Хәмит Әюпов 1908 елның 28 июнендә Уфа губернасының Бөре өязе Шабай авылында туа. Милләте буенча татар[4].
1939 елда Ленинградта СССР Финанс халык комиссариатының Финанс академиясен тәмамлый[5].
1926 елдан башлап Башкортстан АССРда хуҗалык эшендә эшли: хезмәт ияләре депутатларының Борай районы Шабай авыл советы секретаре (1928 елга кадәр), 1928—1929 елларда Байкибаш волосте финанс бүлегендә эш башкаручы, 1929—1930 елларда шул ук бүлек мөдире була[5].
1930—1934 елларда Балтач районы финанс бүлегенең өлкән инспекторы, 1934—1937 елларда мөдире булып эшли. 1939—1942 елларда ТАССР Финанс халык комиссариатында бүлек башлыгы вазифасын башкара. 1942—1943 елларда Әгерҗе районы Тирсә машина-трактор станциясендә сәяси бүлек башлыгы булып эшли[5][4].
1943—1950 елларда ВКП(б)ның [рус.] (тат. Красный Бор һәм Ютазы район комитетларының беренче секретаре вазифаларын били[4].
1950—1951 елларда һәм 1957—1969 елларда — ТАССРның финанс министры[4].
1951—1952 елларда ТАССР Министрлар Советының нәшрият, полиграфия һәм китап сәүдәсе идарәсе башлыгы булып эшли[6].
1952—1957 елларда хезмәт ияләре депутатларының Чистай район советы финанс бүлеге мөдире вазифасын башкара[7].
1943—1950 елларда һәм 1958—1969 елларда ТАССР Югары Советы депутаты итеп сайлана[7].
.png){kind=small}