Комык теле

Комык теле (үзатамасы — къумукъ тил) — комыкларның туган теле, Дагстанда, Чичәнстанда, Төньяк Осетиядә киң таралган. Төрки телләрнең кыпчак төркеменә карый (бу төркемгә карачай-балкар, нугай һ.б. телләр дә керә әле). Сөйләшүчеләр саны якынча 400–500 мең кеше.

Комык теле — Дагстанның 6 әдәби теленең берсе. Кайчандыр Кавказда лингва-франка ролен үтәгән. Комык телендә «Ёлдаш» гәҗите чыга.

Комык әлифбасы: А а, Б б, В в, Г г, Гъ гъ, Гь гь, Д д, Е е, Ё ё, Ж ж, З з, И и, Й й, К к, Къ къ, Л л, М м, Н н, Нг нг, О о, Оь оь, П п, Р р, С с, Т т, У у, Уь уь, Ф ф, Х х, Ц ц, Ч ч, Ш ш, Щ щ, Ъ ъ, Ы ы, Ь ь, Э э, Ю ю, Я я.

Диалектлары:

• буйнакск,
• хасавюрт,
• кайтак,
• тауасты,
• терек.