Казансу яр буе урамы (Казан)

Урам Казансуның уң ярында, Вахитов районының көнчыгыш өлешендә урнашкан. Урамның озынлыгы 501 метр тәшкил итә. Касаткин урамы белән кисешә. 2000 еллар уртасына кадәр Зоя Космодемьянская урамы белән дә кисешкән.

Урам XVIII гасырдан да соңга калмыйча оешкан Түбән Федоров бистәсе тарихи районы территориясендә барлыкка килгән. Шушы районга бәйле урамның беренче билгеле атамасы — Беръяклы Түбән Федоров бирелгән. Йортлар урамның бер ягында гына төзелгәнгә, аны «Берьяклы» дип атап йөрткәннәр.

1917 елгы инкыйлабка кадәр административ яктан 1 нче полиция бүлегенә караган^[1][2]. Казанда районнарга бүленеш кертелгәннән соң, Бауман районына^[3][4][5][6], Бауман һәм Вахитов районнарына, ә 1995 елдан — Вахитов районына карый^[7].

1927 елның 2 ноябрендәге Казан шәһәр шурасы комиссиясе утырышында (номерсыз протокол) урамга хәзерге исеме бирелә^[8].

1950 нче еллар уртасында Куйбышев сусаклагычын су белән тутыра башлау сәбәпле, шәһәрнең түбән өлешен су басудан саклау өчен Федосеевка дамбасы төзелә^[9][10].

2000 еллар башында урамның күпчелек агач корылмалары сүтелә, трассасы үзгәртелә^[10]. Хәзерге вакытта урам «Нефтьчеләр бистәсе» дип йөртелгән ябык коттеджлар бистәсе территориясенә керә^[11]. Берничә дистә коттедждан торган бистә 2005 елда «Татнефть» оешмасы хисабына Казанның меңьеллыгын бәйрәм итү кунакларын урнаштыру өчен төзелә^[12][13].

• 1 нче йорт янында — Татарстан Республикасы Министрлар Кабинетының вертолёт мәйданчыгы^[14];
• 91 нче йорт — Гыйззәтуллин йорты (сүтелгән)^[15].