Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Владимир Колокольцев

РУВИКИ проектының татар бүлегендә шундый фамилия белән башка кешеләр турында мәкаләләр бар: Колокольцев.

Владимир Александрович Колокольцев (рус. Владимир Александрович Колокольцев; 11 май 1961(1961-05-11) (65 яшь), Түбән Ламу, Пенза өлкәсе, Россия Совет Федератив Социалистик Республикасы, Совет Социалистик Республикалар Берлеге) — Россия дәүләт эшлеклесе. 2012 елның 21 маеннан Россия Федерациясе Эчке эшләр министры[1]. Россия Федерациясе полиция генералы (2015)[2]. Россия Федерациясе Эчке эшләр органнарының атказанган хезмәткәре. Юридик фәннәр докторы (2005). 2012 елдан Россия Федерациясе Куркынычсызлык советының даими әгъзасы.

Үткәндә: 2009 елның 7 сентябреннән 2011 елның 24 мартына кадәр Мәскәү Эчке эшләр Баш идарәсе башлыгы. 2011 елның 24 мартыннан 2012 елның 21 маена кадәр Россия Эчке эшләр министрлыгының Мәскәү буенча Баш идарәсе башлыгы[3].

Тәрҗемәи хәле

Владимир Колокольцев 1961 елның 11 маенда Пенза өлкәсенең Түбән Ламу шәһәрендә эшче гаиләсендә туа.

Пенза өлкәсенең «Власть труда» фанер заводының котельный цехында йөк төягеч йөртүчесе, насос җайланмасы машинисты булып эшли. 1979 елда армиягә алына, Совет Социалистик Республикалар Берлеге һәм Әфганстан чигендә чик буе гаскәрләрендә хезмәт итә.

Хезмәт юлы

1982 елда Владимир Колокольцев Эчке эшләр органнарына Мәскәүдә аккредитацияләнгән чит дәүләтләрнең дипломатик вәкиллекләрен саклау буенча милиция бүлегенә эшкә керә. 1984 елда Мәскәүнең Гагарин районы Башкарма комитеты Эчке эшләр идарәсенең патруль-пост хезмәте аерым батальоны взводы командиры итеп билгеләнә.

1985 елда ул Совет Социалистик Республикалар Берлеге Эчке эшләр министрлыгының Бөтенсоюз ленинчыл коммунистик яшьләр союзының 60 еллыгы исемендәге югары сәяси училищега укырга керә, аны 1989 елда «бик яхшы» билгеләренә тәмамлый. Мәскәүгә кайта, Эчке эшләр бүлегендә Мәскәүнең Кунцево районы башкарма комитеты Эчке эшләр идарәсенең Җинаятьчеләрне эзләү бүлеге оператив хезмәткәре булып эшли. 1992 елда Владимир Колокольцев Мәскәү Җинаятьчеләрне эзләү баш идарәсенең 2 нче бүлегендә өлкән оператив хезмәткәр вазифасына күчә. 1993 ел башында Мәскәү милициясе карамагындагы 108 нче бүлекнең башлыгы итеп билгеләнә.

1995 елда Үзәк административ округының 2 нче район эчке эшләр идарәсенең җинаятьчеләрне эзләү идарәсе бүлеге начальнигы булып эшли. 1997 елда ул Россия Эчке эшләр министрлыгы карамагындагы Мәскәү буенча оешкан җинаятьчелеккә каршы көрәш буенча төбәк идарәсенең 4 нче төбәк бүлеге башлыгы була. 1999 елда Россия Эчке эшләр министрлыгының Оешкан җинаятьчелеккә каршы көрәш буенча баш идарәсе карамагындагы Җинаятьчелеккә каршы көрәш буенча үзәк төбәк идарәсенең көньяк-көнчыгыш административ округы буенча Төбәк оператив-эзләү бюросы башлыгы вазифасына билгеләнә.

2001 елда Владимир Колокольцев Россия Федерациясенең эчке эшләр министрлыгының Үзәк федераль округы буенча Баш идарәсенең оператив-эзләү бюросының 3 нче бүлеге башлыгы булып хезмәт итә. 2003 елда бюро башлыгы урынбасары, 2007 елның гыйнварында Орёл өлкәсе буенча Эчке эшләр идарәсе башлыгы итеп билгеләнә[4][5]. Өлкәдә эшләү чорында беренче ике вице-губернатор Кочуевка һәм Сошниковка, шулай ук өлкә администрациясе бүлекчәләренең берничә башлыгы җаваплылыкка тартыла[6]. Шулай ук «Воробьев» оештырылган җинаятьчел төркеменең кайбер актив катнашучылары кулга алына һәм ирегеннән мәхрүм ителә. 2009 елның апрелендә Владимир Колокольцев Россия Эчке эшләр министрлыгының Җинаятьчеләрне эзләү департаменты башлыгының беренче урынбасары итеп билгеләнә[7].

2009 елның 7 сентябреннән Россия Президенты Фәрманы белән Владимир Колокольцев Мәскәүнең Эчке эшләр Баш идарәсе башлыгы вазифасын башкара[8]. Вазифада ул отставкага җибәрелгән Владимир Пронинны алыштыра. 2009 елның 28 апрелендә Владимир Пронин «Царицыно» Эчке эшләр бүлеге башлыгы Денис Евсюков Мәскәү азык-төлек кибетендә атыш оештырганнан соң эштән алына. Владимир Колокольцев вазифага билгеләнгәнче, вакытлыча Эчке эшләр Баш идарәсе башлыгы вазифаларын Александр Иванов башкара[6].

Россия Федерациясе Президентының 2011 елның 24 мартындагы Фәрманы белән Владимир Колокольцевка полиция генерал-лейтенанты дәрәҗәсе бирелә һәм ул Россия эчке эшләр министрлыгының Мәскәү шәһәре буенча Баш идарәсе башлыгы вазифасына билгеләнә[9].

Россия Федерациясе Президентының 2012 елның 21 маендагы Фәрманы белән Владимир Колокольцев Россия Федерациясе эчке эшләр министры итеп билгеләнә[10][11] һәм аның җитәкчелегендә хокук саклау системасын үзгәртеп кору дәвам итә. 2020 елның гыйнварында Владимир Колокольцев 2020 елның 21 гыйнварында министр вазифасына яңадан билгеләнә.

2024 елның 14 маеннан Эчке эшләр министры[12].

Башка башкарган вазифалары

  • Наркотикларга каршы дәүләт комитеты рәисе (2016 елның декабреннән);
  • Хокук бозуларны профилактикалау буенча хөкүмәт комиссиясе башлыгы (2012 елның июненнән);
  • Россия Федерациясе Президенты карамагындагы Коррупциягә каршы көрәш советы һәм Россия Федерациясе Президенты карамагындагы Физик тәрбия һәм спортны үстерү советы әгъзасы (икесе дә 2012 елның июленнән).
  • Россия Федерациясе Хәрби-сәнәгать комиссиясе әгъзасы (2014 елның сентябреннән)[3].

Санкцияләр

2018 елдан Владимир Колокольцев Америка Кушма Штатлары, 2022 елда Украинада махсус хәрби операцияләр башланганнан соң — Канада, Европа Берлеге, Бөекбритания, Швейцария, Австралия, Япония һәм Яңа Зеландия санкцияләренә кертелә.

Санкцияләргә карамастан, 2018 елда Владимир Колокольцев Америка Кушма Штатларына Берләшкән Милләтләр Оешмасы чараларында катнашу өчен бара. 2022 елда Америка Кушма Штатлары аның җитәкчелегендәге Россия Федерациясе эчке эшләр министрлыгы делегациясе вәкилләренә виза бирми, шул сәбәпле ул Берләшкән Милләтләр Оешмасының полиция хезмәтләре башлыклары саммитына килә алмый. 2024 елның июнендә Владимир Колокольцев Нью-Йоркка Берләшкән Милләтләр Оешмасы әгъзалары булган дәүләтләрнең полиция органнары җитәкчеләренең IV саммитында катнашу өчен килә. Америка Кушма Штатлары Дәүләт департаменты аңлатуы буенча, Россия көч ведомстволары башлыкларына карата санкцион чикләүләр туктатыла. Америка Кушма Штатларының Берләшкән Милләтләр Оешмасы карамагындагы вәкиллегендә, Нью-Йорктагы штаб-фатиры турындагы килешү кысаларында, виза бирү буенча үз йөкләмәләренә җитди карауларын аңлаталар Америка Кушма Штатлары Дәүләт департаментында Берләшкән Милләтләр Оешмасы чараларында катнашучы делегацияләргә виза бирү бурычын таный[13].

Тәнкыйть

  • 2013 елның 10 февралендә Владимир Колокольцев НТВ каналының "Бүген. Йомгаклау программасы"нда («Сегодня. Итоговая программа») Кирилл Поздняков белән әңгәмәсендә, Россиядә террористларга каршы аеруча авыр җинаятьләр өчен үлем җәзасын кире кайтаруга каршы булмавын түбәндәгечә белдереп:
« Үлем җәзасына каршы кешеләрнең ачуын үз өстемә алудан куркам, әмма министр буларак түгел, ә гади гражданин буларак, мин мондый төр җинаятьчеләр өчен [мондый җәзада] бернинди дә начарлык күрмәс идем. »

Бу белдерүне ул Яр Чаллы шәһәрендә 8 яшьлек Василиса Галицынаны, Чечняда бер кыз баланы урлап үтерелгәч ясый. Бу сүзләр «Яблоко» партиясе тарафыннан тәнкыйтьләнә, аның сайтында министрны отставкага җибәрергә кирәклек турында тәкъдим барлыкка килә[14], әмма министр үз фикерен белдерергә хокуклы, диючеләр дә, идеяны хуплаучылар да була.

  • Владимир Колокольцев — юридик фәннәр докторы, 2005 елда «Милли иминлек концепциясе контекстында Россиянең дәүләт мәнфәгатьләрен тәэмин итү» темасына диссертация яклый[15]. «Диссернет» җәмгыяте анализы буенча, Владимир Колокольцевның докторлык диссертациясендә дүрт диссертациядән үзләштерелгән урыннар бар[16].

Гаиләсе

Өйләнгән, ике баласы бар.

  • Хатыны — Вера Иван кызы Колокольцева.
  • Улы — Александр Владимир улы Колокольцев (1983 елда туган), эшмәкәр[17].
  • Кызы — Екатерина Владимир кызы Колокольцева (1988 елда туган), Мәскәү дәүләт халыкара мөнәсәбәтләр институтын тәмамлаган.

Кинодагы роле

1994 елда Владимир Колокольцев «На углу, у Патриарших» детектив телесериалында оператив хезмәткәр эпизодик ролендә төшә[18].

Россия Федерациясе Эчке эшләр органнарының махсус дәрәҗәләре

  • Милиция генерал-майоры (2008 елның 5 марты).
  • Милиция генерал-лейтенанты (2010 елның 10 июне).
  • Полиция генерал-лейтенанты (2011 елның 24 марты)[19].
  • Полиция генерал-полковнигы (2013 елның 12 июне)[20].
  • Россия Федерациясенең полиция генералы (2015 елның 10 ноябре)[21].

Бүләкләре

дәүләт
  • III һәм IV дәрәҗә «Ватан алдындагы казанышлар өчен» ордены.
  • Россия Федерациясенең атказанган эчке эшләр органнары хезмәткәре[22].
  • «Җәмәгать тәртибен саклаудагы батырлык өчен» медале.
  • 2014 — Александр Невский ордены[23].
ведомство
  • «Эчке эшләр министрлыгының мактаулы хезмәткәре» күкрәк билгесе.
  • «Хезмәттәге фидакарьлек өчен» медале (Эчке эшләр министрлыгы).
  • I һәм II дәрәҗә «Хезмәттәге аерымлык өчен» медале (Эчке эшләр министрлыгы) .
  • III дәрәҗә «Намуслы хезмәт өчен» медале.
  • II һәм III дәрәҗә «Идарә эшчәнлегендәге казанышлар өчен» медале (Россия Наркотиклар әйләнешен контрольдә тоту федераль хезмәте).
  • «Россия Эчке эшләр министрлыгына 200 ел» медале (Эчке эшләр министрлыгы).
  • «Хәрби бердәмлек өчен» медале (Россия Федерациясе Федераль саклау хезмәте).
  • «Хезмәттәшлек өчен» медале (Россия Федерациясе дәүләт фельдъегер хезмәте).
  • «Мөһим әһәмиятле дәүләт объектларында янгын куркынычсызлыгын тәэмин итүгә аерым өлеш керткән өчен» медале (Россия Федерациясе Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министрлыгы).
  • «Хәрби бердәмлек өчен» медале (Эчке эшләр министрлыгы).
  • «Россия Эчке эшләр министрлыгына 200 ел» күкрәк билгесе.
дини
  • II дәрәҗә «Преподобный Сергий Радонежский» ордены (Рус православие чиркәве, 2012)[24].
  • I дәрәҗә «Изге бөек кенәз Димитрий Донской» ордены (Рус православие чиркәве, 2022) — чиркәү-дәүләт мөнәсәбәтләрен ныгытуга керткән өлеше һәм тууына 60 ел тулу уңаеннан[25].
региональ
  • «Мәскәү шәһәренә намуслы хезмәт өчен» аерымлык билгесе (2011 елның 17 мае).
  • «Мәскәүнең 850 еллыгы истәлегенә» медале.
  • Түбән Ламу шәһәренең мактаулы гражданы.
  • Орел өлкәсенең мактаулы гражданы (2018)[26].
  • «Карелия Республикасы алдындагы казанышлар өчен» медале (2020 елның 8 июне) — Карелия Республикасы һәм аның халкы алдындагы казанышлары, республиканың социаль-икътисади үсешенә зур өлеш кертүе һәм Карелия Республикасы оешуның 100 еллыгын бәйрәм итүгә әзерлек буенча дәүләт комиссиясе составында актив эшчәнлеге өчен[27].
чит ил
  • «Достук» ордены (2021 елның 12 октябре, Кыргызстан)[28].

Искәрмәләр

  1. ↑ Правительство РФ подало в отставку
  2. ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А.»
  3. ↑ 1 2 Энциклопедия ТАСС, 2024. Колокольцев, Владимир Александрович. Министр внутренних дел РФ
  4. ↑ Указ Президента Российской Федерации от 15.01.2007 г. № 33 «О начальнике Управления внутренних дел по Орловской области»
  5. ↑ В УВД Орловской области назначен новый начальник // Пресс-служба УВД, 17 января 2007
  6. ↑ 1 2 Баршев В., Передельский Д. и др. Город принял // Российская газета, № 4991 (167), 7 сентября 2009.
  7. ↑ Указ Президента Российской Федерации от 08.04.2009 г. № 365 «О назначении на должность сотрудников органов внутренних дел Российской Федерации»
  8. ↑ Указ Президента Российской Федерации от 07.09.2009 г. № 1013 «О начальнике Главного управления внутренних дел по г. Москве»
  9. ↑ Указ Президента Российской Федерации от 24 марта 2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
  10. ↑ Указ Президента Российской Федерации от 21.05.2012 г. № 645 «О Министре внутренних дел Российской Федерации»
  11. ↑ Владимир Колокольцев назначен министром внутренних дел РФ
  12. ↑ Президент подписал указы о назначении членов Правительства Российской Федерации и директоров служб. kremlin.ru (14 май 2024). Мөрәҗәгать итү датасы: 14 май 2024.
  13. ↑ РБК, 26 июня 2024. Колокольцев прибыл в Нью-Йорк для участия в полицейском саммите для стран ООН
  14. ↑ Алексей Мельников: Колокольчик смертной казни | Партия ЯБЛОКО. Мөрәҗәгать итү датасы: 28 март 2013. Архивировано 5 апрель 2013 года.
  15. ↑ Глава МВД представил Владимира Колокольцева личному составу // vesti.ru, 7 сентября 2009.
  16. ↑ «Сплошные совпадения» генерала Колокольцева привели в Петербург // Фонтанка.ру
  17. ↑ ВЕДОМОСТИ — Сын министра внутренних дел оказался бизнесменом
  18. ↑ На углу у Патриарших. Актеры и роли
  19. ↑ Указ Президента Российской Федерации от 24.03.2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
  20. ↑ Указ Президента Российской Федерации от 12.06.2013 г. № 556 «О присвоении воинских званий высших офицеров, специальных званий высшего начальствующего состава, высших специальных званий и классных чинов»
  21. ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А».
  22. ↑ Министр внутренних дел Российской Федерации Генерал полиции Российской Федерации Владимир Александрович Колокольцев
  23. ↑ https://мвд.рф/upload/site1/minister1(2)-240xx314.jpg Фото Министра внутренних дел РФ генерала полиции Российской Федерации В. А. Колокольцева с орденскими планками
  24. ↑ В неделю по Рождестве Христовом Предстоятель Русской Церкви совершил Божественную литургию в Успенском соборе Московского Кремля
  25. ↑ Состоялась встреча Святейшего Патриарха Кирилла с министром внутренних дел России В. А. Колокольцевым
  26. ↑ Владимир Колокольцев стал «Почетным гражданином Орловской области» (рус.). "ВЕЧЕРНИЙ ОРЁЛ". Орловская электронная газета (21 декабрь 2018). Мөрәҗәгать итү датасы: 26 апрель 2019.
  27. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»
  28. ↑ Колокольцев Владимир Александрович

Тема буенча өстәмә

Төркемнәр