Лилия Гыйбадуллина

Лилия Фәис кызы Гыйбадуллина 1987 елның 22 мартында Татарстан АССРның Актаныш районы, Әҗмәт авылында туа^[3]. 2004 елда Такталачык урта мәктәбен тәмамлап, Казан дәүләт университетының татар филологиясе һәм тарихы факультетына укырга керә^[4].

Яр Чаллы шәһәре мәгариф идарәсендә, «Халкым минем» газетында редактор булып эшли. Хәзерге вакытта «Мәйдан» журналының җаваплы сәркатибе вазифасын башкара.

2021 елда Татарстан Республикасы Язучылар берлеге Идарәсе составына сайлана.

2026 елның июнендә шагыйрә Псков өлкәсендә узган Пушкин шигърияте һәм рус мәдәнияте көннәрендә катнаша^[5].

Ул — берничә шигъри җыентык һәм проза китабы авторы:

• «Мин бәхетне күрәм!..» — 2004;
• «Тынлык кайтавазы» — 2010;
• «Кайту» — 2018;
• «Сөрән» — 2021;
• «Идегей. Игра ханов» (балалар өчен уен китабы) — 2024^[6];
• «Әлиф ләм мим» (татар "Әлифба"сын төзүче Салих Вагыйзовның тормышы турында повесть) — 2025.

Автор әсәрләре буенча сәхнәләштерелгән тамашалар куела. Галиәсгар Камал исемендәге Татар дәүләт академия театрында «Дәвамы бар» исемле шигъри-музыкаль кичә уза. 2025 елда Минзәлә үзәк китапханәсендә «Идегәй» китабы буенча инсценировка тәкъдим ителә^[7].

• «Иделем акчарлагы» яшь язучылар бәйгесенең Гран-прие (2003);
• «Белла» Россия-Италия әдәби премиясе («Касание Казани» номинациясендә; 2014 ел) — «Мин җавапсыз калмам» шигыре өчен^[8];
• Саҗидә Сөләйманова исемендәге премия — «Кайту» шигырьләр җыентыгы өчен (2021);
• Габдулла Тукай исемендәге Дәүләт премиясе (2026) — «Дәвамы бар» шигырьләр һәм поэмалар җыентыгы өчен^[9].

Әтисе — урманчы, әнисе хастаханәдә шәфкать туташы булып эшли.

Кияүдә. Улы Ильяс Сираев — «Кайнар» проекты авторы^[10].