувенирлар белән вагон-кибет, курчак театры һәм чәй эчү өчен вагон-ресторан. Поездның башында П36 серияле паровоз, шулай ук ВЛ-82 м серияле сирәк ретро-электровоз тора[14].
Кыш бабай поездының күңел ачу программасы
Тукталышның озынлыгына карап, күңел ачу программасы ике төргә бүленә:
Стандарт программа (дәвамлыгы — 3 сәгать):
- Кыш бабайның күчмә резиденциясендә булу — аниматорлар төркеме белән квест узу, Бөек Устюгтан килгән Кыш бабай белән очрашу, Кыш бабайдан татлы бүләк һәм вагон-ресторанда чәй эчү, дусларга яки туганнарга җибәрү өчен открытка.
- «Курчак театры» вагоны, анда тылсым эзләү буенча Кыш бабай поездының курчак геройлары белән 45 минутлык тамаша уза. Билет бәясенә спектакль, Кыш бабайдан татлы бүләк һәм аның видеодан котлавы керә.
- Билет сатып алырга өлгермәгәннәр өчен «тере чират» тәртибендә вагон-кибеткә һәм Төньяк ризыкларын татып карарга мөмкин булган вагон-ресторанга барып була. Поезд тукталышка килеп туктагач, Кыш бабай резиденциядән чыгып кунакларны сәламли, поезд китәр алдыннан алар белән саубуллаша.
Кыска программа (дәвамлыгы — 2 сәгать):
- Поезд сәхнәсендә тамашаны бушлай карарга мөмкин, курчак театрында һәм күчмә резиденциядә спектакль карау өчен билетлар сатып алырга кирәк.
Кыш бабай поездына билетлар бәясе
Сатуга берничә төр билет чыга:
- 6-13 яшьтәге балалар өчен 2450 сум;
- Бала (3-5 яшбьтәге) һәм бала белән килгән кунакка (14 яшьтән) 2950 сум.
«Кыш бабайның күчмә резиденциясе» билеты бәясенә түбәндәгеләр керә:
- Поездда анимация программасы;
- Күчмә резиденциясендә Кыш бабай һәм Кар Кызы белән очрашу;
- Кыш бабайдан балалар өчен бүләк;
- Чәй табыны;
- Туганнарга һәм дусларга җибәрү өчен открытка.
«Курчак театры»:
- 45 минутлык тамаша;
- Бала өчен Кыш бабайдан бүләк;
- Кыш бабайдан видеокотлау.
Курчак театрына балалар билеты буенча чикләү — 6-10 яшьләр. Программада Кыш бабай белән очрашу каралмаган. Билетларны сату Россия тимер юллары сайтында поезд тукталышка килгәнче 30 тәүлек алдан ачыла[15].
2024 елгы маршурт
| № | Поездның тукталышка килү көне | Шәһәр |
|---|---|---|
| 1 | 19.11.2024 | Тайшет |
| 2 | 20.11.2024 | Вихоревка |
| 3 | 21.11.2024 | Усть-Кут |
| 4 | 22.11.2024 | Северобайкальск |
| 5 | 24.11.2024 | Яңа Чара |
| 6 | 25.11.2024 | Тында |
| 7 | 26.11.2024 | Февральск |
| 8 | 26.11.2024 | Яңа Ургал |
| 9 | 27.11.2024 | Амурдагы Комсомольск |
| 10 | 30.11.2024 | Невельск |
| 11 | 30.11.2024 | Ильинское |
| 12 | 01.12.2024 | Поронайск |
| 13 | 01.12.2024 | Тымовск |
| 14 | 01.12.2024 | Ноглики |
| 15 | 02.12.2024 | Долинск |
| 16 | 02.12.2024 | Южно-Сахалинск |
| 17 | 05.12.2024 | Хабаровск |
| 18 | 06.12.2024 | Уссурийск |
| 19 | 06.12.2024 | Владивосток |
| 20 | 07.12.2024 | Биробиджан |
| 21 | 08.12.2024 | Благовещенск |
| 22 | 08.12.2024 | Белогорск |
| 23 | 09.12.2024 | Сковородино |
| 24 | 09.12.2024 | Ерофей Павлович |
| 25 | 09.12.2024 | Могоча |
| 26 | 10.12.2024 | Карымское |
| 27 | 10.12.2024 | Чита |
| 28 | 11.12.2024 | Петровский завод |
| 29 | 11.12.2024 | Улан-Удэ |
| 30 | 13.12.2024 | Иркутск |
| 31 | 14.12.2024 | Черемхово |
| 32 | 14.12.2024 | Зима |
| 33 | 15.12.2024 | Красноярск |
| 34 | 16.12.2024 | Абакан |
| 35 | 17.12.2024 | Новокузнецк |
| 36 | 18.12.2024 | Новосибирск |
| 37 | 19.12.2024 | Омск |
| 38 | 20.12.2024 | Шадринск |
| 39 | 21.12.2024 | Курган |
| 40 | 22.12.2024 | Челябинск |
| 41 | 23.12.2024 | Карталы |
| 42 | 23.12.2024 | Магнитогорск |
| 43 | 24.12.2024 | Стәрлетамак |
| 44 | 24.12.2024 | Салават |
| 45 | 25.12.2024 | Уфа |
| 46 | 26.12.2024 | Самара |
| 47 | 27.12.2024 | Балаково |
| 48 | 28.12.2024 | Саранск |
| 49 | 29.12.2024 | Түбән Новгород |
| 50 | 30.12.2024 | Киров |
| 51 | 31.12.2024 | Екатеринбург |
| 52 | 02.01.2025 | Дзержинск |
| 53 | 03.01.2025 | Мәскәү |
| 54 | 04.01.2025 | Псков |
| 55 | 05.01.2025 | Түбән Новгород |
| 56 | 05.01.2025 | Чудово |
| 57 | 06/07.01.2025 | Санкт-Петербург (Новый Петергоф) |
| 58 | 08.01.2025 | Петрозаводск |
| 59 | 09.01.2025 | Мурманск |
| 60 | 10.01.2025 | Вологда |
| 61 | 11.01.2025 | Котлас |
| 62 | 11.01.2025 | Бөек Устюг |
Хезмәткәрләр
Проектта 100 дән артык хезмәткәрдән торган тимер юлчылар төркеме эшли. Алар — техниклар, төзәтүчеләр, машинистлар, поезд башлыклары, проводниклар, административ эшчеләр, сакчылар, кабымханә һәм ресторан хезмәткәрләре һәм башкалар[1][7].
Өстәмә мәгълүмат
2023 елда Кыш бабай поезды Россиянең рекордлар китабына кертелә. Өч айда ул 33 686 км юл үтә[16].
Ике ел дәвамында Россиянең 150 дән артык шәһәрендә Кыш бабай поезды чараларында 900 меңнән артык кеше катнаша[17].
Кыш бабай поезды Казанда
Кыш бабай поезды Казанның 1 нче тимер юл вокзалына килә. Поезд 10 сәгать тукталышта тора. Татарстан халкы һәм кунаклары кышкы тылсымчының күчмә резиденциясен каршы ала һәм озата, вокзал территориясендә бәйрәм программасында катнаша.
2023—2024 елларда Татарстан шәһәрләре Кыш бабай поездының маршрутына кертелми[18].
Галерея
2022 ел
2022 елның декабрендә Кыш бабай поезды
Кыш бабай һәм Кар кызының күчмә резиденциясе
Кыш бабай поезды сәяхәт вакытында. 2023 ел
Трескун бабай поезд вагонында
Кыш бабай поездында чәй тәкъдим ителә торган вагон
Поезд вагонында Аушка әбинең йорты
Искәрмәләр
- ↑ 1 2 3 Дед Мороз из Великого Устюга отправился в путешествие по стране. ТАСС (22 октябрь 2022). Мөрәҗәгать итү датасы: 5 ноябрь 2022.
- ↑ Поезд Деда Мороза отправится в рейс по 100 городам России. Известия (22 октябрь 2022). Мөрәҗәгать итү датасы: 5 ноябрь 2022.
- ↑ Поезд Деда Мороза из Великого Устюга отправился в турне по стране. Интерфакс (22 октябрь 2022). Мөрәҗәгать итү датасы: 5 ноябрь 2022.
- ↑ Из Великого Устюга стартует новогодний поезд. Российская газета (1 декабрь 2021). Мөрәҗәгать итү датасы: 5 ноябрь 2022.
- ↑ Дед Мороз отправился в большое путешествие по России на сказочном поезде. Первый канал (6 декабрь 2022). Мөрәҗәгать итү датасы: 5 ноябрь 2022.
- ↑ О проекте. Официальный сайт ОАО «РЖД».
- ↑ 1 2 3 Поезд Деда Мороза отправился на Дальний Восток. Российская газета (5 ноябрь 2022). Мөрәҗәгать итү датасы: 5 ноябрь 2022.
- ↑ Стало известно, когда в Петербург приедет волшебный поезд Деда Мороза. Фонтанка (5 ноябрь 2022). Мөрәҗәгать итү датасы: 5 ноябрь 2022.
- ↑ 1 2 Поезд Деда Мороза отправится в путешествие по России 19 ноября. 11 ноябрь 2024 тикшерелде.
- ↑ Иванова, Т. Поезд Деда Мороза прибыл в Тайшет 19 ноября. Комсомольская правда (19 ноябрь 2024). Мөрәҗәгать итү датасы: 19 ноябрь 2024.
- ↑ В Комсомольск-на-Амуре приехал поезд Деда Мороза. otr-online.ru (27 ноябрь 2024). Мөрәҗәгать итү датасы: 27 ноябрь 2024.
- ↑ Поезд Деда Мороза сделает остановки на четырёх амурских станциях (2024-11-11). 11 ноябрь 2024 тикшерелде.
- ↑ «Поезд Деда Мороза» прибудет в Москву 3 января, Информационный Центр Правительства Москвы (2024-10-21). 11 ноябрь 2024 тикшерелде.
- ↑ В Великом Устюге презентовали поезд Деда Мороза. 15 ноябрь 2024 тикшерелде.
- ↑ Поезд Деда Мороза. poezddedamoroza.ru. Мөрәҗәгать итү датасы: 15 ноябрь 2024.
- ↑ Поезд Деда Мороза вошел в Книгу рекордов России. Как он выглядит. 11 ноябрь 2024 тикшерелде.
- ↑ РИА Новости, 27 декабря 2023. В Москву прибыл поезд Деда Мороза
- ↑ Рузалия Хәкимуллина. Города Татарстана не попали в маршрут «Поезда Деда Мороза». Лента.ру (8 ноябрь 2023).