Энҗе Яруллина

1986 елның 8 февралендә Татарстанның Арча районы Сикертән авылында туа^[2]. 2001 елда мәктәпнең 9 нчы сыйныфын тәмамлап, Казан театр училищесына укырга керә. Уку йортын 2005 елда тәмамлагач, Габдулла Кариев исемендәге Казан Татар дәүләт яшь тамашачы театрында эшли. 2008 елда читтән торып Казан дәүләт мәдәният институтына укырга керә. Анда театр факультетының режиссура һәм актерлык осталыгы кафедрасында белем алып, 2012 елда актёр белгечлеге буенча тәмамлап чыга^[1].

Театрдагы иҗат юлын, училищеда беренче курста укыган чагында ук, күмәк күренешләрдә чыгыш ясап башлый. Сәхнәдәге беренче ролен 2001 елда башкара: ул Рәдиф Сәгъдинең «Гүзәл Аппаксылу» спектаклендә Әкиятче һәм Куштанбикә образларын тудыра. Киң танылуны аңа Рәдиф Сәгъдинең «Гашыйклар утравы» спектаклендәге Фирүзә роле китерә.

Репертуарында 40 тан артык роле бар:

• Әкиятче, Куштанбикә — «Гүзәл Аппаксылу» (Рәдиф Сәгъди, 2001);
• Наян — «Светофорда кунакта» (Аманулла, 2002);
• Чеби — «Килмешәк» (Хабибулла Ибраһим, 2003);
• Сыер — «Иске курчакларда Яңа ел» (Рәдиф Сәгъди, 2003);
• Кош һәм кояш — «Сак-Сок» (Рабит Батулла, 2003);
• Шүрәле — «Тапкыр егет» (Д. Аппакова, 2003);
• Хәмидә — «Кыю кызлар» (Таҗи Гыйззәт, 2004);
• Юлбасар — «Кар иле патшабикәсе» (Е. Шварц, Фәнәвил Галиев тәрҗ., 2004);
• Кыз — «Сержант» (Искәндәр Сираҗи, 2005);
• Шәфкать туташы, Фәрештә, Су кызы, Сарык — «Печән базары» (Ренат Әюпов, 2006);
• Илүзә — «Амазонка һәм Айдар» (Илгиз Зәйниев, 2006);
• Хезмәтче — «Король Лир» (Уильям Шекспир, 2006);
• Негр кызы (өченче Кәләш) — «Серле балдак маҗаралары» (М.Закирова, 2006);
• Бәрән, Чүл комы, Чегән кызы, Динара — «Алмачуар» (Фәнәвил Галиев, 2007);
• Заһидә, Гайбәтче хатын — «Йосыф-Зөләйха» (Кол Гали, 2007);
• Алёна — «Супер светофор» (Аманулла, 2013);
• Миссис Маймыл — «Урман клаб» (Илгиз Зәйниев, 2007);
• 3 нче Бәти — «Бүре һәм Кәҗә» (Рәфис Корбан, 2008);
• Горничная, Люция — «Ир, егет, чибәркәй һәм тәрәзә» (Рей Куни, Хабибулла Ибраһим тәрҗ., 2008);
• Карчәчәк — «Кышкы әкият» (Шамил Фәрхетдинов, 2008);
• Хәерниса — «Галиябану» (Мирхәйдәр Фәйзи, 2009);
• Гайния Клаус — «Ничек миллионер булырга?» (Мансур Гыйләҗев, 2009);
• Укытучы, Халык — «Умырзая» (Ренат Харис, 2009);
• 3 нче кыз — «Җырларым» (Фәнәвил Галиев, 2010);
• Гыйльми — «Башмагым» (Таҗи Гыйззәт, 2010);
• Гәүһәршат — «Зәйтүнәкәй» (Рабит Батулла, 2011);
• Яшь тай — «Алмачуар» (Фәнәвил Галиев, 2007);
• Гөлфәния — «Җиде кыз» (Нәки Исәнбәт, 2011);
• Керпе анасы, тиен — «Керпе малае дуслар эзли» (Рәфис Корбан, 2011);
• Енот, Ак Барс, Мырау — «Ак Барс маҗаралары» (Хабибулла Ибраһим, 2012);
• Сарык — «Әйт әле, күбәләк» (Туфан Миңнуллин, 2014);
• Авыл халкы — «Артист» (Ркаил Зәйдулла, 2016);
• Фирүзә — «Гашыйклар утравы» (Рәдиф Сәгъди, 2016);
• Сарык бәтие — «Убыр-Шоу»(З. Хөснуллина, 2017)
• Гөлзирәк — «Кичер мине әнкәй» (Рабит Батулла, 2018);
• Шәкерт — «Кәҗүл читек» (Гаяз Исхакый, 2018);
• Ай — «Зөһрә» (Йолдыз Миңнуллина);
• Керәшен кызы -«Микулай» (Шамил Фәрхетдинов, 2020);
• Рания — «Яратып туялмадым» (Айгөл Әхмәтгалиева, 2020);
• Күмәк сәхнәләр, колын — «Мио, минем Мио» (Е. Гороховская, 2020);
• Шәфкать туташы — «Ак чәчәкләр кебек…» (Р. Мухина, 2021);
• Зөлфия — «Сөннәтче бабай» (Ренат Әюпов, 2021). һ.б.^[1]

Ире — Фәнис Яруллин. Алар 2011 елның 9 сентябрендә өйләнешәләр. Ике кызлары бар (Сәмирә, Әминә). *Сәмирә – Татарстан дәүләт җыр һәм бию ансамбле биючесе, төрле иҗади проектларда да катнаша^[3].

• ТР Мәдәният министлыгының Мактау грамотасы^[1];
• Татарстан Республикасының атказанган артисты (2023)^[4].