Габдулла Тукай исемендәге Татар дәүләт филармониясе

1955 елда С. Киров исемендәге синтетик каучук заводының Мәдәният сарае буларак төзелә. Архитекторлары - РСФСРның атказанган архитекторы Павел Алексеевич Саначин һәм Георгий Иванович Солдатов. Архитектурасы — барокко, классицизм, совет чоры йогынтысында бераз үзгәреш алган арт-деко элементларын берләштергән совет ампиры, икенче төрле атаганда — неоклассицизм стиле.

С. Киров исемендәге синтетик каучук заводының мәдәният сарае 1959 елның 10 декабрендә эксплуатациягә бирелә. Биредә төрле тематик очрашулар, ял итү кичәләре, музыка һәм техник өлкәсе юнәлешендә халык университетлары оештырыла, кече яшьтәге балалар һәм яшүсмерләр өчен төрле түгәрәкләр эшли башлый. Мәдәният сарае карамагында шундый 13 төрле түгәрәк, 5 спорт секцияләре булдырыла. Үзешчән сәнгать халык коллективлары, «Идел» бию ансамбле, Фатеев җитәкчелегендә баянчылар ансамбле, С.А.Җиганова җитәкчелегендәге җыр коллективы, рәсем ясау студиясе эшли.

Шулай ук биредә рус һәм татар телләрендә эшләүче үзешчән театр коллективлары үз эшчәнлеген башлап җибәрә. Заводның төрле бүлекчәләреннән килгән яшьләрдән торган татар хор коллективлары (А.Р.Хәйретдинов җитәкли), тынлы оркестр (В. В. Михайлов җитәкли), халык бию ансамбльләре үз эшчәнлеген күрсәтә.

Яңа ел бәйрәменә карата балалар катнашында чыршы бәйрәмнәре үткәрелә.Шулай ук кинофестивальләр үткәрелә, анда төрле темаларга караган документаль фильмнар күрсәтелә. (Мәгълүмат интернет сайтыннан һәм завод музее архивында сакланучы чыганаклардан алынды)

2000 елның 18 ноябрендә бина Габдулла Тукай исемендәге Татар дәүләт филармониясенә тапшырыла

Бүгенге көндә филармония тулы тормыш белән яшәүче, армый-талмый эшләүче иҗат коллективларын туплаган абруйлы концерт оешмасы булып тора. Биредә Татарстан Республикасы халык уен кораллары дәүләт оркестры, Филармониянең әдәби-музыкаль лекторие (1994—2012 елларда Опера һәм камера музыкасы бүлеге дип аталды), Татарстан Республикасы фольклор музыкасы дәүләт ансамбле һәм Татарстанның филармония джаз-оркестры эшли. Филармониянең шушы иҗат коллективлары зур мәдәни-агарту эше алып бара. Шулай ук филармония төрле төбәкләрдән чакырылган солистлар чыгышларыннан торган орган концертларын да оештыра.

2000 елдан филармониянең заманча технологияләр буенча реконструкция үткән, яңа ут һәм тавыш аппаратурасы белән җиһазланган 600 тамашачы сыйдырышлы үз Концерт залы бар.

Сезон дәверендә филармония коллективлары 500 меңнән артык тамашачыга (өлкәннәр һәм балалар өчен) үз иҗатларын җиткерәләр. 800 дән артык концерт уздыралар. Чит илләргә гастрольләр белән еш чыгалар. Филармония үз концертларына башка республикалардан һәм илләрдән бик күп танылган дирижерлар, җырчылар һәм музыкантлар чакыра.

Габдулла Тукай исемендәге Татар дәүләт филармониясе менә инде күп еллар дәвамында Татарстан Республикасының музыкаль йөзен билгели. Концертлар, төрле грандиоз яңа проектлар оештыру белән беррәттән, ул Бөтендөнья татар конгрессы концертларын, Татарстан, Россия буйлап һәм чит илдә узучы Сабантуй бәйрәмнәрен, Татарстанның күренекле сәнгать әһелләренең юбилей кичәләрен һәм дәүләт дәрәҗәсендә уза торган башка мәдәни чараларны үткәрүдә актив катнаша.

1959 ел - Яхин Рөстәм Мөхәммәтхаҗи улы — композитор («Дулкыннар, дулкыннар», «Күңелем өзгәләнгән минутларда» һ.б. җырлары, романслары өчен).

1960 ел -Татарстан АССР Дәүләт җыр һәм бию ансамбле (татар хор культурасын һәм СССР халыкларының музыкаль иҗатын актив пропагандалаганы өчен).

1966 ел -Фәйзи Җәүдәт Харис улы (Җәүдәт Фәйзи) — композитор (яңа җырлар циклы өчен).

1969 ел - Арсланов Айрат Гәрәй улы — артист, нәфис сүз остасы («Туган ягым — Татарстан» дигән һ.б. әдәби концерт программалары өчен).

1970 ел - Ключарев Александр Сергеевич — композитор («Канатлы яшьлек» исемле җырлар җыентыгы һәм татар халык музыкаль иҗатын җыюы һәм пропагандалавы өчен).

Шакиров Илһам Гыйльметдин улы — җырчы (1968—1969 еллардагы концерт программалары, татар халык җырларын һәм композиторлар әсәрләрен пропагандалаганы өчен).

1979 ел - Ибраһимов Ринат Ислам улы — җырчы (1976—1978 еллардагы концерт программалары өчен).

1985 ел - Нигъмәтҗанов Мәхмүт Нигъмәтҗан улы — музыка белгече («Татар халык җырлары» һәм «Идел буе татарларының халык җырлары» һ.б. хезмәтләре өчен).

1990 ел - Садыйкова Сара Гариф кызы — композитор (үлгәннән соң; җырлары өчен).

1992 ел - Афзалова Әлфия Афзал кызы — җырчы (1989—1991 еллардагы концерт программасы өчен).

1994 ел - Мансуров Фуат Шакир улы — дирижёр (Татарстан Республикасы Дәүләт симфоник оркестрының 1991—1993 еллардагы концерт программасы өчен)

2001 ел - Шутиков Анатолий Иванович — дирижёр (Татарстан Республикасы халык уен кораллары дәүләт оркестрының 1995—1999 еллардагы концерт программасы өчен).

Л. А. Галиев (1937-1937)

Ә.Г. Садриев (1938-1939)

Б. Н. Абдуллин (1939-1941)

Зөләйха Әхмәтова (1941-1944)

Җәүдәт Фәйзи (1944-1946)

Михаил Хессин (1947-1948)

Михаил Боголюбов (1952-1961)

Хәдичә Калинина (1961-1965)

Михаил Первин (1965-1973)

Марат Таҗетдинов (1973-1988)

Әсхәт Сафин (1989-2003) 

Кадим Нуруллин' (2003 — х.в.)

А.М. РАЙСКИЙ (1937—1938)

И.М. КОЛЕСОВ (1938—1939)

Александр КЛЮЧАРЁВ (1939—1946) 

Җәләл САДРИЖИҺАНОВ (1946—1949)

Ә.Х. ХӘБИБУЛЛИН (1949—1950)

А.Г. ЯКОВЛЕВ (1950—1950)

Александр КЛЮЧАРЁВ (1950—1952)

Н.З. СТЕПАНОВ (1952—1953)

А.М. ИСМӘГЫЙЛЕВ (1953—1953)

Җ.Х. ФӘЙЗИ (1953—1959)

Рәйсә ВОЛКОВА (1959—1964)

Алмаз МОНАСЫЙПОВ (1966—1966)

Шамил НИЗАМЕТДИНОВ (1966—1967)

Мәхмүт НИГЪМӘТҖАНОВ (1967—1973)

Н.Г. САБИТОВСКАЯ (1973—1975)

Илгиз МӘҖИТОВ (1975—1992)

Илһам. ШАКИРОВ (1992—2011)

Айдар ФӘЙЗРАХМАНОВ (2011 — х.в.)

• Васильев Владимир Михайлович (2004 — х.в.) — бас^[1]
• Георгий Ибушев (1985 — х.в.) — тенор^[1]
• Резидә Галимова — (1996 — х.в.) — сопрано
• Роман Чуйнов — (1995- х.в.) — концертмейстер (фортепиано)^[1]
• Ригина Вәлиева — (2012 — х.в.) — сопрано^[1]
• Гөлнара Байназарова — (2013 — х.в.) — сопрано^[1]

• Татарстан Республикасы халык уен кораллары дәүләт оркестры (сәнгать җитәкчесе һәм баш дирижёр — РФнең халык артисты, Габдулла Тукай исемендәге Дәүләт премиясе лауреаты, профессор Анатолий Шутиков);
• Филармониянең әдәби-музыкаль лекторие (сәнгать җитәкчесе — ТРның халык артисты Владимир Васильев);
• Татарстан Республикасы фольклор музыкасы дәүләт ансамбле (сәнгать җитәкчесе — РФнең атказанган артисты, ТРның халык артисты Айдар Фәйзрахманов);
• Татарстанның филармония джаз-оркестры (сәнгать җитәкчесе һәм баш дирижёр — ТРның атказанган артисты Сергей Васильев).

1989 елда филармония халыкара «Татар җыры» конкурсын оештыручыларның берсе була. 2003 елда ул татар җырын башкаручыларның Илһам Шакиров исемендәге Халыкара конкурсы, 2006 елда Н.Г. Рахлин исемендәге музыка фестивале, ә 2008 елдан «Филармониада» Халыкара музыка сәнгате фестивален оештыручы.