Александр Куренков (1972)

Александр Куренков 1972 елның 2 июнендә Мәскәү өлкәсендә туа. Мәскәү дәүләт физик культура академиясен һәм Мәскәү психология-социаль институтын тәмамлый. 2021 елда, хәрби генерал-майор исемен алып, Россия Федерациясе Кораллы Көчләре Генераль штабы каршындагы югары курсларны тәмамлый^[1][2].

Мәскәүнең 312 нче мәктәбендә физик культура укытучысы булып эшли (1995—1999). 1999 елда дәүләт куркынычсызлыгы органнарында хезмәт итә. Федераль куркынычсызлык хезмәтендә һәм Федераль сак хезмәтендә (аерым алганда, Премьер-министр Виктор Зубковны саклауда эшли), соңрак Росгвардиягә күчә, анда ведомство җитәкчесе Виктор Золотов урынбасары була һәм хезмәткәрләрне хәрби әзерләү белән бәйле сораулар өчен җавап бирә^[3]. РБК мәгълүматларына караганда, Владимир Путинның өлкән адъютанты вазифасында эшли. II дәрәҗә «Ватан алдындагы казанышлары өчен» ордены белән бүләкләнә.

2022 елның 23 маенда Владимир Путин Куренковны гадәттән тыш хәлләр министры итеп билгеләргә тәкъдим итә^[4]. Куренков кандидатурасы Федерация Советы тарафыннан 25 майда хуплана. Россия Президенты Владимир Путинның 2022 елның 25 маендагы 305 номерлы Указы белән Россия Федерациясе Гражданнар оборонасы, гадәттән тыш хәлләр һәм табигый бәла-казалар нәтиҗәләрен бетерү эшләре министры итеп билгеләнә^[5].

2022 елның 30 маеннан — Россия Федерациясе Куркынычсызлык Советы әгъзасы^[6].

2022 елның 2 июнендә Куренковка генерал-лейтенант хәрби исеме бирелә.

2022 елның 21 октябреннән Куренков — Кораллы Көчләрнең, башка гаскәрләрнең, хәрби берәмлекләрнең һәм органнарның ихтыяҗларын тәэмин итү буенча Россия Федерациясе Хөкүмәте каршындагы Координация советы әгъзасы^[7].

АКШ, Евросоюз, Бөекбритания, Швейцария, Австралия һәм Яңа Зеландия санкцияләре астында.

2025 елның 4 июнендә Владимир Путин ГТХМ (МЧС) башлыгы Александр Куренковка генерал-полковник исемен бирә^[8].

• II дәрәҗә «Ватан алдындагы казанышлары өчен» ордены медале (2015);
• Суворов медале;
• «Махсус биремнәрне үтәүдәге аерым казанышлары өчен» медале (ФСО);
• «Хәрби батырлык өчен» медале (ФСО);
• I, II һәм III дәрәҗә «Хәрби хезмәттәге аерым казанышлары өчен» медальләре (ФСО);
• «Дәүләт куркынычсызлыгы органнарына 100 ел» медале (ФСО);
• «Россия дәүләт саклавы органнарына 125 ел» медале (ФСО);
• «Россия ФСОсындагы хезмәте өчен» күкрәк билгесе;
• «Крымны кайтару өчен» медале;
• «Данк» ордены (2023, Киргизия)^[9];
• «Әстерхан өлкәсе алдындагы казанышлары өчен» ордены медале (2024 елның 12 декабре) — Әстерхан өлкәсе территориясендә гражданнар оборонасы, халыкны һәм территорияләрне табигый һәм техноген характердагы гадәттән тыш хәлләрдән саклау, янгын куркынычсызлыгын һәм су объектларында кешеләр куркынычсызлыгын тәэмин итү өлкәсендә дәүләт политикасын гамәлгә ашыруда нәтиҗәле ярдәм күрсәткән өчен.