Баулы аграр көллияте
Баулы аграр көллияте, рус. Бавлинский аграрный колледж — Татарстанның Баулы шәһәрендә (1950 елдан шәһәр тибындагы бистә, 1997 елдан шәһәр) урнашкан махсус урта белем бирүче уку йорты.
Гамәлгә куючы (2013 елдан) — Татарстан мәгариф һәм фән министрлыгы[1].
Тарих
1963 елда авыл хуҗалыгын механикалаштыру училищесы (УМСХ).
1965 елның 1 мартында 14нче санлы Биектау авыл хуҗалыгы училищесы Баулы эшчеләр бистәсенә күчерелә.
1967 елдан 14нче санлы Баулы авыл урта һөнәри-техник училищесы (ССПТУ-14).
1984 елдан 82нче санлы Баулы урта һөнәри-техник училищесы (СПТУ-82).
1997 елда 82нче санлы Баулы урта һөнәри-техник училищесы 82нче санлы һөнәри лицей (ПЛ-82) итеп үзгәртелә.
2009 елда ТР министрлар кабинеты карары[2] белән 82нче санлы Баулы һөнәри лицее Баулы аграр көллияте итеп үзгәртелә.
Директорлар
Гөләндәм Әсгать кызы Камалиева, Айнур Азат улы Гыймаев (2017 елга кадәр), Эльвира Рев кызы Фәррахова (в.б.) .
Белгечлекләр
Баулы аграр көллияте — авыл хуҗалыгы җитештерүе, нефть сәнәгате, төзелеш, сәүдә һ.б. хезмәт эшчәнлеге өлкәләре өчен кадрлар әзерли. Укучылар ике баскычлы әзерлек үтә: башлангыч һөнәри һәм урта һөнәри белем алу.
Уку йорты ачылганнан бирле Татарстан, күрше Башкортстан, Ырынбур һ.б. өлкәләр өчен 15 меңнән артык белгеч әзерләнгән[3].
2017-2018 уку елына Баулы аграр көллиятенә ТР мәгариф һәм фән министрлыгы фәрманы[4] буенча 125 студент кабул ителә.
- Авыл хуҗалыгын механикалаштыру (техник-механик, өлкән техник-механик)
- Җәмәгать туклануы продукциясе технологиясе (техник-технолог, өлкән технолог)
- Авыл хуҗалыгы җитештерүе тракторчы-машинисты (слесарь, тракторчы-машинист, машина йөртүче)
- Аш-су остасы, кондитер (аш-су остасы, кондитер)
- Авыл хуҗалыгы җитештерүе электр корылмаларын ремонтлау һәм файдалану буенча электромонтер
- Эретеп ябыштыручы (кул белән һәм өлешчә механикалаштырылган эретеп ябыштыру)[5]
Чыганаклар
- Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0
Сылтамалар
- Уку йортының «Татарстан республикасы электрон мәгарифе» порталындагы бите(үле сылтама)
- Көллиятнең Вконтактедагы төркеме
- Я в рабочие пошел...«Элита» (журнал), 30.08.2015 2021 елның 8 декабрь көнендә архивланган.
Искәрмәләр
- ↑ ТР мәгариф һәм фән министрлыгы сайты, archived from the original on 2017-05-17, retrieved 2017-05-11
- ↑ ТР министрлар кабинеты карары № 633 11.09.2009
- ↑ Об учреждении. Вконтакте
- ↑ ТР мәгариф һәм фән министрлыгы фәрманы № 2405/16 19.12.2016
- ↑ 2016 елның 8 апрелендә бирелгән 8172нче санлы лицензия буенча(үле сылтама)
